Баҳодур Шерализода ва Дина Салеҳ таҳияи лоиҳаҳо доир ба масъалаҳои мутобиқшавӣ ба тағйирёбии иқлимро баррасӣ карданд
ДУШАНБЕ, 11.11.2022 /АМИТ «Ховар»/. Дар доираи Конфронси 27-уми тарафҳо оид ба тағйирёбии иқлим дар шаҳри Шарм-уш-Шайхи Ҷумҳурии Мисри Араб Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо директори минтақавӣ барои давлатҳои Шарқи Наздик, Африқои Шимолӣ ва Аврупои Фонди Байналмилалии Рушди Кишоварзӣ хонум Дина Салеҳ дар павилиони Ҷумҳурии Тоҷикистон мулоқот намуд. Дар ин бора АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад.
Мусоҳибон оид ба ҳамкории дуҷониба дар самти таҳияи лоиҳаҳо доир ба масъалаҳои мутобиқшавӣ ба тағйирёбии иқлим изҳори назар намуданд. Зикр шуд, ки Фонди мазкур ва Кумита давоми соли 2021 — 2022 лоиҳаи нави давлатии сармоягузориро бо ҷалби маблағгузории Фонди байналмилалии рушди кишоварзӣ, Фонди иқлими сабз ва Фонди глобалии экологӣ дар самти дастгирии соҳаи кишоварзӣ бо назардошти масъалаҳои мутобиқшавӣ ба тағйирёбии иқлим, ҳифзи гуногунии биологӣ ва беҳтаркунии хизматрасонии обуҳавошиносӣ таҳия ва тасдиқ намуданд.
Хонум Дина Салеҳ доир ба раванди ҳамкории Фонди мазкур бо Кумита изҳори қаноатмандӣ намуда, гуфт, ки бо мақсади таҳияи дизайни лоиҳаи нави иловагӣ дар самти барқарорсозии ландшафт, ҳифзи гуногунии биологӣ аз 21 то 26 ноябри соли равон коршиносони байналхалқӣ ба Тоҷикистон сафар мекунанд.
Инчунин Дина Салеҳ доир ба ташаббуси Фонд оид ба таҳияи лоиҳаи нави минтақавӣ барои Тоҷикистон ва Узбекистон дар самти мутобиқшавӣ ба тағйирёбии иқлим сухан гуфт.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Донишҷӯёни Донишкадаи Diplomun Institute бо фаъолияти Намояндагии доимии Тоҷикистон дар Женева шинос шуданд
Сафири Тоҷикистон ба вазири корҳои хориҷии Алҷазоир нусхаи эътимоднома супорид
Қоҳир Расулзода: «Раёсати Тоҷикистон дар Созмони ҳамкории Шанхай ба иқтисод ва мавқеи ин созмони бонуфуз таҳким бахшид»
Дар Душанбе ҷаласаи Шурои сарони ҳукуматҳо (сарвазирон)-и давлатҳои аъзои Созмони ҳамкории Шанхай баргузор гардид
Имконоти сармоягузорӣ, тиҷорат ва соҳибкории Тоҷикистон дар расонаҳои Амороти Муттаҳидаи Арабӣ муаррифӣ гардиданд
Сафири Тоҷикистон бо Вазири фарҳанг, варзиш ва ҷавонони Умон вохӯрӣ намуд
Ҳамкории Тоҷикистону Миср дар соҳаи технологияи рақамӣ баррасӣ гардид
Сафири Тоҷикистон бо Вазири адлияи Кувайт мулоқот кард
Президенти Узбекистон Вазири корҳои хориҷии Тоҷикистонро ба ҳузур пазируфт
ТОҶИКИСТОН ВА СОЗМОНИ ҲАМКОРИИ ШАНХАЙ. Саҳми давлати мо дар таҳкими ҳамкории гуногунҷанба ва баланд бардоштани нуфузи созмон назаррас аст
Сироҷиддин Муҳриддин дар ҷаласаи вазирони корҳои хориҷии Осиёи Марказӣ ва Иёлоти Муттаҳидаи Амрико дар қолаби С5+1 иштирок кард
Сарвазири мамлакат Қоҳир Расулзода бо муовини Сарвазир – вазири корҳои хориҷии Покистон Исҳоқ Дор мулоқот намуд
