Ба Осорхонаи Қасри Арбоб ва Осорхонаи таърихии вилояти Суғд китобҳои тозанашр ва аксу нигораҳо дастрас гардиданд

Ноябрь 27, 2022 09:03

 ДУШАНБЕ, 27.11.2022 /АМИТ «Ховар»/. Ба Фонди Осорхонаи Қасри Арбоб китобҳои тозанашр ва аксу нигораҳо туҳфа гардиданд. Дар ин бора ба АМИТ «Ховар» дар Хадамоти матбуоти Раиси вилояти Суғд хабар доданд.

Раиси вилояти Суғд, муовини якуми Раиси Маҷлиси миллии Маҷлиси Олии Ҷумҳурии Тоҷикистон Раҷаббой Аҳмадзода аз толори «Иҷлосияи XVI Шӯрои Олии Ҷумҳурии Тоҷикистон»-и Осорхонаи Қасри Арбоб боздид намуда, аз номи Ҳукумати мамлакат ва Маҷлиси миллӣ ба фонди осорхона китобҳои тозанашри «Сарвар, Президент, Пешво», «Эҳёгари Суғд», «Иҷлосия: Парвозгоҳи Пешвои миллат» ва медали ҷашнии «30-солагии Иҷлосияи XVI Шӯрои Олии Ҷумҳурии Тоҷикистон»-ро супорид.

Бояд гуфт, ки дар толори «Иҷлосияи XVI Шӯрои Олии Ҷумҳурии Тоҷикистон» воқеаҳои мудҳиш ва манзараи ҳузнангези он замон дар аксҳо инъикос ёфтаанд.

Иқтибос аз суханрониҳои Президенти Ҷумҳурии Тоҷикистон муҳтарам Эмомалӣ Раҳмон оид ба аҳамияти таърихии иҷлосия, нашрияҳои даврӣ, аксҳои бақайдгирӣ ва баромади вакилони мардумӣ, меҳмонон дар толор, нишоти вакилон дар “Оши оштӣ”, баррасии лоиҳаи Парчам ва Нишони давлатӣ, иқтибос аз баҳсу андешаҳо, дастгоҳҳои наворбардориву аксбардорӣ, аз қолину таҷҳизоти сабти овоз то курсиву минбари баромад ва дигар ашёе, ки он замон истифода шудаанд, имрӯз чун ёдгории таърихӣ дар ин толор маҳфузанд.


Ҳамчунин аксҳои намояндагони воситаҳои ахбори омма, ки ҷараёни Иҷлосияро ба навор гирифта, суҳбатҳои судманд анҷом медоданд, ба намоиш гузошта шудаанд, ки аҳмияти таърихӣ доранд.

Иттилоъ дода шуд, ки гӯшаи мазкур ба истиқболи 30-солагии Иҷлосияи XVI Шӯрои Олии Ҷумҳурии Тоҷикистон ташкил шуда, дар он маводи марбут ба иҷлосияи тақдирсоз ба намоиш гузошта шудааст.

Осорхонаи таърихии вилояти Суғд дорои 16,6 ҳазор адад ашёву нигораҳои таърихӣ буда, аз ҷойҳои сербинандатарин маҳсуб мешавад. Аз оғози сол беш аз 41 ҳазор нафар аз осорхона боздид намудаанд, ки 2885 нафари онҳо сайёҳони хориҷӣ мебошанд.

АКС: Хадамоти матбуоти Раиси вилояти Суғд

Ноябрь 27, 2022 09:03

Хабарҳои дигари ин бахш

«Телевизиони Сафина» соли 2024 силсилабарномаҳои «Достон» ва «Шоҳномахонӣ»-ро пешниҳоди бинандагон мегардонад
Кумитаи телевизион ва радио: «Имсол аз ҷониби дастаҳои ҳунарӣ 163 суруду оҳанг сабт гардид»
Корҳои сохтмонӣ дар бинои истиқоматӣ барои кормандони Кумитаи телевизион ва радио оғоз шудааст
Имсол дар Тоҷикистон Намоишгоҳи 12-уми байналмилалии «Китоби Душанбе» баргузор мегардад
НИШАСТИ МАТБУОТӢ. Дар Тоҷикистон 6 агентии иттиллоотӣ, аз инҳо 1 давлатӣ ва 5 мустақил фаъолият дорад
Дар Бадахшон бо иштироки ҳайати Иттифоқи нависандагони Тоҷикистон маҳфили адабӣ доир шуд
«ТОҶИКИСТОН – ВАТАНИ АЗИЗИ МАН». Даври сеюми ин озмуни ҷумҳуриявӣ моҳи сентябр баргузор мешавад
Ҳайати котиботи номинатсияи фаромиллии Роҳи абрешим: Долони Фарғона — Сирдарё бо ёдгориҳои таърихӣ, фарҳангӣ ва меъмории Суғд шинос мегардад
Олимони Чин бо фаъолияти расадхонаҳои Тоҷикистон шинос шуданд
Вобаста ба масъалаҳои таъмини ҳифзи сирри давлатӣ дар матбуот ва дигар воситаҳои ахбори омма машварати омӯзишӣ доир гардид
22 июл дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад
Дар Душанбе намоиши «Намунаҳои атласу адраси тоҷикӣ аз фонди Осорхонаи миллӣ» ифтитоҳ гардид