Бахшида ба Рӯзи Президент дар Агентии содирот ҷаласаи тантанавӣ баргузор шуд
ДУШАНБЕ, 15.11.2022 /АМИТ «Ховар»/. Имрӯз дар Агентии содироти назди Ҳукумати Ҷумҳурии Тоҷикистон бахшида ба Рӯзи Президенти Ҷумҳурии Тоҷикистон ҷамъомади тантанавӣ баргузор шуд, хабар доданд ба АМИТ «Ховар» дар Агентӣ.
Дар ҷаласа муовини якуми Директори Агентии содирот Бахтиёр Назирмадзода иброз дошт, ки мардуми шарифи Тоҷикистон ҳамасола 16 ноябр- Рӯзи Президенти Ҷумҳурии Тоҷикистонро ҳамчун иди миллӣ таҷлил менамоянд. Ба ин сана рост омадани Рӯзи Президенти Ҷумҳурии Тоҷикистон аз он ибтидо мегирад, ки 16 ноябри соли 1992 дар Иҷлосияи 16-уми Шӯрои Олӣ муҳтарам Эмомалӣ Раҳмон Раиси Шӯрои Олии Ҷумҳурии Тоҷикистон ва соли 1994 тариқи овоздиҳии умумихалқӣ Президенти Ҷумҳурии Тоҷикистон интихоб гардиданд.
Бо Раиси Шӯрои Олӣ интихоб гардидани муҳтарам Эмомалӣ Раҳмон дар ҳаёти ҷомеа ва таърихи давлатдории тоҷикон нуқтаи ҳалкунанда гузошта шуд.
«Тавре тамоми ҷомеаи Тоҷикистон иттилоъ доранд, баъди пайдо кардани истиқлолияти давлатӣ ватани мо ба гирдоби низои шаҳрвандӣ дармонд. Дар чунин вазъияти мураккаби сиёсӣ-иҷтимоӣ маҳз ташаккули ниҳоди президентӣ, ки бо ибтикори Эмомалӣ Раҳмон сурат гирифта буд, метавонист моро аз оташи ин низоъ раҳоӣ бахшад.
Эмомалӣ Раҳмон ҳамчун пешвои сиёсӣ ва роҳбари давлат дар ҳамон замони барои миллати тоҷик фоҷиабор тавонист мавқеи комилан дурусти сиёсиро интихоб намуда, ба тоҷикон сулҳу субот оварад. Рушди ояндаи мамлакат ва интихоби роҳи дигаргунсозии демократии ҷомеа, ваҳдати миллӣ бевосита бо ниҳоди президентӣ вобаста аст ва меҳвари он Пешвои миллат Эмомалӣ Раҳмон мебошанд»,-иброз дошт Бахтиёр Назирмадзода.
Дар ҷамъомад кормандони Агентӣ зикр намуданд, ки бо дастгирии бевоситаи Президенти Ҷумҳурии Тоҷикистон муҳтарам Эмомалӣ Раҳмон ҷиҳати мукаммалгардонии Низоми миллии дастгирии содирот тадбирҳои зарурӣ андешида шуда, баҳри расидан ба ҳадафҳои стратегии мамлакат амалишавии чораҳои зарурӣ идома дорад.
Бахшида ба Рӯзи Президент барои саҳми арзанда дар фаъолияти Агентӣ ва рушди содироти мамлакат аз ҷониби Агентии содирот ва Федератсияи иттифоқҳои касабаи мустақили Тоҷикистон кормандони фаъол бо ифтихорномаҳо сарфароз гардонида шуданд.
АКС:Агентии содироти назди Ҳукумати Ҷумҳурии Тоҷикистон
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
