Дар доираи Форуми ҷавонони Россия ва Тоҷикистон бо донишҷӯёни тоҷик мулоқот баргузор гардид
ДУШАНБЕ, 21.11.2022 /АМИТ «Ховар»/. Дар доираи Форуми ҷавонони Россия ва Тоҷикистон бо ибтикори Раиси ҷамъияти тоҷикони вилояти Челябинск «Сомониён» Исломуддин Раҷабов дар Донишгоҳи аграрии Урали Ҷанубӣ бо роҳбарияти донишгоҳ ва донишҷӯёни он аз Ҷумҳурии Тоҷикистон вохӯрӣ баргузор гардид. Дар ин бора ба АМИТ «Ховар» дар Вазорати корҳои дохилии Ҷумҳурии Тоҷикистон хабар доданд.
Дар ҷараёни мулоқот намояндаи расмии Вазорати корҳои дохилии Ҷумҳурии Тоҷикистон дар Федератсияи Россия оид ба ҳамоҳангсозии ҳамкорӣ дар соҳаи мубориза бо ҷинояткорӣ Абдусаттор Фаттозода ва муовини роҳбари дастгоҳи Вазири корҳои дохилии Ҷумҳурии Тоҷикистон Умарҷони Эмомалӣ сухан гуфтанд.
Ректори Донишгоҳи аграрии Урали Ҷанубӣ Светлана Черепухина дар суханронии худ ба ҷанбаҳои гуногуни раванди мутобиқшавӣ ва ҳамгироии донишҷӯёни макотиби олии маҳаллии Россия аз ҷумлаи шаҳрвандони Ҷумҳурии Тоҷикистон таваҷҷуҳ зоҳир намуд.
Дар ҳамоиш мавзӯъҳои муносибатҳои ҳамкории муассисаҳои таҳсилоти олии Федератсияи Россия ва Ҷумҳурии Тоҷикистон, инчунин масъалаҳои пешгирии зуҳуроти ифротгароӣ ва тундгароӣ миёни донишҷӯён, таҳсил ва меҳнат дар вилояти Урали Ҷанубии Федератсияи Россия мавриди баррасӣ қарор дода шуданд.
Ёдовар мешавем, ки аз 15 то 18 ноябр дар шаҳри Челябински Федератсияи Россия таҳти унвони «Воқеияти нав – расонаҳои нав» Форуми ҷавонони Россия ва Тоҷикистон баргузор гардид, ки намояндагони Вазорати корҳои дохилии Ҷумҳурии Тоҷикистон дар он иштирок намуданд.
Форум ба таҳкими ҳамкории ҷавонони Федератсияи Россия ва Ҷумҳурии Тоҷикистон нигаронида шуда, дар доираи он 50 нафар кормандони ВАО аз Россия ва Тоҷикистон дар дарсҳои маҳорат, вохӯриҳо ва суханронӣ оид ба масъалаҳои мубрами кор бо захираҳои ВАО ширкат варзиданд.
Акс: ВКД ҶТ
Ҳамкории Тоҷикистон ва Қазоқистон дар соҳаи тандурустӣ густариш меёбад
ОГОҲӢ. То 13 ноябр дар Тоҷикистон ҳавои номусоид пешгӯӣ мешавад
Татбиқи лоиҳаи «Барқарорсозии зерсистемаи системаи ВМК-и канали Қумсангир» ба 95 фоиз расид
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
