Дар Донишгоҳи давлатии Данғара оид ба таҳияи рисолаҳои номзадӣ ва докторӣ машварати корӣ доир шуд
ДУШАНБЕ, 28.11.2022 /АМИТ «Ховар»/. Дар Донишгоҳи давлатии Данғара бо мақсади ҳифзи сарватҳои зеҳнӣ ва ҳуқуқҳои муаллифӣ машварати корӣ баргузор шуд, хабар доданд ба АМИТ «Ховар» дар донишгоҳ.
26 ноябр оид ба истифодаи таҷрибаи амалии комиссияҳои олии аттестатсионии мамлакатҳои хориҷӣ, истифодаи васеи воситаҳои иттилооти электронӣ, махсусан барномаҳои компютерии «Антиплагиат» бо мақсади ҳифзи сарватҳои зеҳнӣ ва ҳуқуқҳои муаллифӣ аз ҷониби Комиссияи олии аттестатсионии назди Президенти Ҷумҳурии Тоҷикистон барои устодону омӯзгорони Донишгоҳи давлатии Данғара ва Донишгоҳи давлатии тиббии Хатлон машварати корӣ баргузор шуд. Дар кори он Раиси Комиссияи олии аттестатсионии назди Президенти Ҷумҳурии Тоҷикистон Абдулҳаким Розиқзода, Ректори Донишгоҳи давлатии Данғара Нуралӣ Шоҳиён, Ректори Донишгоҳи давлатии тиббии Хатлон Қурбон Убайдулло, мудири шуъбаи биологияи Комиссияи олии аттестатсионии назди Президенти Ҷумҳурии Тоҷикистон Ҳомид Саидов иштирок намуданд.
Ба иштирокчиён оид ба муқаррароти санадҳои меъёрии ҳуқуқии соҳа, таҳия ва барасмиятдарории ҳуҷҷатҳои аттестатсионии довталабон ҷиҳати дарёфти дараҷаи илмӣ ва унвони илмӣ, таҳияи дурусти ҳуҷҷатҳои аттестатсионӣ ба феҳристи маҷаллаи илмии тақризшавандаи Ҷумҳурии Тоҷикистон, ворид намудани маҷаллаҳои илмӣ, тибқи муқаррарот ба роҳ мондани фаъолияти Шӯрои олимони муассиса, дар самти дарёфти унвони илмӣ ва дигар масъалаҳои аттестатсияи кормандони илмӣ ва илмӣ – техникӣ, тахассусҳои олӣ ва ёрии амалию методӣ маълумоти муфассал расонида шуд.
Зикр шуд, ки машварати корӣ бо мутасаддиёни муассисаҳои илмӣ ва таҳсилоти олии касбии мамлакат оид ба барномаи компютерии «Антиплагиат» ва баррасии ҷиддии масъала як силсила мушкилотро дар ин раванд ҳал намуд. Аз ҷумла, ҷиҳати пешгирӣ кардани саргардонии довталабон Комиссияи олии аттестатсионӣ дар мувофиқа бо Вазорати маориф ва илми Ҷумҳурии Тоҷикистон ва Академияи миллии илмҳои Тоҷикистон тасмим гирифт, ки тибқи хоҳишу дархости довталабон санҷиши диссертатсия ва ё авторефератро тавассути барномаи компютерии «Антиплагиат»-и Комиссия тариқи онлайн роҳандозӣ намояд.
АКС: Донишгоҳи давлатии Данғара
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
Пешвои миллат дастур доданд, ки сифат ва муҳтавои китобҳои насли нав беҳтар карда шавад
Президенти Тоҷикистон: «Зарур аст дар байни ҷавонону наврасон фарҳанги истифодаи шабакаи интернет баланд бардошта шавад»
Кормандони Мақомоти иҷроияи ҳокимияти давлатии ноҳияи Ёвон суханронии Президенти Тоҷикистонро дастҷамъона тамошо намуданд
