Дар Душанбе ҷаласаи понздаҳуми Кумитаи ҳамоҳангсоз оид ба содагардонии расмиёти савдо баргузор гардид
ДУШАНБЕ, 30.11.2022 /АМИТ «Ховар»/. 29 ноябр ҷаласаи 15-уми Кумитаи ҳамоҳангсоз оид ба содагардонии расмиёти савдо бо роҳбарии муовини Вазири рушди иқтисод ва савдои Ҷумҳурии Тоҷикистон Абдураҳмон Абдураҳмонзода доир шуд. Дар ин бора ба АМИТ «Ховар» дар вазорати мазкур хабар доданд.
Дар ҷаласа масъалаҳо вобаста ба такмили Портали савдои Тоҷикистон, беҳтар намудани шароити хизматрасонӣ дар Фурудгоҳи байналмилалии шаҳри Душанбе, истифодаи таҷрибаи пешқадам дар татбиқи танзимгари ваколатдори иқтисодӣ, пешниҳодҳо ҷиҳати кам кардани номгӯи мол, кор ва хизматрасониҳо, ки бояд ҳатман сертификатсия карда шаванд ва зарурати ҳамроҳшавӣ ба «Созишномаи қолабӣ оид ба содагардонии расмиёти савдои бекоғази наздисарҳадӣ дар минтақаи Осиё ва Уқёнуси Ором» мавриди баррасӣ қарор гирифтанд.
Дар кори ҷаласа миёни намояндагони мақомоти давлатӣ ва бахши хусусӣ муколамаи озод сурат гирифт, ки масъалаҳои баррасишаванда бевосита ба татбиқи ҳуҷҷатҳои стратегӣ ва рушди босуботи иқтисодии кишвар мусоидат менамоянд.
Зикр шуд, ки Кумитаи ҳамоҳангсоз оид ба содагардонии расмиёти савдо бо мақсади ҳалли масъалаҳои пешомада дар фаъолияти бахши хусусӣ таъсис дода шуда, дар як сол 3-4 ҷаласаи он дар сатҳи роҳбарияти вазорату идораҳои марбутаи давлатӣ ва намояндагони бахши хусуӣ гузаронида мешавад.
АКС: Вазорати рушди иқтисод ва савдои ҶТ
Дар Панҷакент корхонаи мурғпарварӣ ва ҳавзҳои моҳидорӣ ба фаъолият оғоз намуданд
Дар Тоҷикистон «Барномаи давлатии рушди инноватсионии соҳаи пахтакорӣ барои солҳои 2026–2030» қабул гардид
Намояндагони Тоҷикистон дар Форуми байналмилалии зиддикоррупсионӣ иштирок намуданд
Дар Тоҷикистон аввалин маҷмааи муосири истеҳсоли шиша бунёд мегардад
Дар ноҳияи Сино низоми «Пардохти ягонаи коммуналӣ» дар марҳилаи пилотӣ ҷорӣ мегардад
Тоҷикистон бо чанд давлати ҷаҳон муносибати савдои хориҷӣ дорад?
Дар Душанбе Форуми рушди технологияҳои иттилоотию коммуникатсионӣ баргузор шуд
Дар доираи ҷаласаи 45-уми Шурои идоракунандагони GCF барои Тоҷикистон 2 лоиҳаи нави муҳим ба маблағи 190 миллион доллар тасдиқ гардид
Дар Душанбе ҷараёни корҳои пешакии лоиҳаи сохтмони метро дар пойтахт муҳокима гардид
Палатаи савдо ва саноати Тоҷикистон ҳамкориро бо Чин ва кишварҳои Осиёи Марказӣ густариш медиҳад
Дар Тоҷикистон Маркази ҳамоҳангсозии амнияти киберӣ барои бахши энергетика ва Низоми миллии иттилоотии бахши энергетикаи Тоҷикистон таъсис дода мешавад
Дурнамои ҳамкорӣ байни Тоҷикистон ва Қатар дар соҳаи саноат баррасӣ гардид
