Дар Душанбе Форуми ҳаштуми миллӣ оид ба волоияти қонун дар Тоҷикистон баргузор мешавад
ДУШАНБЕ, 02.11.2022 /АМИТ «Ховар»/. Бахшида ба таҷлили 28-умин солгарди қабули Конститутсияи Ҷумҳурии Тоҷикистон 4 ноябр, соати 9:00 дар Китобхонаи миллии Тоҷикистон Форуми ҳаштуми миллӣ оид ба волоияти қонун дар Ҷумҳурии Тоҷикистон баргузор мегардад, хабар доданд ба АМИТ «Ховар» дар Вазорати адлияи кишвар.
Вазорати адлияи Ҷумҳурии Тоҷикистон созмондиҳандаи Форуми миллӣ мебошад. Ҳамоиши мазкур ягона пойгоҳест, ки ҳуқуқшиносони мамлакатро барои муайян намудани афзалият ва таҳияи пешниҳодҳо барои мусоидат ба волоияти қонун ва дастрасӣ пайдо кардан ба адолати судӣ дар Тоҷикистон муттаҳид месозад.
Ҳадаф аз баргузор намудани Форуми миллӣ- муайян намудани мушкилотест, ки барои таҳкими волоияти қонун дар Тоҷикистон монеа эҷод мекунанд. Инчунин мақсади он — ҷустуҷӯи муштараки роҳҳо тавассути табодули таҷриба, муҳокимаи озод, таҳияи тавсияҳои мушаххаси пешниҳодҳо бо мақсади таъмини волоияти қонун дар Тоҷикистон ва баробарии шаҳрвандон дар назди қонун мебошад.
АКС аз бойгонии АМИТ «Ховар»
Имрӯз дар шаҳри Душанбе ҳаво то 25 дараҷа гарм мешавад
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
Дар шаҳри Гулистон беш аз 50 корхонаи саноатӣ фаъолият менамояд
Садои тоза ва интернети босуръат: муштариён VoLTE-ро интихоб мекунанд
Дар шаҳри Душанбе муколамаи G10 Insight Forum 2026 оғоз гардид
Дар доираи Форуми соҳибкории «Тоҷикистон ба пеш!» 23 Созишномаи ҳамкорӣ ба имзо расид
Дар қаламрави Тоҷикистон заминларза ба амал омад
