Дар Павилиони Тоҷикистон дар ҳошияи COP27 дар Шарм-уш-Шайхи Миср интиқоли энергияи тоза дар саросари ҷаҳон баррасӣ шуд
ДУШАНБЕ, 17.11.2022 /АМИТ «Ховар»/. «Тезонидани татбиқи Саҳми дар сатҳи миллӣ муайяншуда бо мақсади ноил шудан ба партовҳои сифр ва интиқоли энергияи тоза дар саросари ҷаҳон»- таҳти чунин унвон дар Павилиони миллӣ, ки дар ҳошияи Конфронси 27-уми ҷонибҳои Конвенсияи қолабии СММ оид ба тағйирёбии иқлим (COP27) дар Шарм-уш-Шайхи Миср ташкил гардидааст, бо иштироки намояндагони Тоҷикистон ва созмонҳои бонуфузи байналмилалӣ ҳамоиш доир гардид, иттилоъ доданд ба АМИТ «Ховар» дар Кумитаи ҳифзи муҳити зисти назди Ҳукумати Ҷумҳурии Тоҷикистон.
Вазорати энергетика ва захираҳои оби Ҷумҳурии Тоҷикистон ва Барномаи Рушди Созмони Милали Муттаҳид /СММ/ дар Ҷумҳурии Тоҷикистон аз созмондиҳандагони ҳамоиш буда, дар он нақши ҳамкории ҳамоҳангшуда, талошҳои муштараки минтақавӣ ва глобалӣ барои ноил шудан ба натиҷаҳои назаррас дар мутобиқшавӣ ба тағйирёбии иқлим ва коҳиши афзоиши ҳарорати глобалӣ матраҳ гардиданд.
Инчунин дар он масъалаи тезонидани татбиқи Саҳми дар сатҳи миллӣ муайяншуда бо мақсади ноил гардидан ба партовҳои сифр ва интиқоли энергияи тоза баррасӣ шуд.
Дар ҳамоиш муовини якуми Вазири энергетика ва захираҳои оби Ҷумҳурии Тоҷикистон Ҷамшед Шоимзода, директор оид ба масъалаҳои табиат, иқлим ва энергетика, ҳамоҳангсози иҷроияи Барномаи Рушди СММ оид ба маблағгузории муҳити зист Прадип Курукуласурия ва узви Раёсати Фонди глобалии экологӣ хонум Габриэлла Блаттер маъруза намуданд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Доир ба рақамикунонии минтақаҳои озоди иқтисодӣ дар шароити кишварҳои Авруосиё форуми байналмилалӣ баргузор мешавад
То соли 2030 беш аз 16 ҳазор гектар замин ба гардиши кишоварзӣ дароварда мешавад
Ҷалби ширкатҳои чинӣ барои татбиқи лоиҳаҳои энергетикии Тоҷикистон баррасӣ гардид
Муҳаммад Ҳасан Асадӣ бо фаъолият ва имконоти технологӣ ва инфрасохтории «Шаҳри ҳушманд» шинос шуд
Нақшаи қисми даромади буҷети маҳаллии шаҳри Ҳисор дар нимсолаи якуми соли 2026 сад фоиз иҷро шуд
Тоҷикистон ҳамкориро дар самти рақамикунонӣ бо Фонди Авруосиёии субот ва рушд таҳким мебахшад
Дар ноҳияи Ашт неругоҳи офтобӣ ба истифода дода мешавад
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
Дар Вазорати рушди иқтисод ва савдои Тоҷикистон рақамикунонии бизнес-равандҳо оғоз гардид
ЭНЕРГИЯИ «САБЗ». Дар корхонаҳои саноатӣ ва дигар иншооти вилояти Хатлон панелҳои офтобӣ насб карда мешаванд
НИШАСТИ МАТБУОТӢ. Дар Бадахшон дар шаш моҳ 25 корхонаю коргоҳи истеҳсолӣ ба истифода дода шуд
«НАҚЛИЁТИ «ҲУШМАНД»». Дар Душанбе ҷаласаи гурӯҳи кории татбиқи лоиҳаи рушди ин намуди нақлиёт баргузор гардид
