Дар Вазорати молия барномаи нави идоракунии қарз ва низоми таҳлили молиявӣ баррасӣ шуд
ДУШАНБЕ, 03.11.2022 /АМИТ «Ховар»/. Аз 17 то 28 октябр дар заминаи ҳамкории Вазорати молияи Ҷумҳурии Тоҷикистон бо Дафтари Швейтсария оид ба ҳамкорӣ дар Ҷумҳурии Тоҷикистон (SECO) кормандони Сарраёсати қарзи давлатӣ ва ҷалби сармоягузориҳои давлатии Вазорати молия ба давраи омӯзишӣ дар мавзӯи «Барномаи нави идоракунии қарз ва низоми таҳлили молиявӣ (DMFAS)» фаро гирифта шуданд.
Тавре АМИТ «Ховар» бо истинод ба Вазорати молия хабар медиҳад, барномаи мазкур бо ташаббуси Конфренсияи Созмони Милали Муттаҳид оид ба савдо ва рушд таҳия шуда, барои бақайдгирӣ, назорат ва таҳлили қарзи берунӣ ва дохилӣ, қарзҳои хусусӣ, грантҳо ва субкредитҳо (зерқарзӣ) пешбинӣ гардидааст. Давраи омӯзишӣ таҳти роҳбарии мушовирон/тренерҳои барнома Артак Марутян ва Андрес Блондет гузаронида шуд.
Мавриди зикр аст, ки барномаи нави идоракунии қарз ва низоми таҳлили молиявӣ дар мақомоти дахлдори 74 давлати дунё насб гардида, дар айни замон 84 муассиса дар 58 мамлакати ҷаҳон бо ин барнома кор мебаранд.
Дар интиҳои давраи омӯзишӣ кормандони Сарраёсати қарзи давлатӣ ва ҷалби сармоягузориҳои давлатии Вазорати молия барои иштироки фаъол дар раванди омӯзиш бо Сертификати DMFAS сарфароз гардонида шуданд.
АКС: Вазорати молияи Ҷумҳурии Тоҷикистон
Дар Душанбе оид ба нақши занони мақомоти гумрук дар таҳкими арзишҳои миллӣ ва хизмати давлатӣ ҳамоиш доир шуд
Дурнамои таҳкими ҳамкории Бонки миллии Тоҷикистон бо Бонки ҷаҳонӣ дар Душанбе баррасӣ гардид
Раванди татбиқи лоиҳаи муштараки «Диёри Душанбе» дар Қатар баррасӣ карда шуд
Дар Душанбе Форуми байналмилалии «Савдои фаромарзии бекоғаз ва ҳамгироии минтақавӣ» баргузор гардид
Дар ноҳияи Дарвоз бахшида ба 35-солагии Истиқлоли давлатӣ 11 иншоот ифтитоҳ гардид
Дар даврони соҳибистиқлолӣ ба рушди иҷтимоию иқтисодии Бадахшон беш аз 26 миллиард сомонӣ равона гардидааст
Пешвои миллат: «Маҷмуи маҳсулоти Вилояти Мухтори Кӯҳистони Бадахшон дар 25 соли охир 93 баробар афзоиш ёфтааст»
Дар Бадахшон ба истиқболи ҷашни 35-солагии Истиқлоли давлатӣ 1545 иншооти таъйиноти гуногун сохта, ба истифода дода шудааст
Дар Бадахшон корҳои сохтмонии зеристгоҳи барқии «Шарифобод» оғоз гардид
Дар Тоҷикистон беш аз 400 ҳазор тонна пиёз ҷамъоварӣ гардидааст
Дар Тоҷикистон дар беш аз 223 ҳазор гектар кишти тирамоҳӣ гузаронида мешавад
Соҳибкорон аз Чин бо фаъолияти корхонаҳои Минтақаи озоди иқтисодии «Суғд» шинос шуданд
