Дар вилояти Фарғонаи Узбекистон нишасти 203-юмини маҳфили илмиву адабии «Ганҷи сухан» баргузор гардид
ДУШАНБЕ, 07.11.2022 /АМИТ «Ховар»/. Бо ташаббуси Мақомоти иҷроияи ҳокимияти давлатии вилояти Суғд ва Сафорати Тоҷикистон дар Узбекистон нишасти 203-юмини маҳфили илмиву адабии «Ганҷи сухан» дар вилояти Фарғона баргузор шуд. Дар ин бора ба АМИТ «Ховар» дар Хадамоти матбуоти Раиси вилояти Суғд хабар доданд.
Бино ба иттилои роҳбари маҳфил Саидумрон Саидов сездаҳ нафар адибону олимони вилояти Суғд давоми ду рӯз дар Фарғона, Риштон ва Марғелон бо аҳли илму адаби вилояти Фарғона, мавзеъҳои таърихиву фарҳангӣ ва ҳунарӣ ошно гардида, суҳбату мулоқотҳои муфид баргузор намуданд.
Пас аз дидору мулоқотҳо дар факултети филологияи Донишгоҳи давлатии Фарғона маҳфили «Ганҷи сухан» баргузор шуд. Дар оғози маҳфил Саидумрон Саидов аз нақши беназири сарварони ду кишвар — Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Узбекистон муҳтарам Шавкат Мирзиёев дар рушди дӯстиву робитаҳои илмиву адабӣ сухан намуда, ба ректори Донишгоҳи давлатии Фарғона Баҳодурҷон Шермуҳамадов туҳфаҳои Раиси вилояти Суғд — 200 номгӯ китобҳои адабиву бадеӣ ва таърихиву илмиро тақдим кард.
Дар идома нависанда Додохони Эгамзод аз таърихи дӯстии ду халқ сухан кард ва бо суҳбатҳои ширину гуворои худ хотири ҳозиринро шод намуд. Ӯ низ як силсила китобҳояшро ба роҳбарияти донишгоҳу факултет ҳадя намуд.
АКС: Хадамоти матбуоти Раиси вилояти Суғд
Шералӣ Хоҷазода: «Намоиши осори бостонии тоҷикон дар Осорхонаи тамаддунҳои Рим эътирофи миллат дар арсаи байналмилалӣ аст»
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак оғоз мегардад
«ТОҶИКИСТОН-КИШВАРИ ЁДГОРИҲОИ НОДИР». Дар Рим ёдгориҳои нодири таърихию фарҳангии Тоҷикистон ба маърази тамошо гузошта мешаванд
«Шоҳҷоиза»-и сеюмин Синамоҷоизаи миллии «Тоҷи Сомон» ба филми «Дурахши ахтарон: Ҷомӣ ва Навоӣ» тақдим гардид
Ҷаласаи Шурои директорони киностудияҳои кишварҳои аъзои ИДМ доир шуд
Имрӯз даври чоруми Озмуни ҷумҳуриявии «Илм — фурӯғи маърифат» оғоз мегардад
Радиои «Ҳисори Шодмон» расман ба фаъолият шуруъ намуд
Дилрабо Мансурӣ бо ҷараёни баргузории даври ниҳоии Озмуни ҷумҳуриявии «Тоҷикистон-Ватани азизи ман» шинос шуд
Дар Осорхонаи миллии Тоҷикистон толори Сомониён пас аз навсозӣ ифтитоҳ гардид
РӮЗҲОИ СИНАМОИ ҚИРҒИЗИСТОН. Дар кинотеатри «Наврӯз»-и Душанбе се филми қирғизӣ ба намоиш гузошта мешавад
«ШОҲИ ТАОМҲО». Фестивали «Оши палав» ва Намоиш-фурӯши шолӣ ва биринҷ бо шукӯҳу шаҳомати хос доир гардид
«ОМАД ХУҶАСТА МЕҲРГОН, ҶАШНИ БУЗУРГИ ХУСРАВОН!». Дар Душанбе Иди Меҳргон таҷлил гардид
