Дурнамои муносибатҳои дуҷониба миёни палатаҳои савдо ва саноати Тоҷикистон ва Россия баррасӣ гардид
ДУШАНБЕ, 26.11.2022 /АМИТ «Ховар»/. 23 ноябр дар Палатаи савдо ва саноати Тоҷикистон вохӯрии ҳайати тиҷоратии вилояти Кургани Федератсияи Россия таҳти роҳбарии Президенти Иттифоқи Палатаи савдо ва саноати вилояти Курган Иля Назаренко бо муовини Раиси Палатаи савдо ва саноати Ҷумҳурии Тоҷикистон Ҳайдар Раҷабов доир гардид, ки зимни он вазъи кунунӣ ва дурнамои муносибатҳои дуҷониба миёни палатаҳои ду кишвар баррасӣ карда шуд. Дар ин бора ба АМИТ «Ховар» дар Палатаи савдо ва саноати Тоҷикистон хабар доданд.
Аз ҷониби роҳбарияти Палата ба меҳмонон оид ба вазъи иқтисодии кишвар, фазои мусоиди сармоягузорӣ, ташкили корхонаҳои муштарак, ташкили намоишгоҳҳои тахассусию универсалӣ ва ба ин васила муаррифӣ намудани маҳсулоти ватанӣ дар вилояти Кургани Федератсияи Россия маълумот пешниҳод гардид.
Дар вохӯрӣ инчунин Раиси Палатаи савдо ва саноати вилояти Хатлон Фарҳод Расулзода ва намояндаи Кумитаи рушди сайёҳии назди Ҳукумати Ҷумҳурии Тоҷикистон Усмоналӣ Латифӣ иштирок намуда, доир ба иқтидори содиротии вилояти Хатлон ва инчунин имконият дар самти рушди сайёҳии кишвар маълумот пешниҳод намуданд.
Мулоқот дар фазои дӯстона ва ҷавобгӯ ба сатҳи баланди муносибатҳои тарафайн анҷом ёфта, ҷонибҳо доир ба таҳкиму густариши минбаъдаи ҳамкории Тоҷикистон ва вилояти Кургани Федератсияи Россия дар чаҳорчӯби бахши тиҷоративу иқтисодӣ таваҷҷуҳи хосса зоҳир намуданд.
АКС: Палатаи савдо ва саноати ҶТ
Байни Тоҷикистон ва Қазоқистон Харитаи роҳ оид ба тақвияти минбаъдаи ҳамкорӣ дар соҳаи кишоварзӣ ба имзо расид
Дар Мамнуъгоҳи давлатии «Зоркӯл» камераҳои аксбардории худкор насб карда шуданд
Дар ноҳияи Данғара татбиқи технологияҳои инноватсионии парвариши зироат дар заминҳои лалмӣ баррасӣ гардид
Дар Душанбе картошкаи калонтарин ба намоиш-фурӯш гузошта шуд
Байни Тоҷикистон ва Қазоқистон Созишномаи қолабӣ оид ба ҳамкорӣ дар самти таҳвили маҳсулоти нафтӣ ба имзо расид
Ҳайати Тоҷикистон дар Конфронси ваколатдори Иттиҳоди байналмилалии телекоммуникатсия иштирок дорад
Дар Душанбе форум ва конфронси байналмилалии зиддикоррупсионӣ доир мегарданд
Ҳаҷми умумии қарзҳои додашуда дар Тоҷикистон 25,5 фоиз зиёд гардидааст
Ширкатҳои Тоҷикистон ҳамкориро бо соҳибкорони Ҷопон таҳким мебахшанд
Байни Тоҷикистон ва Қазоқистон Созишнома дар бораи ҳамкории иттилоотӣ дар соҳаи таъминоти нафақа ба имзо расид
Вазири энергетика ва захираҳои оби Тоҷикистон бо лоиҳаҳои рақамикунонии ширкати «KEGOC»-и Қазоқистон шинос шуд
Байни Тоҷикистон ва Қазоқистон дар самти муқовимат ба коррупсия Ёддошти тафоҳум оид ба ҳамкорӣ ба имзо расонида шуд
