ФАО СММ: Нархи маводи мавриди ниёзи аввал дар Тоҷикистон муътадил гардид
ДУШАНБЕ, 09.11.2022 /АМИТ «Ховар»/. Нархи маводи мавриди ниёзи аввал аз моҳи июл то сентябри соли 2022, аз ҷумла орди гандум ва равғани растанӣ дар Тоҷикистон нисбат ба семоҳаи қаблӣ муътадил гардид. Арзиши сабади якмоҳаи озуқавории истеъмолӣ (қобилияти харидорӣ) дар семоҳаи охир аз 1.720 то ба 1.670 сомонӣ арзон шуд. Тавре АМИТ «Ховар» хабар медиҳад, дар ин бора дар ҳисоботи семоҳаи Барномаи умумиҷаҳонии ғизои СММ гуфта шудааст.
Созмони озуқаворӣ ва кишоварзии СММ (ФАО) иттилоъ дод, ки моҳи октябр нархҳои ҷаҳонии озуқаворӣ ба таври васеъ муътадил буданд ва нархи баланди зироати ғалладонагӣ бинобар поин рафтани арзиши дигар маҳсулоти асосии ғизоӣ ҷуброн карда шуд.
Моҳи октябр Индекси нархҳои озуқаи ФАО, ки тавассути онҳо ҳар моҳ тағйирёбии нархҳои ҷаҳонии маводи ғизоии серталабро назорат карда мешаванд, ба ҳисоби миёна 135,9 нуқтаро ташкил дод, ки каме поёнтар аз арзиши моҳи сентябр буд. Баъд аз навкунии охирин арзиши ин шохис 14,9 дарсад поёнтар аз ҳадди баландтарини таърихияш аст, ки моҳи марти соли 2022 ба он расида буд, аммо дар ҳар сурат аз сатҳи октябри соли 2021 2,0 дарсад боло буд.
Шохиси нархи ғалладонагии ФАО дар ин моҳ 3,0 дарсад афзоиш ёфт. Нархи гандум дар ҷаҳон 3,2 дарсад боло рафт, ки асосан ба далели номуайянӣ дар атрофи ташаббуси ғаллаи баҳри Сиёҳ ва инчунин таҷдиди коҳиши ҳаҷми таъминот дар Иёлоти Муттаҳидаи Амрикост.
Дар назар аст, ки ҳаҷми савдои ҷаҳонии ғалла дар мавсими солҳои 2022-2023 2,2 дарсад коҳиш ёфта, ба 469 миллион тонна расад.
Шаҳлои САДРИДДИН,
АМИТ «Ховар»
Акс: ФАО СММ
Дар Душанбе самтҳои ҳамкорӣ бо ҳайати Палатаи савдои хориҷии Олмон баррасӣ гардид
Тоҷикистон дар доираи татбиқи Консепсияи рушди соҳаи ангишт ҳаҷми истихроҷи ангиштро ба 15 миллион тонна мерасонад
Дар Остона Форуми соҳибкории Тоҷикистону Қазоқистон баргузор шуд
Дар оянда байни Тоҷикистон ва Амрико парвозҳои мустақими ҳавоӣ ба роҳ монда мешаванд
Ҳамкории Кумитаи рушди маҳали Тоҷикистон ва Бонки ҷаҳонӣ оид ба такмили низоми худидоракунӣ баррасӣ гардид
Таҳкими ҳамкории иқтисодию сармоягузории Тоҷикистону Ветнам баррасӣ карда шуд
Масъалаҳои тақвияти ҳамкорӣ дар самти бехатарии озуқаворӣ бо намояндагони Бонки ҷаҳонӣ баррасӣ шуданд
Байни Тоҷикистон ва Лаос масоили таҳкими ҳамкории сармоягузорӣ ва иқтисодӣ баррасӣ гардид
Ҳамкории Тоҷикистон ва Қирғизистон дар самтҳои тиҷорат, нақлиёт, сармоягузорӣ ва логистика густариш меёбад
Таҳкими ҳамкории Тоҷикистон бо ширкати «Smart Villages» -и Миср дар соҳаи инноватсия баррасӣ гардид
Вазири рушди иқтисод ва савдои Тоҷикистон дар чорабинии сатҳи баланди СПЕКА иштирок намуд
Файзиддин Қаҳҳорзода бо намояндагони Институти ҷаҳонии рушди сабз ва Комиссияи иқтисодӣ ва иҷтимоии СММ вохӯрӣ намуд
