Хизматчиёни давлатӣ Рӯзи Конститутсияро дар «Кохи Афсарон»-и Душанбе бо шукӯҳ таҷлил намуданд
ДУШАНБЕ, 05.11.2022. /АМИТ «Ховар»/. 28 сол муқаддам мардуми шарафманд ва сарбаланди тоҷик ба хотири ояндаи неку дурахшони давлату миллат, бо масъулияти баланди шаҳрвандию инсонӣ дар давраи басо мушкил Конститутсияи давлати соҳибистиқлоли худро тариқи раъйпурсии умумихалқӣ қабул намуданд ва аз шарофати он имрўз дар кишвар эъмори ҷомеаи ҳукуқбунёд бомаром идома дорад. Чунин баён гардид, зимни баргузории чорабини тантанавии Агентии хизмати давлатии назди Президенти Ҷумҳурии Тоҷикистон, ки дар «Кохи Афсарон»-и пойтахт баргзор гардид, иттилоъ доданд дар агентии мазкур.
Директори Агентии хизмати давлатии назди Президенти Ҷумҳурии Тоҷикистон Ҷумъа Давлатов чорабинии тантанавиро ифтитоҳ намуда, ҳозиринро барои иштирок дар чорабинии тантанавӣ бахшида ба Рӯзи Конститутсияи Ҷумҳурии Тоҷикистон хайрамақдам намуд.
Ҳамоиш таҳти унвони «Конститутсия — кафили таъмини соҳибихтиёрӣ ва тамомияти арзии кишвар» доир гардида, дар он собиқадорони соҳаи хизмати давлатӣ аз ҷумла, раиси Комиссияи марказии интихобот ва раъйпурсии Ҷумҳурии Тоҷикистон Бахтиёр Худоёрзода, академики Академияи миллии илмҳои Ҷумҳурии Тоҷикистон, доктори илмҳои ҳуқуқшиносӣ, Махкам Маҳмудзода, собиқ раиси Суди конститутсионии Ҷумҳурии Тоҷикистон Шерхон Салимзода, омӯзгори калони кафедраи мурофиаи ҷиноятӣ ва криминалистикии Донишгоҳи славянии Россия ва Тоҷикистон, собиқ Прокурори генералии Ҷумҳурии Тоҷикистон, Ғайратшо Тағойзода, муовини якуми роҳбари дастгоҳи МНМОҶТ, Қарамалӣ Нуралишозода, ноиби ректори Академияи идоракунии давлатии назди Президенти Ҷумҳурии Тоҷикистон, хизматчиёни давлатӣ аз вазорату идораҳо, магистрантон-хизматчиёни давлатии бо таҳсил фаро гирифташудаи Академияи идоракунии давлатии назди Президенти Ҷумҳурии Тоҷикистон ширкат варзиданд.
Иштирокчиён вобаста ба таърихи қабули ин санади олии давлатӣ, марҳилаҳои омодасозии лоиҳаҳои Конститутсияи Тоҷикистони тозаистиқлол, хусусиятҳои хоси Конститутсияи Тоҷикистон, эътибор ва эътирофи олӣ доштани ин ҳуҷҷати муаррифгари сохтори давлатӣ маърӯзаҳо пурмуҳтаво намуданд.
Нотиқон зикр карданд, ки бисту ҳашт сол муқаддам дар кишвари мо тавассути раъйпурсии умумихалқӣ нахустин Конститутсияи Тоҷикистони соҳибистиқлол қабул гардид. Бузургӣ ва аҳамияти ин санади муҳими таърихӣ, пеш аз ҳама, дар он ифода меёбад, ки он бори нахуст аз ҷониби халқ ва барои халқ бо роҳи ифодаи озодонаи майлу иродаи шаҳрвандони Ҷумҳурии Тоҷикистон қабул карда шудааст.
АКС: Агентии хизмати давлатии назди Президенти Ҷумҳурии Тоҷикистон
Дар Ҳисор бахшида ба Рӯзи байналмилалии оила ҳамоиши идона доир гардид
Доир ба масъалаи масъулияти блогерон дар таъмини фазои иттилоотӣ вохӯрӣ баргузор шуд
КОНФРОНСИ 35-УМИ МИНТАҚАВИИ СОЗМОНИ ОЗУҚАВОРӢ ВА КИШОВАРЗИИ СММ. Оид ба нақши занон дар таъмини амнияти озуқаворӣ ҳамоиш доир шуд
Байни Тоҷикистон ва Чин дар самти таҳқиқоти академӣ Ёддошти тафоҳум оид ба ҳамкорӣ ба имзо расид
«БЕҲТАРИН УСТО ВА ШОГИРД». Ғолибони фестивал-озмуни ҳунармандону косибон аз рӯйи чор номинатсия муайян гардиданд
Ёддошти тафоҳум оид ба ҳамкорӣ байни Ҳизби Халқии Демократии Тоҷикистон ва Ҳизби Коммунистии Чин ба имзо расид
Оид ба саҳми илм дар амалисозии ташаббусҳои байналмилалии Тоҷикистон конфронси илмӣ доир гардид
Посух ба муроҷиати шаҳрванди Афғонистон Муҳаммад Ҳаким Турсун
«БЕҲТАРИН УСТО ВА ШОГИРД». Дар Душанбе даври ҷамъбастии фестивал-озмуни ҳунармандону косибон баргузор мегардад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
«ЯК МАТОВУ САД РАНГ». Шаҳри Душанбе бо намоиши либосҳои муосири миллӣ ба гирифтани ҷойи якум сазовор гардид
Дар Ню-Йорк ҳамкории Тоҷикистон бо шарикони байналмилалӣ дар самти муҳоҷират баррасӣ гардид
