Имрӯз дар беш аз 90 фоизи шаҳру ноҳияҳои Тоҷикистон майдонҳо бо сутунпояи парчам мавҷуданд

Ноябрь 24, 2022 14:20

ДУШАНБЕ, 24.11.2022 /АМИТ «Ховар»/. Парчами миллӣ мисли дигар рамзҳои давлатӣ дар ташаккули ҳисси ватандӯстӣ миёни шаҳрвандони мамлакат, муҳаббат ба Ватан нақши муҳим дорад. Дар Тоҷикистон ба ин масъала таваҷҷуҳи хосса зоҳир карда мешавад ва  маълумоти Кумитаи сохтмон ва меъмории назди Ҳукумати Ҷумҳурии Тоҷикистон гувоҳи ин гуфтаҳост.

«Имрӯз дар 90 дарсади мамлакат, яъне қариб дар тамоми шаҳру ноҳияҳо майдонҳое мавҷуданд, ки сутунпояи парчам доранд ва дар онҳо Парчами давлатии Тоҷикистон ҷилвагар аст. Дар ояндаи наздик дар ҳудуди 3 ноҳияи боқимонда низ сутунпояҳои парчам бо майдонҳояшон сохта мешаванд, ки шаҳрвандон дар онҷо истироҳат ва маҳфилҳои фарҳангӣ баргузор менамоянд», — гуфтанд дар кумита.

Дар Кумита  тазаккур доданд, ки дар тамоми гӯшаву канори мамлакат корҳои ободонӣ ва бунёдкорӣ идома доранд ва ояндаи наздик 65 шаҳру вилояти ҷумҳуриро  майдонҳо бо сутунпояҳои парчамҳо оро медиҳанд.

Бояд гуфт, ки бо ташаббусҳои бевоситаи Пешвои миллат муҳтарам Эмомалӣ Раҳмон дар марказҳои шаҳру навоҳии мамлакат майдонҳои Парчами давлатӣ бо хиёбонҳои замонавӣ бунёд ва мавриди баҳрабардорӣ қарор дода шуданд, ки ин ба бедории ҳисси баланди ватандӯстӣ, худшиносӣ ва эҳтиром ба муқаддасоти миллӣ заминаи воқеӣ мегузорад.

Пешвои миллат муҳтарам Эмомалӣ Раҳмон имрӯз шаҳрвандони Тоҷикистонро бо Рӯзи Парчами давлатӣ табрик гуфта, зикр карданд, ки шаҳрвандони мамлакат вазифадоранд зери Парчами давлатӣ боз ҳам бештар муттаҳид шаванд, барои ҳифзи марзу буми Ватан ва таҳкими давлатдории нав ҳушёрии сиёсиро аз даст надода, манфиатҳои миллию давлатиро дифоъ намоянд, барои расидан ба қадри сулҳу оромӣ, суботи сиёсӣ, таҳкими ваҳдати миллӣ ва боз ҳам баланд бардоштани нуфузи Тоҷикистон дар арсаи байналмилалӣ саъю кӯшиш намоянд.

АКС: АМИТ «Ховар»

 

Ноябрь 24, 2022 14:20

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш дар назар аст
Бузҳоро дар Калифорния ҳамчун воситаи оташнишонӣ ба иҷора мегиранд
Дар Ҳавайӣ вулқони Килауэа аз нав хурӯҷ намуд
Навгонӣ дар бозори алоқаи мобилӣ: чӣ қадаре, ки мехоҳӣ, пардохт намо. Ва ё тарофаи худро бо зиёда аз 900 намуди хизматрасонӣ бисоз
Дар музофоти Ҳайнани Чин бар асари боришоти шадид сатҳи баландтарини хатар эълон карда шуд
Имрӯз дар Тоҷикистон болоравии ҳарорати ҳаво дар назар аст
Олимон дар ғизо манбаи тасодуфии пластикиро ошкор намуданд
Дар Душанбе 20 нафар занон-кормандони вазорату идораҳо малакаи забондонии худро ташаккул доданд
Имрӯз дар Душанбе гармии ҳаво рӯзона то 39 дараҷа мерасад
ҚУРБИ АСЪОР: дар Тоҷикистон 1 рубли русӣ аз 0. 1340 то 0.1365 сомонӣ муқаррар карда шудааст
Дар Бағдод бар асари тӯфони регӣ тақрибан 500 нафар осеб бардошт
Дар Ҳаити бар асари офати табиӣ 42 нафар ҳалок шуд