«МОСКОВСКАЯ ПРЕМЬЕРА». Дар пойтахти Россия Фестивали байналмилалии кинои ИДМ оғоз гардид
ДУШАНБЕ, 30.11.2022 /АМИТ «Ховар»/. Аз 29 ноябр то 5 декабри соли равон дар шаҳри Москва Фестивали 4-уми байналмилалии киноҳои кишварҳои ИДМ- «Московская премьера» баргузор мегардад, ки дар он филмҳои бадеӣ ва кӯтоҳмуддат аз давлатҳои Озарбойҷон, Арманистон, Беларус, Гурҷистон, Тоҷикистон, Россия, Қазоқистон, Қирғизистон, Латвия ва Узбекистон иштирок мекунанд, иттилоъ медиҳад хабарнигори АМИТ «Ховар».
Маросими ифтитоҳи фестивал 30 ноябр, соати 19.00 дар маркази кинои «Домжур» баргузор шуда, дар ифтитоҳи он филми мустанади «Тангаи кишвари Малави» пешниҳод мегардад.
Ҳайати ҳакамони озмуни филмҳои кӯтоҳро коргардон ва киношинос аз Тоҷикистон, коршиноси Шабакаи пешбурди кинои Осиё (NETPAC) Шарофат Арабова раҳбарӣ мекунад. Дар ҳайати ҳакамон намояндагони Озарбойҷон, Беларус, Молдова, Россия низ ҳастанд.
Маросими пӯшидашавӣ 4 декабр, соати 17.00 дар маркази кинои «Домжур» баргузор мешавад.
Бояд гуфт, ки дирӯз, 29 ноябр ҷаласаи Ҳукумати Тоҷикистон баргузор шуд, ки дар он Барномаи рушди кино дар Ҷумҳурии Тоҷикистон барои солҳои 2023-2027 қабул гардид. Президенти кишвар, Пешвои миллат муҳтарам Эмомалӣ Раҳмон зимни баррасии лоиҳаи ин санад нақши хоси киноро дар ҳифзи манфиатҳои давлатӣ ва арзишҳои миллӣ зикр намуда, ба роҳбарияти МД «Тоҷикфилм» дастур доданд, ки филмҳои бадеӣ ва хуҷҷатии баландсифат ба навор гиранд, то ки гузаштаю имрӯзаи Тоҷикистонро инъикос намуда, дар фестивалҳои байналмилалӣ иштирок карда тавонанд.
АКС аз манбаъҳои боз
ТАЪРИХИ ВАТАНРО МЕОМӮЗЕМ! Имрӯз дар мавзеъҳои таърихии мамлакат Рӯзи дарҳои боз гузаронида мешавад
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон фестивали байналмилалӣ доир мегардад
Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
ИМРӮЗ — ЗОДРӮЗИ САДРИДДИН АЙНӢ. Осори Устод Айнӣ ҳамчун сарчашмаи муҳими илмӣ ва фарҳангӣ истифода мешавад
АЙНИШИНОСЕ ПУРТАЛОШ АЗ КИШВАРИ ҲАМЗАБОН. Эҳдо ба зодрӯзи сардафтари адабиёти муосири тоҷик Садриддин Айнӣ
ИҚТИСОДИ РАҚАМӢ ВА ИННОВАТСИЯ. Дар самти рақамикунонии ёдгориҳои таърихию фарҳангӣ ҳамоиш доир шуд
«ДИДОР». Бахшида ба 35-солагии Истиқлоли давлатӣ намоиши мусаввараҳои нодир ифтитоҳ ёфт
Рӯзҳои фарҳанги Тоҷикистон дар Беларус доир мегарданд
СИМПОЗИУМИ БАЙНАЛМИЛАЛИИ ХУТАЛИ ҚАДИМ. Он таърих ва фарҳанги бостонии халқи тоҷикро ба ҷаҳониён муаррифӣ менамояд
Дабири кулли СААД дар Осорхонаи миллӣ бо таъриху тамаддуни тоҷикон шинос шуд
Дар шаҳри Бӯстон даври шаҳрии Фестивал-озмуни ҷумҳуриявии «Як матову сад ранг» баргузор гардид
