Музаффар Ашуриён дар Конгресси ҳаштуми умумиҷаҳонии мубориза бо ҳукми қатл дар Берлин иштирок намуд
ДУШАНБЕ, 21.11.2022. /АМИТ «Ховар»/. Аз 15 то 18 ноябр дар шаҳри Берлини Ҷумҳурии Федеративии Олмон Конгресси ҳаштуми умумиҷаҳонии мубориза бо ҳукми қатл баргузор гардид, ки дар ҳошияи Конгресс, Вазири адлияи Ҷумҳурии Тоҷикистон Музаффар Ашуриён бо Вазири федералии корҳои хориҷии Ҷумҳурии Федералии Германия Анналена Бербок мулоқот намуд. Дар ин бора ба АМИТ «Ховар» дар Вазорати мазкур хабар доданд.
Зимни вохӯрӣ Анналена Бербок барои иштирок дар чорабинӣ ба ҳайати Тоҷикистон изҳори миннатдорӣ намуда, зикр кард, ки дар оянда муносибатҳои дуҷониба вусъат хоҳанд ёфт.
Музаффар Ашуриён аз дастовардҳои Ҷумҳурии Тоҷикистон дар самти гуманизатсияи қонунгузории ҷиноӣ пас аз эълони мораторий дар бораи ҳукми қатл аз ҷониби Президенти кишвар муҳтарам Эмомалӣ Раҳмон дар соли 2004 ба таври муфассал маълумот дод. Мораторий, ки аз лаҳзаи эълон шуданаш эътибор пайдо кардааст, бо ягон муҳлат маҳдуд намешавад ва барои муҳлати номуайян амал мекунад.
Зикр гардид, ки Тоҷикистон дар қатори 123 давлати ҷаҳон аз қабули Қатъномаи Маҷмааи Умумии Созмони Милали Муттаҳид аз 16 декабри соли 2020 «Мораторий ба истифодаи ҳукми қатл» ҷонибдорӣ кардааст.
Конгресси умумиҷаҳонии зидди ҳукми қатл бузургтарин платформаи муборизабарандагоне мебошад, ки беш аз ҳазор иштирокчӣ аз 130 миллатро аз 90 кишвари ҷаҳон бо ҳам муттаҳид мекунад.
АКС: Вазорати адлияи ҶТ
Нақши Тоҷикистон ҳамчун пешбарандаи дипломатияи об дар ҳамоиши байналмилалӣ дар Абузабӣ таъкид гардид
Дар Туркманистон бахшида ба Рӯзи ҷавонони Тоҷикистон вохӯрӣ баргузор гардид
Сафири Тоҷикистон бо муовини Вазири корҳои хориҷии Лаҳистон мулоқот намуд
Ҳамкории мутақобили судманди Тоҷикистон бо Созмони байналмилалии ҳуқуқи рушд баррасӣ гардид
РАВАНДИ ОБИ ДУШАНБЕ. Дар Конфронси чоруми Душанбе се санади муҳими ҷамъбастӣ қабул карда мешаванд
Аҳднома оид ба ҳамҷавории неку абадӣ, дӯстӣ ва ҳамкорӣ байни Ҷумҳурии Тоҷикистон ва Ҷумҳурии Мардумии Чин ба имзо расид
РАВАНДИ ОБИ ДУШАНБЕ. Зиёда аз 110 ҳайати расмии давлатҳои аъзои СММ иштироки худро дар конфронс тасдиқ намуданд
Дастовардҳо ва иқтидори Тоҷикистон дар соҳаи зеҳни сунъӣ дар Амрико муаррифӣ гардид
Ҳамкории иқтисодию тиҷоратии Тоҷикистон ва Лаҳистон баррасӣ гардид
Сафири Тоҷикистон ба намояндагони расонаҳои Покистон оид ба ташаббусҳои байналмилалии мамлакат маълумот дод
Раиси Ҷумҳурии Мардумии Чин Си Ҷинпин: «Таҳти роҳбарии Эмомалӣ Раҳмон Тоҷикистон дар бунёди давлатдорӣ ба дастовардҳои назаррас ноил гардид»
Сафири Тоҷикистон бо вазири Девони амирии Давлати Кувайт шайх Ҳамад Ҷобир Ал-Алӣ Ас-Сабоҳ мулоқот намуд
