Нахустин амали муҳтарам Эмомалӣ Раҳмон дар Иҷлосияи XVI Шӯрои Олӣ — ин бӯсидани Парчами Тоҷикистон буд

Ноябрь 24, 2022 13:13

ДУШАНБЕ, 24.11.2022. /АМИТ «Ховар»/. 24 ноябри соли 1992 дар Иҷлосияи таърихии XVI Шӯрои Олии Ҷумҳурии Тоҷикистон озмун «Дар бораи рамзҳои давлатии Ҷумҳурии Тоҷикистон» аз 28 июни соли 1991 ҷамъбаст гардида, Парчами Тоҷикистон қабул карда шуд. Нахустин амали Сарвари тозаинтихоби Тоҷикистон, Раиси Шӯрои Олӣ муҳтарам Эмомалӣ Раҳмон дар ин иҷлосияи таърихӣ- ин бӯсидани Парчами Тоҷикистон буд. Ин нуктаро Директори Агентии хизмати давлатӣ Ҷумъа Давлатов 23 ноябр зимни ҳамоиши муштараки тантанавии Агентии хизмати давлатӣ ва Донишгоҳи давлатии Москва ба номи М.В. Ломоносов дар шаҳри Душанбе ба шарафи Рӯзи Парчами давлатии Ҷумҳурии Тоҷикистон баён дошт, хабар медиҳад АМИТ «Ховар».

Дар ҳамоиш таҳти унвони «Парчами давлатӣ-ифтихори миллӣ» Директори Агентии хизмати давлатӣ Ҷумъа Давлатов, Директори иҷроияи филиали Донишгоҳи давлатии Москва ба номи М.В. Ломоносов дар шаҳри Душанбе Рустам Ғаниев, иҷрокунандаи вазифаи сарходими илмӣ-профессори Пажӯҳишгоҳи идоракунии давлатӣ ва хизмати давлатии Академияи идоракунии давлатӣ Баҳриддин Ализода, Шоири халқии Тоҷикистон, барандаи Ҷоизаи давлатии Тоҷикистон ба номи Абӯабдуллоҳ Рӯдакӣ Муҳаммад Ғоиб сухан гуфтанд.

Директори Агентӣ Ҷумъа Давлатов иброз дошт, ки «Парчами давлатии Ҷумҳурии Тоҷикистон баёнгари соҳибихтиёрии давлат ва равшанибахши роҳи миллат ба сӯйи ояндаи дурахшони кишвари азизамон мебошад. Он ифтихори сокинони Тоҷикистони соҳибистиқлол, ифодагари иттиҳоду сарҷамъӣ, нангу номус ва ҳувияти миллии мардуми мо буда, мақсаду мароми созандаи тоҷиконро дар рангҳои худ инъикос намудааст».


Дар замони Истиқлолияти комили Тоҷикистон имкон фароҳам омад, ки дар баробари дигар рӯзҳои таърихӣ Рӯзи Парчами давлатӣ низ ҷашн гирифта шавад.

Дар гиромидошти муқаддасоти миллӣ хизматчиёни давлатӣ бояд пешкору пешоҳанг бошанд. Беҳуда нест, ки зимни қабул ба хизмати давлатӣ ба донистани таъриху фарҳанг ва муқаддасоти миллӣ таваҷҷуҳи махсус сурат мегирад.

Меҳмонони ҳамоиш вобаста ба таърихи парчам ҳамчун рамзи миллӣ ва давлатдорӣ, таърихи парчамдории тоҷикон, қабули Парчами давлатӣ ва истифодаи он, нақши Парчам дар давлатдории миллӣ, арҷ гузоштан ба муқаддасоти миллӣ ибрози назар намуда, суханҳои хешро бо иқтибосҳо аз паёму суханрониҳои Сарвари давлат муҳтарам Эмомалӣ Раҳмон тақвият доданд.

АКС: Агентии хизмати давлатӣ

Ноябрь 24, 2022 13:13

Хабарҳои дигари ин бахш

«Тағйирёбии иқлим. Раванди фоҷиаборе дар пайи муносибати инсон бо табиат», — шарҳи матбуоти даврии Тоҷикистон
ОБУ ҲАВО. Имрӯз дар Тоҷикистон ҳаво рӯзона 15 дараҷа гарм мешавад
ОБУ ҲАВО. Имрӯз дар Тоҷикистон ҳавои тағйирёбандаи бебориш дар назар аст
ОБУ ҲАВО. Имрӯз дар ноҳияҳои водигии Тоҷикистон борон меборад
ҚУРБИ АСЪОР: 1 доллари ИМА аз 10.2100 то 10.1000 сомонӣ муқаррар шудааст
ОМОДАГӢ БА ЗИМИСТОН. Дар соҳаи тандурустӣ дар Тоҷикистон нақшаи тайёрӣ ба қадри 99 фоиз ба анҷом расидааст
ОБУ ҲАВО. Имрӯз дар Тоҷикистон ҳавои тағйирёбандаи бебориш дар назар аст
Вақти гузаштан ба ҳисобкунакҳои барқии электронии зеҳнии муосир фаро расидааст
БАҲРУ УҚЁНУСҲО АЗ ЗАРФҲОИ ПЛАСТИКӢ ПУР ГАШТААНД. Истифодаи нодурусти онҳо сабаби гирифторӣ ба бемориҳои онкологӣ мегардад
ОБУ ҲАВО. Имрӯз дар шаҳри Душанбе ҳаво рӯзона 20 дараҷа гарм мешавад
Дар Академияи идоракунии давлатӣ конференсияи байналмилалӣ доир гардид
ОБУ ҲАВО. Имрӯз дар Тоҷикистон ҳавои камабри бебориш дар назар аст