ОМОДАГӢ БА ЗИМИСТОН. Дар соҳаи тандурустӣ дар Тоҷикистон нақшаи тайёрӣ ба қадри 99 фоиз ба анҷом расидааст
ДУШАНБЕ, 28.11.2022 /АМИТ «Ховар»/. Дар муассисаҳои соҳаи тандурустии мамлакат 886 адад генераторҳои барқӣ мавҷуд буда, барои онҳо 57 338 литр сӯзишворӣ захира гардидааст, ки дар ҳолати қатъ гардидани қувваи барқ мавриди истифода қарор дода мешаванд. Ин матлабро Сардори Раёсати иқтисодӣ ва банақшагирии буҷети соҳаҳои тандурустии вазорат Зайнулло Шарифов 25 ноябр зимни баргузории ҷаласаи навбатии ҳайати мушовараи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон баён дошт.
Тавре дар маркази матбуоти Вазорати тандурустӣ ва ҳифзи иҷтимоии аҳолии мамлакат ба АМИТ «Ховар» иттилоъ доданд, дар ҷаласа Вазири тандурустӣ Ҷамолиддин Абдуллозода, роҳбарони хадамоти соҳавӣ, сардорони раёсатҳои тандурустии шаҳри Душанбе, ВМКБ, вилоятҳои Хатлону Суғд, роҳбарони марказҳои ҷумҳуриявӣ ва муассисаҳои тандурустии вилоятҳо, шаҳру ноҳияҳо ва дигар кормандони соҳа иштирок намуданд.
Зайнулло Шарифов иброз намуд, ки корҳои дар ин самт анҷомдода 99 фоизи нақшаи давраи зимистонро ташкил медиҳанд.
Дар асоси қарори Ҳукумати Ҷумҳурии Тоҷикистон ва фармоиши Вазорати тандурустӣ ва ҳифзи иҷтимоии аҳолии Ҷумҳурии Тоҷикистон фармоишҳои дахлдори шаҳру ноҳияҳо ба имзо расида, ситодҳо ташкил ва корҳо мувофиқи нақшаи чорабиниҳо ба роҳ монда шуданд.
Дар доираи маблағҳои ҷудогардида, соли равон корҳо барои нигоҳдорӣ ва таъмир, шишабандӣ, таъмири асосӣ ва ҷузъии бинову иншоот ва қубурҳои обгузари муассисаҳои соҳаи тандурустӣ ва ҳифзи иҷтимоии аҳолии ҷумҳурӣ гузаронида шуданд.
Дар ҷараёни ҷаласа масъалаи «Таҳлили сабабҳои фавти модарон дар соли 2021 ва 9 моҳи соли 2022 дар Ҷумҳурии Тоҷикистон», «Сари вақт омода намудани муассисаҳои соҳаи тандурустӣ ва ҳифзи иҷтимоии аҳолии ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2022-2023», «Таҳлили вазъи воқеии хизматрасонии тиббӣ дар самти стоматология ва ҷарроҳии ҷоғу рӯй дар шаҳру ноҳияҳои ҷумҳурӣ» ва «Вазъи пешниҳоди хизматҳои иҷтимоӣ дар хона-интернатҳои системаи Агентии давлатии ҳифзи иҷтимоии аҳолӣ» мавриди таҳлил ва баррасӣ қарор гирифтанд.
АКС: Вазорати тандурустӣ ва ҳифзи иҷтимоии аҳолии ҶТ
Фурудгоҳи байналмилалии Душанбе ба зиёда аз 1,7 миллион нафар мусофирон хизмат расонидааст
Пагоҳ Вазорати маориф ва илм, Кумитаи бехатарии озуқаворӣ, Ваколатдор оид ба ҳуқуқи инсон, Маркази миллии қонунгузорӣ нишасти матбуотӣ баргузор мекунанд
Дар ҳошияи Паёми Президенти Тоҷикистон ба Маҷлиси Олӣ бо ҷавонони ноҳияи Шаҳринав вохӯрӣ доир карда шуд
Агентии беҳдошти замин ва обёрии Тоҷикистон соли 2022 ба дарозии 50,5 км корҳои соҳилмустаҳкамкунӣ гузаронидааст
ВАЗЪИ ҲАВО. 1-2 феврал дар минтақаҳои кӯҳӣ ва доманакӯҳи Тоҷикистон фаромадани тарма дар назар аст
Имрӯз Вазорати нақлиёт, Агентии авиатсияи гражданӣ, Хадамоти назорати давлатии бехатарии корҳо дар саноат ва соҳаи кӯҳкорӣ ва Саридораи геология нишасти матбуотӣ баргузор менамоянд
Дар ҳудуди шаҳри Душанбе мониторинги минтақаҳои хавфнок гузаронида шуд
МУРОҶИАТНОМАИ ШСХК «БАРҚИ ТОҶИК» БА МАРДУМИ ТОҶИКИСТОН
ВАЗЪИ ҲАВО. Имрӯз дар баъзе минтақаҳои Тоҷикистон борон меборад
Дар Ҷамоати деҳоти Куҳандиёри шаҳри Конибодом 29 техника барои мавсими нави кишт омодаи кор аст
Дар Душанбе вохӯрии гурӯҳҳои кории ҳайатҳои ҳукуматии Тоҷикистон ва Узбекистон баргузор гардид
Дар Корхонаи воҳиди давлатии «Роҳи оҳани Тоҷикистон» Паёми Президенти Ҷумҳурии Тоҷикистон тавзеҳ дода шуд
