Парлумони Эрон тарҳи қонун дар бораи пайвастани давлат ба СҲШ-ро маъқул донист
ДУШАНБЕ, 28.11.2022 /АМИТ «Ховар»/. Рӯзи якшанбе, 27 ноябр Маҷлис (парлумон)-и Эрон бо аксарияти оро тарҳи қонун дар бораи пайвастани Ҷумҳурии Исломӣ ба Созмони Ҳамкории Шанхайро маъқул донист. Тавре АМИТ «Ховар» иттилоъ медиҳад, дар ин бора агентии «Меҳр» хабар додааст.
Ба гуфтаи ӯ, ба ҷонибдорӣ аз лоиҳаи қонун 205 вакили парлумон овоз додаанд, 3 нафар мухолиф шуда, 4 нафар бетараф мондаанд. Намояндаи расмии комиссияи амнияти миллӣ ва сиёсати хориҷии Маҷлиси Эрон Абулфазл Амуйӣ, тавре агентӣ ӯро иқтибос овардааст, гуфтааст, ки «шарти узвияти Эрон тасвиби ҳама аснодест, ки то кунун аз сӯи ин созмон пазируфта шудаанд.» «Агар СҲШ дар ояндаи наздик ягон санади навро тасдиқ кунад, маҷлис низ бояд онро баррасӣ ва маъқул донад», — таъкид кард Амуйӣ.
30 сентябри соли равон Президенти ҶИИ Иброҳим Раисӣ лоиҳаи қонун дар бораи пайвастани кишвар ба Созмони ҳамкории Шанхайро имзо кард ва ин лоиҳаро барои баррасӣ ба парлумони кишвар фиристод.
Ёдовар мешавем, ки раванди пайвастани Эрон ба СҲШ дар нишасти сарони ин созмон дар Душанбе 17 сентябри соли 2021 бо имзои санади алоҳида оғоз шуда буд.
15-16 сентябр дар Самарқанд нишасти СҲШ доир гардид. Роҳбарони кишварҳои ширкаткунанда, аз ҷумла Президенти Тоҷикистон Эмомалӣ Раҳмон дар ҷаласаҳо дар сиғаи маҳдуд ва густарда ҷамъ омада, якчанд мулоқоти дуҷониба низ анҷом доданд. Дар натиҷа раванди қабули Беларус ҳамчун узви комилҳуқуқи ин созмон оғоз шуд ва Эрон барои пайвастан ба СҲШ ба ёддошти уҳдадориҳо имзо кард. Миср ва Қатар шарикони муколама шуда, Баҳрайн, Кувайт, Молдив, Мянмар ва Амороти Муттаҳидаи Араб раванди дарёфти ин мақомро оғоз кардаанд.
Ҳоло ба СҲШ ҳашт кишвар шомиланд: Ҳиндустон, Қазоқистон, Қирғизистон, Чин, Покистон, Россия, Тоҷикистон ва Узбекистон.
АКС аз бойгонӣ
Намояндаи доимии Тоҷикистон дар нишасти ғайринавбатии Шурои вазирони корҳои хориҷии кишварҳои аъзои СҲИ иштирок намуд
Бо ташаббуси Тоҷикистон СММ 31 августро Рӯзи байналмилалии зеҳни сунъии бехатар, ҳифзшуда ва боэътимод эълон намуд
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Дар Миср ду китоб оид ба Тоҷикистон ба забони арабӣ ба нашр расид
Дар Душанбе машваратҳои сиёсӣ байни вазорати корҳои хориҷии Тоҷикистон ва Умон баргузор гардид
Сафири Тоҷикистон бо ҳамватанони бурунмарзии муқими Русия вохӯрӣ намуд
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
Сарвазири Тоҷикистон бо муовини Вазири корҳои хориҷии Салтанати Умон мулоқот намуд
Сафири Тоҷикистон дар Туркманистон бо директори Дафтари лоиҳавии Маркази минтақавии экологӣ барои Осиёи Марказӣ мулоқот намуд
Дар Теҳрон таҳти унвони «Робиаи Балхӣ: чеҳраи дурахшони назми аҳди Сомониён» ҳамоиши илмӣ доир гардид
Ҳайати Тоҷикистон дар Ҳафтаи ҷаҳонии оби Стокголм иштирок намуд
Сафири Тоҷикистон бо ноиби Президенти Корпоратсияи байналмилалии молиявии рушди Амрико мулоқот намуд
