Президенти Тоҷикистон дастур доданд, ки кишти тирамоҳӣ то охири моҳи ноябр ба анҷом расонида шавад
ДУШАНБЕ, 09.11.2022 /АМИТ «Ховар»/. Кишоварзони Тоҷикистон ба кишти тирамоҳӣ, ки ҳосили он соли 2023 рӯёнида мешавад, суръат бахшиданд. Дар ин бора ба АМИТ «Ховар» дар Вазорати кишоварзии Ҷумҳурии Тоҷикистон иттилоъ доданд. Гуфта шуд, ки қисми зиёди заминҳо барои ҳосили аввали соли оянда, яъне барои кишти зироати ғалладона омода карда шуда, баъдан кишти сабзавоти гуногун дар назар аст.
Имсол дар майдони беш аз 172 ҳазор гектар кишт гузаронида мешавад. Аз нақшаи умумии кишти тирамоҳӣ беш аз 157 ҳазор гектарро зироати ғалладонагӣ ташкил медиҳад. Инчунин дар майдони беш аз 15 ҳазор гектар дигар намуди сабзавоти барвақтӣ кишт гардид, ки ҳосили аввали барвақтии соли 2023-ро ташкил медиҳанд.
Бино ба иттилои Вазорати кишоварзӣ, дар асоси дастури Ҳукумати мамлакат барои таъмини амнияти озуқавории ҷумҳурӣ ва танзими нархҳо дар бозорҳои истеъмолӣ кишти тирамоҳӣ ва барвақтии зироати кишоварзӣ фаъолона идома дорад. Ҷамъоварии ҳосили иловагӣ имконияти содиротии маҳсулоти кишоварзии Тоҷикистонро низ афзоиш медиҳад.
Ёдовар мешавем, ки Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон 31 октябр дар ҷаласаи Ҳукумати мамлакат ба Вазорати кишоварзӣ, инчунин роҳбарони вилоятҳо, шаҳру ноҳияҳо оид ба сари вақт амалӣ намудани иҷрои нақшаи кишти тирамоҳӣ, истифодаи самараноки заминҳои кишоварзӣ ва захираи кофии маводи озуқаворӣ супоришҳои мушаххас доданд.
«Мебояд ин маъракаро (кишти тирамоҳӣ – Тавзеҳи АМИТ «Ховар») то охири моҳи ноябр ба анҷом расонид, зеро ба ҳамин хотир онро кишти тирамоҳӣ меноманд», — вазифагузорӣ намуданд Сарвари давлат.
Мувофиқи маълумоти Вазорати кишоварзии мамлакат, то охири моҳи октябр деҳқонони ҷумҳурӣ 38 фоизи нақшаро иҷро карданд. Инчунин бояд гуфт, ки дар мавсими имсола аз саҳро бештар сабзавот (зиёда аз 1,2 миллион тонна) ва якчанд маротима камтар мева (216 ҳазор тонна) гирифта шуд. Соли равон дар майдони умумии зиёда аз 38,4 ҳазор гектар сабзавот парвариш карда шуд. Дар айни замон аз майдони 37,5 ҳазор гектар ҳосили сабзавот ҷамъоварӣ гардид.
Фирӯза ДАВЛАТЗОДА,
АМИТ «Ховар»
АКС аз манбаъҳои боз
Дар Бохтар Форуми байналмилалии сармоягузории «Хатлон Инвест – 2026» баргузор мешавад
Ҷамшед Нурмаҳмадзода: «Омори боэътимод заминаи муҳими банақшагирӣ, пешрафт ва қабули қарорҳои дуруст ба манфиати ҷомеа аст»
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
