СҶС коҳиши тиҷорати ҷаҳониро дар соли 2023 пешгӯӣ мекунад

ДУШАНБЕ, 29.11.2022 /АМИТ «Ховар»/. Созмони ҷаҳонии савдо (СҶС) пешгӯӣ мекунад, ки рушди тиҷорати ҷаҳонӣ соли 2023 коҳиш хоҳад ёфт. Тавре АМИТ «Ховар» бо истинод ба ТАСС хабар медиҳад, котиботи СҶС, ки 28 ноябр дар Женева маълумоти семоҳаи нишондиҳандаи тиҷорати молро нашр намуд, ба ин гуна андеша омадааст.

Тибқи пешгӯии Созмони ҷаҳонии савдо, коҳиши рушди тиҷорати ҷаҳонӣ метавонад дар охири соли 2022 оғоз гардад. Ин тамоюл соли оянда низ нигоҳ дошта мешавад.

Тибқи маълумоти СҶС, шохиси ҷаҳонии савдои мол ҳоло дар сатҳи 96,2 мебошад. Дар ҳамин ҳол, охири тобистон ин маълумоти шохис дар сатҳи 100 банд қарор дошт. Ин гувоҳи коҳиши талабот ба мол мебошад.

Дар маҷмӯъ, пешбинӣ карда мешавад, ки соли равон ҳаҷми муомилоти мол дар ҷаҳон 3,5% ва соли оянда ҳамагӣ 1% афзоиш хоҳад ёфт. Тамоюлҳои манфӣ, тибқи арзёбиҳои СҶС, ба таъсири муноқишаи Украина, болоравии қимати манбаъҳои энергетикӣ ва шадид гардидани сиёсати пулию қарзӣ дар кишварҳои бузургтарини ҷаҳоналоқаманданд.

АКС аз манбаъҳои боз