Шабонарӯзи гузашта ва субҳи 8 ноябр дар қаламрави Тоҷикистон зуҳуроти сел, сангрезӣ ва заминларза ба қайд гирифта шуд
ДУШАНБЕ, 08.11.2022 /АМИТ «Ховар»/. 8 ноябр, тахминан соати 05:50 дар натиҷаи боронҳои пуршиддат дар километри 352-юми шоҳроҳи Душанбе-Кӯлоб-Дарвоз, ки аз ҳудуди деҳаи Умараки Ҷамоати деҳоти Қалъаи Хумби ноҳияи Дарвози ВМКБ убур мекунад, сел ба амал омад. Дар айни замон ин роҳ баста шуда, корҳои бартарафсозии оқибатҳои офати табиӣ идома доранд. Дар ин бора ба АМИТ «Ховар» дар Кумитаи ҳолатҳои фавқулода ва мудофиаи граждании назди Ҳукумати Ҷумурии Тоҷикистон хабар доданд.
8 ноябр, тахминан соати 06:05 дар километри 447-уми шоҳроҳи Дарвоз-Ванҷ-Хоруғ, ки аз ҳудуди деҳаи Хехики Ҷамоати деҳоти Язгуломи ноҳияи Ванҷ мегузарад, сангрезӣ ба қайд гирифта шуда, роҳ муваққатан баста шуд. Корҳо барои рафъи оқибатҳои резиши санг идома доранд.
Бино ба иттилои ширкати роҳсозии IRS, шоҳроҳи Душанбе-Хуҷанд барои ҳаракати мошинҳои вазнин ба ду самт баста ва барои мошинҳои сабукрав боз аст.
7 ноябр, тахминан соати 07:27 дар ҳудуди Ҷамоати деҳоти Оби Гарми шаҳри Роғун бар асари бориши шадид роҳи маҳаллӣ фурӯ рафтааст. Дар айни замон аз ҳисоби роҳи иловагӣ ҳаракати нақлиёт барқарор шудааст.
Худи ҳамон рӯз, тахминан соати 10:57 дар километри 73-юми шоҳроҳи Ваҳдат-Рашт-Лахш, ки аз ҳудуди Ҷамоати деҳоти Сичароғи шаҳри Роғун убур мекунад, резиши санг ба қайд гирифта ва қисмати ин роҳ муваққатан баста шуд. Бо талоши кормандони Вазорати нақлиёт оқибатҳои он бартараф карда шуда, дар айни замон роҳ кушода аст.
Ҳамзамон 7 ноябр, тахминан соати 08:27 ба вақти маҳаллӣ дар қаламрави Ҷумҳурии Тоҷикистон заминларза ба қайд гирифта шуд. Маркази заминларза дар километри 270-уми самти ҷанубу шарқи шаҳри Душанбе, дар ҳудуди Афғонистон ба вуқӯъ пайвастааст. Шиддати заминларза дар маркази он 3-4 баллро ташкил намуда, дар шаҳри Хоруғ 2-3 балл эҳсос шудааст.
Акс: КҲФ ва МГ
Дар Ҳисор бахшида ба Рӯзи байналмилалии оила ҳамоиши идона доир гардид
Доир ба масъалаи масъулияти блогерон дар таъмини фазои иттилоотӣ вохӯрӣ баргузор шуд
КОНФРОНСИ 35-УМИ МИНТАҚАВИИ СОЗМОНИ ОЗУҚАВОРӢ ВА КИШОВАРЗИИ СММ. Оид ба нақши занон дар таъмини амнияти озуқаворӣ ҳамоиш доир шуд
Байни Тоҷикистон ва Чин дар самти таҳқиқоти академӣ Ёддошти тафоҳум оид ба ҳамкорӣ ба имзо расид
«БЕҲТАРИН УСТО ВА ШОГИРД». Ғолибони фестивал-озмуни ҳунармандону косибон аз рӯйи чор номинатсия муайян гардиданд
Ёддошти тафоҳум оид ба ҳамкорӣ байни Ҳизби Халқии Демократии Тоҷикистон ва Ҳизби Коммунистии Чин ба имзо расид
Оид ба саҳми илм дар амалисозии ташаббусҳои байналмилалии Тоҷикистон конфронси илмӣ доир гардид
Посух ба муроҷиати шаҳрванди Афғонистон Муҳаммад Ҳаким Турсун
«БЕҲТАРИН УСТО ВА ШОГИРД». Дар Душанбе даври ҷамъбастии фестивал-озмуни ҳунармандону косибон баргузор мегардад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
«ЯК МАТОВУ САД РАНГ». Шаҳри Душанбе бо намоиши либосҳои муосири миллӣ ба гирифтани ҷойи якум сазовор гардид
Дар Ню-Йорк ҳамкории Тоҷикистон бо шарикони байналмилалӣ дар самти муҳоҷират баррасӣ гардид
