«ТАБИБИ ХАСАКӢ». Театри давлатии лӯхтаки шаҳри Бухоро ба тамошобинони навраси Тоҷикистон ин намоишро пешкаш менамояд
ДУШАНБЕ, 17.11.2022 /АМИТ «Ховар»/. Шурӯъ аз 15 ноябр ҳунармандони Театри давлатии лӯхтаки шаҳри Бухорои Ҷумҳурии Узбекистон дар Театри давлатии лӯхтаки шаҳри Душанбе намоиши «Табиби хасакӣ»-ро пешкаши тамошобинон гардонида истодаанд, ки то 22 ноябр идома меёбад, иттилоъ дод ба АМИТ «Ховар» роҳбари бадеии театри мазкур Наргис Розиқова.
Намоиши мазкур дар як рӯз ду-се маротиба бо забонҳои тоҷикӣ ва русӣ пешкаши ҳаводорон мегардад.
Коргардони намоиши мазкур Муноҷот Эргашева буда, дар он ҳунармандон Елена Вардашева, Зилола Каршиева, Алишер Тошпулатов, Беҳрӯз Муҳидов нақш меофаранд. Он аз рӯи афсонаҳои тоҷикӣ гирифта шуда, барои наврасони аз 5-сола боло омода шудааст.
Муҳтавои намоиш чунин аст: Ноғлой пиразане мебошад, ки мехоҳад беазоб сарватманд шавад. Ҳамин тавр вай роҳи нодурустро пеш мегирад ва духтари подшоҳро заҳролуд мекунад. Худро ба подшоҳ барои табобат кардани малика ҳамчун табиб шинос менамояд. Аз табобат бехабар будан ва ба роҳи фиреб рафтанаш ошкор шуда, оқибат ӯро аз кишвар бадарға мекунанд. Аз шифо ёфтан ё наёфтани малика тамошобинон метавонанд дар театр огоҳ шаванд.
АКС аз манбаъҳои боз
Дар Душанбе Рӯзи фарҳанги ноҳияи Рӯшон баргузор гардид
Дар Душанбе 49 номгӯй адабиёти тозанашри кӯдакона рӯнамоӣ гардид
Дар пойтахти Тоҷикистон Рӯзи фарҳанги ноҳияи Ванҷ доир шуд
Рӯзи фарҳанги ноҳияи Шуғнон бо шукуҳу шаҳомати хос баргузор шуд
Оид ба бостоншиносӣ ва нақши он дар ҳифзи мероси таърихию фарҳангӣ ҳамоиш доир шуд
15 АВГУСТ–РӮЗИ БАЙНАЛМИЛАЛИИ БОСТОНШИНОСӢ. Зиёда аз 70 фоизи мероси таърихию фарҳангии Тоҷикистонро ёдгориҳои бостонӣ ташкил медиҳанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Раиси шаҳри Шероз дар Осорхонаи миллии Тоҷикистон бо таъриху тамаддуни тоҷикон шинос гардид
ТАМАДДУНИ ТОҶИКОН. Аз ёдгории таърихии «Сайёд» муҳри шоҳии марбут ба аҳди Кӯшониён дарёфт гардид
Таҳти унвони «Эмомалӣ Раҳмон: абармарди сиёсат, ҳақиқатнигори таърих, ҳувиятофари миллат» конференсияи байналмилалӣ доир шуд
Дар Душанбе рӯзҳои фарҳанги вилояти Суғд, ноҳияҳои Ванҷ, Шуғнон ва Рӯшон баргузор мегарданд
Оид ба вазъ ва дурнамои хизматрасонӣ ба истифодабарандагон дар китобхонаҳо ҳамоиш доир шуд
