ВАЗИРИ КОРҲОИ ХОРИҶИИ БЕЛАРУС ВЛАДИМИР МАКЕЙ ДАРГУЗАШТ. Вазорати корҳои хориҷии Тоҷикистон дар ин робита изҳори тасаллӣ кардааст
ДУШАНБЕ, 28.11.2022 /АМИТ «Ховар»/. Рӯзи шанбе, 26 ноябр Вазири корҳои хориҷии Беларус Владимир Макей даргузашт. Президенти Беларус Александр Лукашенко ба наздикону пайвандони марҳум изҳори ҳамдардӣ кард, хабар медиҳад АМИТ «Ховар» бо истинод ба хабаргузории давлатии «БелТА».
Вазорати корҳои хориҷии Тоҷикистон дар робита ба даргузашти роҳбари ВКХ Беларус изҳори ҳамдардӣ кардааст, хабар доданд ба АМИТ «Ховар» дар Вазорати корҳои хориҷии Ҷумҳурии Тоҷикистон. Дар барқия гуфта мешавад:
«Вазорати корҳои хориҷии Ҷумҳурии Тоҷикистон хабари даргузашти нобаҳангоми вазири корҳои хориҷии Ҷумҳурии Беларус Владимир Макейро бо эҳсоси андӯҳи амиқ қабул кард.
Владимир Владимирович дипломати барҷаста буда, дар рушд ва таҳкими ҳамкории дуҷониба миёни Тоҷикистон ва Беларус саҳми арзанда гузоштааст.
Мо ба ҳама наздикону пайвандони Владимир Владимирович Макей вобаста ба талафоти вазнин таъзияи амиқ баён мекунем».
Владимир Владимирович Макей соли 1958 дар вилояти Гродно таваллуд шудааст.
Соли 1980 Донишкадаи давлатии омӯзгории забонҳои хориҷии Минск, соли 1993 Академияи дипломатии Вазорати корҳои хориҷии Австрияро хатм кардааст. Солҳои 1980-1993 дар сафи Қувваҳои мусаллаҳи ИҶШС ва Беларус хидмат кардааст. Ӯ полковник мустаъфӣ буд.
Солҳои 1993-1995 котиби сеюми Раёсати иттилоот ва ҳамкории башардӯстона, котиби дуюми шуъбаи таҳлил ва пешгӯӣ, котиби дуюми котиботи Вазири корҳои хориҷии Беларус буд. Солҳои 1995-1996 — муовини сардори Хадамоти давлатии протоколи Вазорати корҳои хориҷӣ буд. Солҳои 1996-1999 — намояндаи Ҷумҳурии Беларус дар Шӯрои Аврупо, мушовири Сафорати Беларус дар Фаронса, солҳои 1999-2000 сардори шуъбаи ҳамкории умумиаврупоии Вазорати корҳои хориҷии Беларус буд. Солҳои 2000-2008 — ёрдамчии президенти Беларус, солҳои 2008-2012 роҳбари дастгоҳи Президенти Беларус буд.
Владимир Макей аз 22 августи соли 2012 Вазири корҳои хориҷии Беларус буд. Ӯ рутбаи дипломатии Сафири Фавқулода ва Мухтор дошт.
АКС: «БелТА»
Намояндаи доимии Тоҷикистон дар нишасти ғайринавбатии Шурои вазирони корҳои хориҷии кишварҳои аъзои СҲИ иштирок намуд
Бо ташаббуси Тоҷикистон СММ 31 августро Рӯзи байналмилалии зеҳни сунъии бехатар, ҳифзшуда ва боэътимод эълон намуд
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Дар Миср ду китоб оид ба Тоҷикистон ба забони арабӣ ба нашр расид
Дар Душанбе машваратҳои сиёсӣ байни вазорати корҳои хориҷии Тоҷикистон ва Умон баргузор гардид
Сафири Тоҷикистон бо ҳамватанони бурунмарзии муқими Русия вохӯрӣ намуд
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
Сарвазири Тоҷикистон бо муовини Вазири корҳои хориҷии Салтанати Умон мулоқот намуд
Сафири Тоҷикистон дар Туркманистон бо директори Дафтари лоиҳавии Маркази минтақавии экологӣ барои Осиёи Марказӣ мулоқот намуд
Дар Теҳрон таҳти унвони «Робиаи Балхӣ: чеҳраи дурахшони назми аҳди Сомониён» ҳамоиши илмӣ доир гардид
Ҳайати Тоҷикистон дар Ҳафтаи ҷаҳонии оби Стокголм иштирок намуд
Сафири Тоҷикистон бо ноиби Президенти Корпоратсияи байналмилалии молиявии рушди Амрико мулоқот намуд
