Завқӣ Завқизода ва Меҳмет Муш густариши ҳамкории иқтисодии Тоҷикистон ва Туркияро баррасӣ карданд
ДУШАНБЕ, 10.11.2022 /АМИТ «Ховар»/. Имрӯз, 10 ноябр Вазири рушди иқтисод ва савдои Ҷумҳурии Тоҷикистон Завқӣ Завқизода бо Вазири тиҷорати Туркия, Роҳбари ҳайати расмии Туркия Меҳмет Муш вохӯрӣ намуд, ки дар доираи он густариши ҳамкории иқтисодии дуҷониба мавриди баррасӣ қарор дода шуд. Дар ин бора ба АМИТ «Ховар» дар вазорати мазкур хабар доданд.
З. Завқизода зикр намуд, ки ҳарчанд тиҷорати дуҷониба соли 2021 ба андозаи 21 фоиз ё то 391 млн доллари амрикоӣ рушд карда бошад ҳам, ҳаҷми он бо назардошти захираву имконияти васеи тарафҳо моро қонеъ карда наметавонад. Бинобар ин бо мақсади рушди ҳамкории тиҷоратию иқтисодӣ ва сармоягузории дутарафа таклиф карда шуд, ки бо истифода аз иқтидорҳои зиёди мавҷудаи дуҷониба дар Ҷумҳурии Тоҷикистон ва ҷалби сармоягузории Туркия корхонаҳои саноатии муштарак оид ба истеҳсоли маҳсулоти нассоҷӣ, коркарди алюминий, пашму пӯст, меваю сабзавот, хӯрокворӣ, шустушӯӣ ва масолеҳи сохтмонӣ таъсис дода шаванд. Ин таклиф аз ҷониби Туркия хуш пазируфта шуд.
Дар ҳошияи сафари мазкур Форуми тиҷоратии Тоҷикистон ва Туркия баргузор гардид, ки дар доираи он ду санади муҳим — «Харитаи роҳ барои афзоиши гардиши мол байни Ҷумҳурии Тоҷикистон ва Ҷумҳурии Туркия барои солҳои 2023-2025» ва «Ёддошти тафоҳум байни Вазорати рушди иқтисод ва савдои Ҷумҳурии Тоҷикистон ва Вазорати тиҷорати Ҷумҳурии Туркия оид ба ҳамкорӣ дар минтақаҳои озоди иқтисодӣ» ба имзо расонида шуданд. Ин санадҳо барои то 1 млрд доллар зиёд намудани гардиши савдои дутарафа ва ҷалби сармояи Туркия мусоидат менамоянд.
Дар айни замон 134 ширкати муштараки Туркия дар Тоҷикистон фаъолият менамоянд.
Дар анҷоми вохӯрӣ ҳайати туркӣ, пеш аз ҳама, барои пешвози гарму самимона ва фароҳам овардани шароити мусоиди ҳамкорӣ изҳори миннатдорӣ намуда, омодагии худро ҷиҳати боз ҳам густариш додани ҳамкории мутақобилан судманд ва амалӣ гардидани ташаббусҳои зикршуда баён намуд.
АКС: Вазорати рушди иқтисод ва савдои ҶТ
Дар Душанбе оид ба сохтмони корхонаи «энергия аз партовҳо» вохӯрӣ доир шуд
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Гурӯҳи кории Хадамоти зиддиинҳисорӣ барои танзими нархи семент дар бозорҳои ҷумҳурӣ санҷиш гузаронид
Ғолибони Озмуни ҷумҳуриявӣ таҳти унвони «Ҷавонон– муқобили коррупсия» қадрдонӣ карда шуданд
Дар Остона ҷаласаи 12-уми Шурои сиёсати саноатии кишварҳои аъзои ИДМ баргузор гардид
РӮЗИ БАЙНАЛМИЛАЛИИ КАРТОШКА. Ин зироат аз ҳисоби ҳаҷми умумии истеҳсол дар ҷаҳон ҷои сеюмро ишғол менамояд
Тоҷикистон лоиҳаи бунёди корхонаи коркарди партовҳои сахти маишӣ ва истеҳсоли неруи барқро аз ҳисоби партовҳо амалӣ менамояд
Ҳукумати Тоҷикистон ҳамкориро бо созмонҳои молиявии байналмилалӣ бо мақсади ҷалби сармоя тақвият медиҳад
Гардиши савдо байни Тоҷикистон ва Эрон қариб 9 миллион доллар афзоиш ёфтааст
Ҳайати Тоҷикистон дар ҷаласаи вазирони молия ва раисони бонкҳои марказии давлатҳои аъзои СҲШ иштирок намуд
Байни шаҳри Хуҷанд ва Бонки аврупоии таҷдид ва рушд Ёддошти тафоҳум ба имзо расид
