Дар Тоҷикистон ҳавои моҳи аввали зимистон 1 дараҷа гарм пешгӯӣ мешавад
ДУШАНБЕ, 01.12.2022 /АМИТ «Ховар»/. Имрӯз, 1 декабр рӯзи нахустини фасли зимистон аст. Тибқи таҳлилҳои мутахассисони Агентии обуҳавошиносии Тоҷикистон, моҳи аввали фасли зимистони имсола дар Тоҷикистон аз меъёри иқлим 1 дараҷа гарм пешгӯӣ карда мешавад, ки он ба моҳи декабри 2009 шабоҳат дорад.
Ба иттилои Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон, моҳи декабр дар Тоҷикистон аз меъёр як дараҷа гармтар ва дар баъзе ноҳияҳо аз меъёри иқлимӣ 1 дараҷа паст пешгӯӣ мешавад. Инчунин тибқи таҳлилҳои ҳавошиносон, моҳи декабр дар ҷумҳурӣ фаромадани туман ва вазидани шамолҳои бошиддат дар назар дошта шудааст.
Дар шаҳри Душанбе, вилояти Хатлон ва навоҳии тобеи марказ ҳарорати миёнаи ҳаво моҳи декабр 6+8 дараҷа мешавад. Дар водиҳо 4+6 ва дар ноҳияҳои доманакӯҳ то 2+4 дараҷа гармиро ташкил медиҳад. Дар даҳрӯзаи аввал ҳавои камбориш ва дар даҳаи дуюму сеюми моҳ пастшавии ҳарорати ҳаво пешгӯӣ мешавад.
Моҳи декабр дар вилояти Суғд ҳарорати миёнаи аз меъёри иқлимӣ 1 дараҷа паст пешгӯӣ шуда, дар ноҳияҳои водигӣ 1+3 ва дар ноҳияҳои кӯҳӣ 2-4 дараҷа хунукиро ташкил медиҳад.
Дар минтақаҳои кӯҳии ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон ҳарорати миёнаи моҳонаи ҳаво дар баъзе ноҳияҳо аз меъёри иқлимӣ 1 дараҷа паст пешгӯӣ шуда, ҳаво то 1-6 дараҷа хунук мешавад.
Дар шарқи ВМКБ ҳаво 14-19 дараҷа хунукиро ташкил медиҳад. Дар даҳрӯзаҳои аввал ва дуюми моҳ ҳаво шабона то 15-20 дараҷа хунук ( дар мавзеи Булункӯл то 22-27 дараҷа хунук), рӯзона 2-7 дараҷа хунук (дар мавзеи Булункӯл то 6-11 дараҷа хунук) пешгӯӣ мешавад. Даҳрӯзаи сеюми моҳ пастшавии ҳарорати ҳаво дар назар дошта шуда, шабона то 24 ва рӯзона то 11 дараҷа хунук мешавад.
АКС аз бойгонии АМИТ «Ховар»
Байни Тоҷикистон ва Чин дар самти таҳқиқоти академӣ Ёддошти тафоҳум оид ба ҳамкорӣ ба имзо расид
«БЕҲТАРИН УСТО ВА ШОГИРД». Ғолибони фестивал-озмуни ҳунармандону косибон аз рӯйи чор номинатсия муайян гардиданд
Ёддошти тафоҳум оид ба ҳамкорӣ байни Ҳизби Халқии Демократии Тоҷикистон ва Ҳизби Коммунистии Чин ба имзо расид
Оид ба саҳми илм дар амалисозии ташаббусҳои байналмилалии Тоҷикистон конфронси илмӣ доир гардид
Посух ба муроҷиати шаҳрванди Афғонистон Муҳаммад Ҳаким Турсун
«БЕҲТАРИН УСТО ВА ШОГИРД». Дар Душанбе даври ҷамъбастии фестивал-озмуни ҳунармандону косибон баргузор мегардад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
«ЯК МАТОВУ САД РАНГ». Шаҳри Душанбе бо намоиши либосҳои муосири миллӣ ба гирифтани ҷойи якум сазовор гардид
Дар Ню-Йорк ҳамкории Тоҷикистон бо шарикони байналмилалӣ дар самти муҳоҷират баррасӣ гардид
ОГОҲӢ! 10-12 май дар бештари қаламрави Тоҷикистон бориши бошиддати борони пешгӯӣ мешавад
Намояндагони Тоҷикистон дар дуюмин Форуми байналмилалии баррасии муҳоҷират иштирок намуданд
Муовини Сарвазири Тоҷикистон ба хонадони иштирокчии ҷанг аз шаҳри Ҳисор кумакпулии Пешвои миллатро супорид
