Ҷаласаи навбатии Комиссияи муштараки Тоҷикистон ва Беларус оид ба ҳамлу нақли байналмилалии автомобилӣ доир шуд
ДУШАНБЕ, 05.12.2022 /АМИТ «Ховар»/. Дар Вазорати нақлиёти Тоҷикистон ҷаласаи навбатии Комиссияи муштараки Тоҷикистон ва Беларус оид ба ҳамлу нақли байналмилалии автомобилӣ баргузор гардид, ки зимни он афзоиш ёфтани ҳаҷми ҳамлу нақли бор миёни ду кишвар дар соли 2021 ва 11 моҳи соли равон нисбат ба соли 2020 зикр шуд. Дар ин бора ба АМИТ «Ховар» дар Вазорати мазкур хабар доданд.
Вазири нақлиёти кишвар Азим Иброҳим намояндагони Ҷумҳурии Беларус бо роҳбарии сардори Раёсати нақлиёти автомобилӣ ва мусофирбарии шаҳрии Вазорати нақлиёт ва коммуникатсияи Беларус Андрей Гладкийро ба ҳузур пазируфт. Ҷонибҳо масъалаи ҳамкории дуҷониба дар соҳаи боркашонии байналмилалии автомобилӣ, муайян намудани квота ва табодули варақаҳои иҷозатномадиҳӣ барои ҳамлу нақли байналмилалии автомобилӣ барои соли 2023, масъалаи шартҳои истифодаи чопи дастгоҳи идоракунии рақамӣ (тахограф) аз ҷониби интиқолдиҳандагони ҳарду ҷониб ва дигар масъалаҳои марбутаро мавриди баррасӣ қарор доданд.
Таъкид гардид, ки ҳамкории дуҷониба дар соҳаи ҳамлу нақли байналмилалии автомобилӣ барои рушди минбаъдаи иқтисодӣ иқтидори назаррас дорад. Ҷонибҳо зикр намуданд, ки сарфи назар аз чолишҳои нав ҳаҷми ҳамлу нақли бор миёни ду кишвар афзоиш ёфтааст.
Бо назардошти афзоиши ҳаҷми ҳамлу нақли бор тавассути нақлиёти автомобилӣ ва эҳтиёҷоти интиқолдиҳандагони ҳарду кишвар тарафҳо ба мувофиқа расиданд, ки табодули варақаҳои иҷозатдиҳӣ барои соли 2023 – ро зиёд кунанд.
Ҷонибҳо ба мувофиқа расиданд, ки ҳамкориро баҳри фароҳам овардани шароити мусоид барои рушди минбаъдаи ҳамлу нақли байналмилалии автомобилӣ миёни ду кишвар боз ҳам беҳтар ба роҳ монанд.
Дар ҷараёни мулоқот ҷонибҳо протоколи ҳамкорӣ ба имзо расониданд.
АКС: Вазорати нақлиёти Тоҷикистон
НИШАСТИ МАТБУОТӢ. Ноҳияи Вахш ба хориҷи Тоҷикистон маҳсулоти кишоварзӣ содирот менамояд
35-СОЛАГИИ ИСТИҚЛОЛИ ДАВЛАТӢ. Дар ноҳияи Мир Сайид Алии Ҳамадонӣ зеристгоҳи нави барқии 110/35/10 кВ ба истифода дода мешавад
НИШАСТИ МАТБУОТӢ. Дар Хатлон маҷмуи маҳсулоти минтақавӣ ба 19,9 миллиард сомонӣ баробар шуд
Вазирони оби кишварҳои Осиёи Марказӣ масъалаҳои идоракунии захираҳои обиро баррасӣ намуданд
Хадамоти алоқа: «Аз харидорӣ, насб ва истифодаи худсаронаи репитерҳои ғайристандартӣ ва бе танзими касбӣ худдорӣ намоед»
Байни Душанбе ва Минск парвозҳои мустақими ҳавоӣ оғоз мегарданд
Тоҷикистон лоиҳаи «Харитаи роҳ»-ро оид ба татбиқи Стратегияи рақамикунонии долонҳои асосии нақлиётии мултимодалии ИДМ муаррифӣ намуд
Дар ноҳияи Ҷаббор Расулов парвариши пахта ва ҷамъоварии ҳосили пиёз идома дорад
ИМРӮЗ — РӮЗИ КОРМАНДОНИ СОҲАИ СОХТМОН. Меъмории миллӣ ба ташаккули симои нави шаҳрҳо ва муҳити зисти муносиб мусоидат менамояд
Дар ноҳияи Ҷалолиддини Балхӣ ҳаҷми истеҳсоли маҳсулоти саноатӣ ба 149,6 миллион сомонӣ расид
Ҳаҷми умумии маблағгузории сармоя дар ноҳияи Хуросон ба зиёда аз 337 миллион сомонӣ расонида шуд
Ташаббусҳои глобалии Тоҷикистон дар масъалаи обу иқлим дар муколамаи ҷавонон баррасӣ шуданд
