Барои пойгоҳи обкашии «Сомғор-1»-и ноҳияи Бобоҷон Ғафуров ду агрегати нав харидорӣ мешавад
СУҒД, 05.12.2022 /АМИТ «Ховар»/. Бо мақсади беҳтар намудани вазъи обрасонӣ ва дар ниҳоят зиёд намудани ҳаҷми истеҳсоли маҳсулоти кишоварзӣ барои пойгоҳи обкашии «Сомғор-1» дар ноҳияи Бобоҷон Ғафуров ду агрегати нав харидорӣ карда мешавад, хабар доданд ба хабарнигори минтақавии АМИТ «Ховар» Саъдулло МАҲКАМОВ дар Хадамоти матбуоти Раиси вилояти Суғд.
Раиси вилояти Суғд Раҷаббой Аҳмадзода бо фаъолияти ин пойгоҳи обкашӣ шинос гардид.
Пойгоҳи обкашии «Сомғор-1» аз соли 1960 инҷониб фаъолият дошта, дорои 8 таҷҳизоти асосии обкашӣ мебошад. Тавассути пойгоҳ қисми зиёди заминҳои ноҳияи Бобоҷон Ғафуров, аз ҷумла ҷамоатҳои деҳоти ба номи Дадабой Холматов ва Исмоил обёрӣ гардида, барои таъмиру омодасозии он ба мавсими киштукор ҳамасола маблағҳои зарурӣ ҷудо мегарданд.
Соли равон барои таъмини муназзами заминҳои кишоварзӣ бо оби полезӣ барои ин пойгоҳи обкашӣ ду агрегати нав харидорӣ ва дастрас гардида буд.
Дар ноҳияи Бобоҷон Ғафуров 33 пойгоҳи обкашӣ мавҷуд буда, тавассути онҳо то 22000 гектар замин обёрӣ мешавад. Мутахассисони Идораи беҳдошти замин ва обёрии ноҳия дар айни замон талош доранд, ки тамоми пойгоҳҳои обкашии ноҳияро ба мавсими нав омода намоянд.
АКС: Хадамоти матбуоти Раиси вилояти Суғд
15 июл дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
Имрӯз дар водиҳои Тоҷикистон ҳаво то 43 дараҷа гарм мешавад
ТАЪТИЛИ ТОБИСТОНА. Дар Китобхонаи миллии Тоҷикистон барои наврасону ҷавонон маҳфилҳои омӯзишӣ баргузор мешаванд
Дар Тоҷикистон 11 лоиҳаи сармоягузорӣ дар соҳаи роҳу нақлиёт ба маблағи беш аз 1,1 миллиард доллар амалӣ мегардад
