Дар шаҳри Истиқлол кӯдакистони замонавӣ бунёд мегардад
ДУШАНБЕ, 17.12.2022. /АМИТ «Ховар»/. Дар маҳаллаи 1-уми шаҳри Истиқлол бо дастгирии мақомоти иҷроияи ҳокимияти давлатии шаҳр ва саҳмгузории Ширкати куҳӣ-саноатии Тоҷикистону Хитой боғчаи бачагона сохта мешавад, ки дар он 240 нафар кӯдакон ба таълиму тарбия фаро гирифта мешаванд, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.
14 декабр зимни сафари корӣ ба шаҳри Истиқлол Раиси вилояти Суғд Раҷаббой Аҳмадзода бо ҷараёни корҳои сохтмонии боғчаи мазкур шинос гардид.
Ба иттилои масъулин, муассисаи томактабӣ дар асоси супориши Ҳукумати Ҷумҳурии Тоҷикистон сохта шуда, намояндагони Ширкати куҳӣ-саноатии Тоҷикистону Хитой уҳдадор шудаанд, ки корҳои сабзу хуррамгардониро низ вусъат бахшида, ҳудуди муассисаи томактабиро чароғон намоянд.
Кӯдакистони навбунёд мутобиқ ба замони имрӯз сохта шуда, бо супориши Раиси вилояти Суғд минбаъд бо маркази гармидиҳии худӣ таъмин карда мешавад. Дар айни ҳол дар шаҳри Истиқлол ду муассисаи томактабӣ фаъолият дошта, дар онҳо 252 нафар таълим мегиранд. Ҳамзамон дар назди чор муассисаи таҳсилоти миёнаи умумӣ 6 гурӯҳи маркази инкишофи кӯдак бо фарогирии 130 нафар таъсис дода шудааст.
АКС: Хадамоти матбуоти Раиси вилояти Суғд
ДАРКИ АМИҚИ МОҲИЯТИ ИСТИҚЛОЛИ СИЁСӢ. Он шарти муҳими таҳкими давлатдории миллӣ ва ҳифзи манфиатҳои давлату миллат аст
Дар Муъминобод бахшида ба ҷашни 35-солагии Истиқлоли давлатӣ ҳамоиш доир шуд
Бахшида ба ҷашни Истиқлолияти давлатӣ дар ноҳияи Ёвон ҳамоиши бошукуҳи адабӣ-фарҳангӣ доир гардид
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Имрӯз дар боғҳои пойтахт рӯзҳои фарҳанги вилояти Суғд ва ноҳияҳои Ванҷу Шуғнон баргузор мегарданд
Дар ноҳияи Ашт неругоҳи офтобӣ ба истифода дода мешавад
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
ОМОРИ МУОСИР ВА ЗАРУРАТИ ТАРБИЯИ КАДРҲОИ РАҚОБАТПАЗИР. Андешаҳо дар ин маврид
