Дар Теҳрон ҷаласаи 15-уми Комиссияи муштараки ҳамкории тиҷоратӣ, иқтисодӣ, техникӣ ва фарҳангии Тоҷикистон ва Эрон баргузор гардид
ДУШАНБЕ, 08.12.2022 /АМИТ «Ховар»/. 5-6 декабр дар шаҳри Теҳрон ҷаласаи 15-уми Комиссияи муштараки байниҳукуматии ҳамкории тиҷоратӣ, иқтисодӣ, техникӣ ва фарҳангии Ҷумҳурии Тоҷикистон ва Ҷумҳурии Исломии Эрон баргузор шуд. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Ҳайати Ҷумҳурии Тоҷикистонро Вазири энергетика ва захираҳои об Далер Ҷумъа ва ҳайати Ҷумҳурии Исломии Эронро Вазири неруи ин кишвар Алиакбар Меҳробиён роҳбарӣ намуданд.
Дар ҷаласа ҷонибҳо масъалаҳои рушду тавсеаи ҳамкории дуҷониба дар самтҳои иқтисод, тиҷорат, сармоягузорӣ, илму маориф, фарҳанг, варзиш, тандурустӣ, обу энергетика, телевизион ва радио, ҳамлу нақл ва ғайраро мавриди баррасӣ қарор доданд.
Дар фарҷом тарафҳо Протоколи ҷаласаи 15-уми Комиссияи муштараки ҳамкории тиҷоратӣ, иқтисодӣ, техникӣ ва фарҳангии Тоҷикистон ва Эронро ба имзо расониданд.
Дар доираи кори Комиссияи муштараки байниҳукуматӣ мулоқотҳои Вазири энергетика ва захираҳои оби Ҷумҳурии Тоҷикистон бо вазирони неру ва нафт, инчунин роҳбарони якчанд ширкатҳои соҳаи обу барқи Ҷумҳурии Исломии Эрон доир гардиданд. Зимни онҳо зарфияти ҳамкории ду кишвар дар самти мазкур баррасӣ шуданд.
Акс: ВКХ ҶТ
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
Дар Анқара машваратҳои сиёсӣ байни вазоратҳои корҳои хориҷии Тоҷикистон ва Туркия баргузор шуданд
Масоили ҳамкорӣ дар соҳаи моликияти зеҳнӣ байни Тоҷикистон ва Корея баррасӣ гардид
Дар Теҳрон ҳамкории дуҷониба байни Тоҷикистон ва Эрон баррасӣ шуд
Сафири Тоҷикистон бо Вазири давлатии вазорати федералии корҳои хориҷии Олмон оид ба корҳои Аврупо мулоқот намуд
Ҳайати Ҷумҳурии Тоҷикистон бо иқтидори саноатии вилояти Брест шинос гардид
Дар Қоҳира масъалаҳои таҳкими ҳамкорӣ дар самти таблиғи фарҳанги сулҳ баррасӣ шуданд
