Дар Тоҷикистон беш аз 4 миллион адад китобҳои дарсӣ нашр гардиданд
ДУШАНБЕ, 05.12.2022. /АМИТ «Ховар»/. То 1 декабр аз ҷониби Вазорати маориф ва илми Ҷумҳурии Тоҷикистон 40 номгӯй китоби дарсӣ барои муассисаҳои таҳсилоти умумӣ бо теъдоди 4 млн 318 ҳазору 630 нусха нашр шудааст. Ин матлаб зимни баргузории машварати ҷумҳуриявии «Таъмини адабиёти таълимӣ – омили рушди маориф» баён гардид, иттилоъ доданд дар маркази матбуоти Вазорати маориф ва илми Ҷумҳурии Тоҷикистон ба АМИТ «Ховар».
Дар кори ҳамоиш муовини якуми Вазири маориф ва илми Ҷумҳурии Тоҷикистон Ҷамшед Ҷӯразода, мутасаддиёни бахши китобдории раёсату шуъбаҳои маорифи шаҳру ноҳияҳои ҷумҳурӣ ва намояндагони сохторҳои дастгоҳи марказии Вазорати маориф ва илми Ҷумҳурии Тоҷикистон ва муассисаҳои зерсохтори он ширкат варзиданд.
Зимни он масъалаҳои муҳимми соҳаи нашр ва таъминоти адабиёти таълимӣ, аз қабили дастовардҳои Вазорати маориф ва илми Ҷумҳурии Тоҷикистон дар самти таъмини китобҳои дарсӣ дар соли 2022 ва нақшаҳо барои соли 2023, мушкилоти соҳа ва роҳҳои бартараф кардани онҳо, муаррифии платформаи «Китобхонаи электронӣ» ва «Сандуқчаи зулбиё», омилҳои роҳ наёфтани ҳолатҳои коррупсионӣ дар самти иҷораи китобҳои дарсӣ ва роҳҳои пешгирии он баррасӣ шуданд.
Гуфта шуд, ки тибқи «Нақшаи чопи китобҳои дарсӣ барои муассисаҳои таҳсилоти миёнаи умумӣ дар соли 2023» таҳия ва нашри 44 номгӯй китоби дарсӣ аз синфи 1 то 11 дар назар дошта шудааст.
Аз мушовирони бахши китобдории раёсату шуъбаҳои маориф даъват ба амал оварда шуд, ки бо мақсади аз байн бурдани норасоии адабиёти таълимӣ дар муассисаҳои таҳсилоти умумӣ бо ҳамкории китобдорони муассисаҳои таҳсилоти умумӣ ҳангоми пешниҳоди эҳтиёҷот ба китобҳои дарсӣ саҳлангорӣ накарда, ҳар рақамро дуруст таҳлил карда, сипас ба Вазорати маориф ва илм пешниҳод намоянд.
Дар охир барои фаъолияти пурмаҳсул ва софдилона мушовирони бахши китобдории шуъбаҳои якчанд шаҳру ноҳияи мамлакат бо диплому сипоснома ва мукофотҳои пулӣ қадрдонӣ шуданд.
АКС: Маркази матбуоти Вазорати маориф ва илми Ҷумҳурии Тоҷикистон
Маркази миллии тестӣ: «Бақайдгирии довталабон барои иштирок дар даври сеюми имтиҳонҳои марказонидаи дохилшавӣ оғоз гардид»
Президенти Ҷумҳурии Тоҷикистон Эмомалӣ Раҳмон дар шаҳри Душанбе ҳафт иншооти соҳаи маорифро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шоҳмансури шаҳри Душанбе Муассисаи таҳсилоти миёнаи умумии рақами 20-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар якчанд муассисаи таълимии шаҳри Истаравшан корҳои сохтмонӣ идома доранд
Дар шаҳри Левакант муассисаи давлатии таҳсилоти томактабӣ ба истифода дода шуд
Байни Академияи идоракунии давлатӣ ва Дафтари барномаҳои САҲА нақшаи чорабиниҳои муштарак ба имзо расид
Президенти Ҷумҳурии Тоҷикистон Эмомалӣ Раҳмон дар ноҳияи Данғара бинои муассисаи томактабии «Зирамоҳ»-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии «Орзу»-ро мавриди истифода қарор доданд
«ИСТИҚЛОЛИ ДАВЛАТӢ: СУЛҲУ СУБОТ ВА АМНИЯТИ ҶОМЕА ДАР МЕҲВАРИ АРЗИШҲОИ МИЛЛӢ». Бо чунин унвон ҳамоиш доир гардид
Президенти Ҷумҳурии Тоҷикистон Эмомалӣ Раҳмон дар ноҳияи Данғара муассисаи таҳсилоти миёнаи умумии рақами 95-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии хусусии Cокина ва китобхонаи деҳаи Хуррамзаминро ба истифода доданд
Пешвои миллат Эмомалӣ Раҳмон дар шаҳри Левакант бинои нозироти андоз ва бинои нави иловагии таълимӣ дар назди муассисаи таҳсилоти миёнаи умумии №10-ро ифтитоҳ намуданд
