ДАР ЗИМИСТОН ОДАМОН НОРОҲАТ ХОБ МЕРАВАНД. Хабарнигорони АМИТ «Ховар» маълум карданд, ки чаро ин ҳолат рух медиҳад, хоби солим барои чӣ зарур аст ва онро чӣ гуна метавон ба вуҷуд овард
ДУШАНБЕ, 14.12.2022 /АМИТ «Ховар»/. Таҳқиқотчиён аз Донишгоҳи Вашингтон маълум карданд, ки рӯшноии рӯзона ба сифат ва дарозии хоб таъсир мерасонад. Тавре АМИТ «Ховар» хабар медиҳад, мақолаи онҳо дар маҷаллаи Pineal Research ба табъ расидааст.
Гурӯҳи таҳқиқотӣ маълумоти смарт-соатҳои 507 донишҷӯро дар бораи миқдори рӯшноии рӯзона ва сифати хоб аз соли 2015 то 2018 истифода бурдааст.
Маълумот нишон доданд, ки донишҷӯён ҳар шаб, новобаста ба фасли сол тақрибан як хел хоб мекардаанд. Аммо зимистон вақти хоби онҳо омехта мешуд-онҳо дар хоб мемонданд ва 40 дақиқа аз вақти зарурӣ дертар мехестанд.
Ба ғайр аз ин, дар фасли зимистон пурсидашудагон тамоми рӯз худро хоболуд ҳис мекарданд. Муҳаққиқон зикр намуданд, ки дар зимистон меъёри нури рӯшноӣ нисбат ба тобистон хеле камтар аст. Маҳз ҳамин чиз меъёри табиии хоби одамро вайрон мекунад.
Ба гуфтаи олимон, субҳгоҳон ба берун баромадан кумак мерасонад, то меъёри хоб вайрон нашавад- дар ин ҳолат одам метавонад беҳтар хоб равад.
Барои беҳтар кардани хоби шабона аввал бояд муайян кард, ки ба шумо чанд соат хобидан зарур аст. Сипас, тадриҷан ба сохтани реҷаи ҳаррӯзаи худ шурӯъ кунед. Кӯшиш кунед ҳар шаб дар вақту соати муайян хоб равед. Ҳатто дар рӯзҳои истироҳатӣ то ҳадди имкон кӯшиши хобидан кунед, ҳарчанд ин осон нест. Саҳар зуд, бо садои аввали соати зангдор аз хоб бархезед ва онро ба таъхир нагузоред. Хоби кӯтоҳ ва аз овози соати зангдор қатъшаванда ба шумо қувват намебахшад, баръакс, шумо худро боз ҳам хоболуд ва хаста ҳис хоҳед кард.
Шаҳлои САДРИДДИН,
АМИТ «Ховар»
АКС аз бойгонӣ
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
