Доир ба татбиқи рушди тарбия ва маърифати экологии аҳолии Тоҷикистон барои солҳои 2021-2025 конференсия доир шуд
ДУШАНБЕ, 17.12.2022 /АМИТ «Ховар»/. 15 декабр бо иқдоми Кумитаи ҳифзи муҳити зисти назди Ҳукумати Ҷумҳурии Тоҷикистон, дастгирии Дафтари Тоҷикистонии Созмони амният ва ҳамкорӣ дар Аврупо дар шаҳри Душанбе Конференсияи байниидоравӣ оид ба татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» баргузор гардид. Дар ин бора АМИТ «Ховар» бо истинод ба Кумитаи ҳифзи муҳити зист хабар медиҳад.
Дар ҷаласа муовини якуми Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Зарафо Қиёмзода доир ба таваҷҷуҳи давлату Ҳукумати Ҷумҳурии Тоҷикистон, бахусус Президенти кишвар муҳтарам Эмомалӣ Раҳмон бобати ҳифзи муҳити зист, истифодаи оқилонаи захираҳои табиат, аз ҷумла пешниҳодҳои ҷаҳонӣ оид ба обу экология ва тағйирёбии иқлим сухан гуфт.
Дар ҷаласа намояндагони вазорату идораҳои масъули иҷро, марказҳои орхус дар шаҳрҳои Хоруғ, Бохтар, Душанбе, шаҳраки Ғарми ноҳияи Рашт ва ташкилоти ҷамъиятӣ иштирок намуданд.
Мушовири миллӣ оид ба масъалаҳои ҳифзи муҳити зисти Дафтари барномаҳои Созмони амният ва ҳамкорӣ дар Душанбе Муҳаббат Камарова низ оид ба ҳадафҳои ташкилоти мазкур ва ҳамкорӣ дар самтҳои мухталифи муҳити зист сухан гуфт. Таъкид шуд, ки саҳми Дафтари барномаҳои Созмони амният ва ҳамкорӣ дар Аврупо дар Душанбе дар татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» назаррас буда, бо Кумитаи ҳифзи муҳити зист дар ин самт ҳамкории судманд ба роҳ монда шудааст.
АКС: Кумитаи ҳифзи муҳити зисти назди ҲҶТ
Имрӯз дар шаҳру ноҳияҳои Тоҷикистон ҳавои тағйирёбандаи бебориш пешгӯӣ мешавад
Ба хотири гиромидошти 115-солагии Шоири халқии Тоҷикистон Мирзо Турсунзода дар Шаҳринав ҳамоиши илмӣ доир шуд
РАВАНДИ ОБИ ДУШАНБЕ. Моҳи май дар пойтахти Тоҷикистон Фестивали об баргузор мешавад
Оид ба масъалаҳои мубрами филологияи Шарқ ва робитаҳои адабӣ конференсияи байналмилалӣ доир шуд
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
