ФОРУМИ БАЙНАЛМИЛАЛИИ МУСУЛМОНОН. Сулаймон Давлатзода бар ин назар аст, ки Тоҷикистон бояд ҳамкориро бо Россия дар соҳаи дин тақвият бахшад
ДУШАНБЕ, 09.12.2022 /АМИТ «Ховар»/. Ҳамкорӣ дар соҳаи дин миёни Тоҷикистон ва Россия ба роҳ монда шудааст, аммо онро бояд тақвият дод. Тавре АМИТ «Ховар» хабар медиҳад, Раиси Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон Сулаймон Давлатзода дар Форуми XVIII байналмилалии мусулмонон, ки 8 декабр дар Москва доир гардид, зимни суҳбат бо мухбири ТАСС ин гуна баён дошт.
«Мо эҳсос мекунем, ки ҳукуматҳои ҳарду кишвар қариб ҳамеша омодаанд ба манфиати ҷавонон ҳамкорӣ кунанд. На танҳо дар соҳаи дин, балки дар дигар соҳаҳо низ. Мо аллакай ҳамкорӣ дорем [дар соҳаи дин— тавзеҳи ТАСС], танҳо онро бояд вусъат бахшид», — гуфт ӯ.
Давлатзода афзуд, ки ҳоло дар Тоҷикистон соҳаи сайёҳӣ рушд меёбад, аз ҷумла дар самти дин. «Дар мавриди саёҳати динӣ мо воқеан стратегияи рушди сайёҳӣ дорем ва Ҳукумати Тоҷикистон лоиҳаҳоро на танҳо дар соҳаи сайёҳии динӣ, балки сайёҳии экологӣ ва дигар намудҳои сайёҳӣ низ дастгирӣ мекунад», — афзуд ӯ дар охир. Зимнан, тавре АМИТ «Ховар» қаблан хабар дода буд, моҳи ноябри соли равон дар шаҳри Душанбе Форуми минтақавии рушди сайёҳӣ баргузор гардид, ки дар он коршиносону намояндагони Ҷумҳурии Тоҷикистон, Ҷумҳурии Узбекистон ва Ҷумҳурии Исломии Эрон иштирок доштанд.
Форуми XVIII байналмилалии мусулмонон «Адолат ва эътидол: принсипҳои илоҳии низоми ҷаҳон» ба 1400-умин солгарди ҳиҷрати Паёмбар Муҳаммад (с) ва 1100-умин солгарди расман пазируфтани ислом аз ҷониби мардуми Хонигарии Булғор бахшида шуд.
АКС: АМИТ «Ховар»
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
