Кони Камароб сохторҳои буҷетии ноҳияҳои Рашту Тоҷикободро бо ангишти хушсифат таъмин намуд
РАШТ, 20.12.2022 /АМИТ «Ховар»/. Дар Ҷамъияти саҳомии кушодаи «Ангишти Камароб» соли равон зиёда аз 60 ҳазор тонна ангишт истихроҷ ва ба корхонаҳои саноатии ҷумҳурӣ ва хоҷагии халқи мамлакат пешниҳод гардид, иттилоъ доданд ба хабарнигори минтақавии АМИТ «Ховар» Субҳониддини МАҲМУД масъулини ҷамъияти мазкур.
Кони ангишти «Камароб» дар баландии беш аз 3500 метр дар дараи Камароби ноҳияи Рашт воқеъ мебошад.
Дар асоси Қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2022-2023» Ҷамъияти саҳомии кушодаи «Ангишти Камароб» бо муассисаҳои буҷавии ноҳияҳои Рашту Тоҷикобод шартнома баста, мувофиқи талабот муассисаҳои буҷавии ноҳияи Раштро бо 1994 тоннаю 756 кг ангишт ва сохторҳои буҷавии ноҳияи Тоҷикободро бо 464 тоннаю 880 кг ангишти хушсифат сари вақт таъмин намуд.
Роҳбарияти ширкат дар асоси дастуру супоришҳои Ҳукумати Ҷумҳурии Тоҷикистон ба маъюбони ноҳияи Лахш 25 тонна, ба ниёзмандону ятимон ва маъюбону иштирокчиёни ҶДҶ ва шахсони ба онҳо баробаркардашудаи ноҳияи Рашт 100 тонна ангишти ройгон кумак расониданд.
Барои ба аҳолӣ дастрас гардидани ангишти Камароб дар ноҳияи Рашт се нуқтаи фурӯш ва дар ноҳияи Лахш як нуқтаи фурӯши ангишт ташкил шудаанд.
АКС: АМИТ «Ховар»
Имрӯз дар ноҳияҳои алоҳидаи Тоҷикистон борон меборад
КОНСТИТУТСИЯ — РАҲНАМОИ ДАВЛАТДОРИИ МИЛЛӢ. Дар ноҳияи Ёвон ҳамоиши тантанавӣ баргузор шуд
Конститутсия кафолати адолати иҷтимоӣ, сулҳу ваҳдат ва рушди устувор аст
Бахшида ба Рӯзи Конститутсия дар Вазорати рушди иқтисод ва савдо ҳамоиши тантанавӣ доир шуд
Дар ноҳияи Рӯдакӣ бахшида ба Рӯзи Конститутсия конференсияи илмӣ-назариявӣ доир шуд
Рӯзи Конститутсияи Тоҷикистон дар Вазорати энергетика ва захираҳои об бошукуҳ таҷлил гардид
Бахшида ба 32-солагии қабули Конститутсия дар Кумитаи давлатии идораи замин ва геодезӣ ҷамъомади тантанавӣ доир шуд
Дар мавзуи «Конститутсияи Тоҷикистон дар масири таҳкими давлатдории миллӣ ва сиёсати созанда» ҳамоиши илмӣ доир шуд
Дар Вазорати адлия бахшида ба Рӯзи Конститутсияи Тоҷикистон ҳамоиш доир гардид
КОНСТИТУТСИЯ ВА ТАҚДИРИ МИЛЛАТ. Аз андешаи давлатдорӣ то фарҳанги созандаи ҷомеа
