Масъалаи раванди маъюбшавии кӯдакон дар Тоҷикистон мавриди баррасӣ қарор дода шуд
ДУШАНБЕ, 22.12.2022 /АМИТ «Ховар»/. Масъалаи раванди маъюбшавии кӯдакон дар Тоҷикистон, тавонбахшии тиббию иҷтимоии кӯдакони маъюб аз нигоҳи нав ва мушкилоту ҳамкорӣ барои дастгирии ин табақаи ҷомеа 21 декабр дар Китобхонаи миллӣ зимни ҳамоиши илмӣ-амалӣ мавриди баррасӣ қарор гирифт, иттилоъ доданд ба АМИТ «Ховар» дар маркази матбуоти Вазорти тандурустӣ ва ҳифзи иҷтимоии аҳолии мамлакат.
Ҳамоиши мазкур таҳти унвони «Раванди маъюбшавии кӯдакон дар Тоҷикистон: вазъият, дастовардҳо, мушкилот ва ояндабинӣ. Тақвияти шарикӣ ва ҳамкорӣ дар самти маъюбии кӯдакон» доир шуд.
Зикр шуд, ки шахсони осебпазир, хусусан кӯдакони ятим ва маъюб дар сиёсати иҷтимоии Ҳукумати Ҷумҳурии Тоҷикистон мавқеи муҳим ишғол менамоянд. Ин гурӯҳҳои осебпазири аҳолӣ таҳти ғамхории давлат қарор дошта, дар баробари пардохти нафақа ба татбиқи ҳуқуқу кафолатҳои барои онҳо дар қонунгузории ҷумҳурӣ пешбинишуда, аз ҷумла таъмини тавонбахшӣ дар муассисаҳои хизматрасониҳои иҷтимоии шаклҳои гуногун дар сатҳи ҷумҳуриявӣ ва маҳаллӣ таваҷҷуҳи махсус дода мешавад.
Дар Ҷумҳурии Тоҷикистон «Дар бораи ҳифзи иҷтимоии маъюбон» ва «Дар бораи мусоидат ба шуғли аҳолӣ» қонунҳо ба тавсиб расидаанд. Инчунин дар мамлакат «Барномаи миллии тавонбахшии маъюбон барои солҳои 2017-2020» ва Конвенсия дар бораи ҳифзи ҳуқуқи маъюбон аз соли 2018 амал мекунанд.
Ёдовар мешавем, ки дар ҳамоиши илмӣ-амалӣ раиси кумита оид ба масъалаҳои иҷтимоӣ, оила ва ҳифзи саломатии Маҷлиси намояндагони Маҷлиси Олии Ҷумҳурии Тоҷикистон Гулбаҳор Ашурзода, муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихон Ҷамшед, шарикон оид ба рушд, роҳбарони якчанд муассисаи ҷумҳуривӣ ва мутахассисони соҳа иштирок намуданд.
АКС: Вазорати тандурустӣ ва ҳифзи иҷтимоии аҳолии ҶТ
ОГОҲӢ! Аз 16 то 19 июл дар Тоҷикистон баландшавии ҳарорати ҳаво пешгӯӣ мешавад
НИШАСТИ МАТБУОТӢ. Барои дарёфти гранти Президенти Тоҷикистон дар соли 2026 аз ҷониби занон 945 лоиҳа пешниҳод шудааст
ЭҲТИЁТ АЗ НУРҲОИ БАЛАНДИ ОФТОБ! Ҳангоми гармои шадид саломатиро чӣ тавр бояд ҳифз намуд?
Дар «Чангоб» 220 нафар кӯдакони ятими кулл, нимятим ва аз оилаҳои камбизоат ба истироҳат фаро гирифта шудаанд
НИШАСТИ МАТБУОТӢ. «Тоҷиксуғурта» ба шаҳрвандон ва ташкилот беш аз 1,1 миллион сомонӣ ҷуброни суғуртавӣ пардохт намуд
Президенти Тоҷикистон: «Сифати таҳияи лоиҳаи санадҳои меъёрии ҳуқуқӣ ҳанӯз ба талабот пурра ҷавобгӯ нест»
Муассисаҳои таҳсилоти ибтидоии касбӣ пурра бо китобҳои дарсӣ таъмин мебошанд
Дар Душанбе беш аз 13 ҳазор нафар ба сафи Ҳизби Халқии Демократии Тоҷикистон қабул гардиданд
Эмомалӣ Раҳмон: «Волоияти қонун асоси устувории давлат ва шарти муҳими зиндагии осоиштаи мардум аст»
Дар марказҳои касбомӯзии Тоҷикистон беш аз 20 касби серталаб омӯзонида мешаванд
ОГОҲӢ! Аз 15 то 18 июл дар Тоҷикистон баландшавии ҳарорати ҳаво пешгӯӣ мешавад
Дар муассисаҳои таҳсилоти ибтидоӣ ва миёнаи касбӣ 25 ихтисоси нав дар соҳаи саноати металлургияи сиёҳ таъсис меёбад
