Намояндаи Тоҷикистон дар ҷаласаи 75-уми Шӯрои роҳбарони хадамоти гумруки ИДМ дар Қазоқистон иштирок намуд
ДУШАНБЕ, 12.12.2022 /АМИТ «Ховар»/. Муовини Сардори Хадамоти гумруки назди Ҳукумати Ҷумҳурии Тоҷикистон Хуршед Шерализода дар ҷаласаи 75-уми Шӯрои роҳбарони хадамоти гумруки Иттиҳоди Давлатҳои Мустақил (ИДМ), ки 8-9 декабр дар шаҳри Актауи Қазоқистон баргузор шуд, иштирок намуд, хабар доданд ба АМИТ «Ховар» дар ниҳоди мазкур.
Дар ҷаласа масъалаҳои марбут ба фаъолияти гумрукӣ, аз ҷумла мувофиқакунонии лоиҳаи Созишнома оид ба тайёр намудани кадрҳо барои мақомоти гумруки давлатҳои иштирокчии Иттиҳоди Давлатҳои Мустақил аз рӯи барномаҳои таълимии таҳсилоти олӣ ва барномаҳои таҳсилоти иловагии касбӣ ва Созишнома оид ба тартиби гузоштани муҳр ва топпаҳои (штампи) гумрукӣ дар ҳуҷҷатҳои нақлиётӣ (ҳамлу нақл) ва тиҷоратӣ аз ҷониби мақомоти гумруки давлатҳои иштирокчии Иттиҳоди давлатҳои мустақил мавриди баррасӣ қарор дода шуданд.
Ҳамзамон масъалаҳои интихоби роҳбар ва котиби Шӯрои роҳбарони хадамоти гумрук ва кумитаҳои роҳбарони воҳидҳои ҳифзи ҳуқуқи Шӯрои роҳбарони хадамоти гумруки давлатҳои иштирокчии ИДМ, тасдиқи лоиҳаи нақшаи кории Шӯрои роҳбарони хадамоти гумрук ва Кумитаи роҳбарони воҳидҳои ҳифзи ҳуқуқи Шӯрои роҳбарони хадамоти гумруки давлатҳои иштирокчии ИДМ, сарфароз гардонидан бо нишони сарисинагии Шӯрои роҳбарони хадамоти гумруки давлатҳои иштирокчии ИДМ баррасӣ шуда, нисбат ба онҳо қарорҳои мушаххас қабул гардид.
Дар форҷоми ҷаласа масъалаи тасдиқи лоиҳа дар бораи ворид намудани тағйирот ба Номенклатураи ягонаи молҳои фаъолияти иктисодии хориҷии Иттиҳоди Давлатҳои Мустақил ва инчунин тасдиқи Низомномаи мубодила миёни мақомоти гумруки давлатҳои аъзои Иттиҳоди Давлатҳои Мустақил оид ба молҳое, ки аз ҷониби макомоти гумруки давлатҳои аъзои ИДМ нисбат ба онҳо вайронкунии ҳуқуқи моликияти зехнӣ ошкор гардидаанд, бо дарназардошти мавқеи иштирокчиён дида шуданд.
Ҳамчунин зимни ҷаласа макони баргузории ҷаласаи навбатии Шӯрои роҳбарони хадамоти гумруки Иттиҳоди Давлатҳои Мустақил дар нимаи якуми соли 2023 баррасӣ гардид.
АКС: Хадамоти гумруки назди Ҳукумати Ҷумҳурии Тоҷикистон
НИШАСТИ МАТБУОТӢ. Дар ноҳияи Ҷалолиддини Балхӣ ҳаҷми маҳсулоти кишоварзӣ ба беш аз 1,2 миллиард сомонӣ расонида шуд
Тоҷикистон ба сӯи тиҷорати байналмилалии электронӣ қадамҳои устувор мегузорад
Озмуни ҷумҳуриявии «Таҳияи Платформаи рақамии тиҷоратикунонии натиҷаҳои фаъолияти илмӣ ва илмию техникӣ» ҷамъбаст гардид
Таҷдид ва навсозии гузаргоҳҳои сарҳадӣ бо намояндагони Бонки Осиёии рушд баррасӣ шуд
Масъалаи ҷалби мутахассисони Бонки миллии Тоҷикистон ба барномаи JISPA баррасӣ гардид
Муовини Сарвазири Тоҷикистон бо корҳои саҳроӣ ва таъмини оби полезӣ дар ноҳияи Зафаробод шинос шуд
Барномаи стипендияи Ҷопон дар рушди иқтидори касбии хизматчиёни давлатӣ муаррифӣ шуд
Дар Тошканд дар доираи Барномаи назорати мусофирон ва боркашонӣ вохӯрии солонаи байниминтақавии сатҳи баланд баргузор шуд
САНОАТ — МУҲАРРИКИ РУШДИ ИҚТИСОДӢ. Тоҷикистон 35-солагии Истиқлоли давлатиро бо эътимоди комил, суботи сиёсӣ ва сиёсати равшани саноатӣ истиқбол менамояд
Дар Душанбе дурнамои рушди ҳамкории иқтисодию сармоягузории Тоҷикистону Туркия баррасӣ гардид
Дар Тоҷикистон истихроҷи намаки ошӣ беш аз 1 фоиз кам гардидааст
ИСТИФОДАИ САМАРАНОКИ ЗАМИН. Дар хоҷагиҳои деҳқонии ноҳияи Хуросон кишти зироат идома дорад
