РАВАНДИ ОБИ ДУШАНБЕ. Дар Женева вохӯрии 17-уми Гурӯҳи дӯстони об ва сулҳ баргузор шуд

Декабрь 1, 2022 11:15

ДУШАНБЕ, 01.12.2022 /АМИТ «Ховар»/. 30 ноябр дар маркази матбуотии Женева вохӯрии 17-уми Гурӯҳи дӯстони об ва сулҳ баргузор гардид. Дар ин бора ба АМИТ «Ховар» дар Намояндагии доимии Ҷумҳурии Тоҷикистон дар назди шуъбаи СММ дар Женева хабар доданд.

Ҳамоиши мазкур аз ҷониби Намояндагии доимии Ҷумҳурии Словения ва созмони «Geneva Water Hub» ташкил карда шуда, меҳвари он ба баррасии масъалаҳои обу сулҳ ва робитаи онҳо бо Конфронси бознигарии миёнамуддати Даҳсолаи байналмилалии амал «Об барои рушди устувор, солҳои 2018-2028» равона шуда буд.

Зимни ҳамоиш Намояндаи доимии Ҷумҳурии Тоҷикистон дар назди шуъбаи СММ ва дигар ташкилоти байналмилалӣ дар шаҳри Женева Ҷамшед Ҳомидов ва Роҳбари раёсати ҳамкории байналмилалии Вазорати корҳои хориҷии Шоҳигарии Нидерланд хонум Китти ван дер Ҳейҷден ба ҳайси мизбонони Конфронси СММ оид ба об, ки соли 2023 дар ш. Ню-Йорк доир мегардад, суханрониҳои ифтитоҳӣ намуданд.

Зимни суханронӣ Ҷамшед Ҳомидов аҳаммияти масъалаи обро дар партави тағйирёбии иқлим таъкид карда, ширкаткунандагон ва намояндагони кишварҳои узвро ба густариши талошҳо дар ҳалли мушкилоти об даъват намуд. Ҳамзамон муҳим будани Даҳсолаи амал ва суръат бахшидан ба амалиёти ҷаҳонӣ оид ба масъалаҳои об аз ҷониби кишварҳо ва ҷонибҳои манфиатдор зикр гардид.

Ёдовар мешавем, ки Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 таҳти унвони «Такон бахшидан ба амалҳо ва шарикӣ дар соҳаи об дар сатҳҳои маҳаллӣ, миллӣ, минтақавӣ ва ҷаҳонӣ” 6-9 июни соли 2022 дар Душанбе баргузор гардид.

Конфронси оби СММ баъд аз Конфронси оби сатҳи баланди соли 1977 дар Мар-дел-Плата нахустин Конфронси оби СММ дар чунин сатҳ ба ҳисоб меравад.

АКС: Намояндагии доимии Ҷумҳурии Тоҷикистон дар назди шуъбаи СММ дар Женева

Декабрь 1, 2022 11:15

Хабарҳои дигари ин бахш

Тоҷикистон ба Туркия кумаки аввалияи башардӯстона мерасонад
Тоҷикистон ва Нидерланд дар Женева мубоҳисаи панелӣ оид ба об, иқтисод ва тиҷорат баргузор намуданд
«ТОҶИКИСТОН — ДИЁРИ ЁРОН». Таҳти чунин унвон дар рӯзномаи эронӣ силсиламақола ба табъ расид
Сарвазири Ҷумҳурии Тоҷикистон Қоҳир Расулзода бо Вазири меҳнати Давлати Қатар доктор Алӣ ибни Самиҳ Ал-Марӣ мулоқот намуд
Бар асари заминларза дар Туркия шаҳрвандони Тоҷикистон осеб надидаанд
Сарвазири Ҷумҳурии Тоҷикистон Қоҳир Расулзода бо Вазири рушди иқтисоди Федератсияи Русия Максим Решетников мулоқот намуд
Тоҷикистон ва Туркия мубодилаи таҷрибаро дар самти фаъолияти инноватсионӣ ва тадқиқотӣ баррасӣ намуданд
Ҳайати парламентӣ ва сафири Тоҷикистон дар мулоқоти сафирони давлатҳои аъзои СААД бо Вазири корҳои хориҷии Русия иштирок карданд
«СҲШ дар ҷаҳони тағйирёбанда: роҳ ба сӯйи саммити Ню Деҳлӣ». Таҳти чунин унвон дар Душанбе ҳамоиш доир шуд
ПЕШВОИ МИЛЛАТ ВА ИҚДОМОТИ САТҲИ ҶАҲОНӢ. Эътибори байналмилалии Тоҷикистон қавитар мегардад
ҲАМДИЛӢ АЗ ҲАМЗАБОНӢ БЕҲТАР АСТ. 31 соли муносибатҳои дипломатӣ байни Тоҷикистон ва Туркия
Тоҷикистон ва Қирғизистон масоили омодагӣ ба чорабиниҳои соли 2023 дар сатҳи олӣ доиршавандаро баррасӣ карданд