Сафири Чин аз Маркази дӯстӣ ва ҳамкории СҲШ дар Тоҷикистон боздид намуд

Декабрь 8, 2022 16:36

ДУШАНБЕ, 08.12.2022 /АМИТ «Ховар»/. Имрӯз, 8 декабр ба муносибати таҷлили санаи муҳим- 30 соли барқарор намудани муносибатҳои дипломатӣ миёни Ҷумҳурии Тоҷикистон ва Ҷумҳурии Мардумии Чин Сафири Фавқулода ва Мухтори Ҷумҳурии Мардумии Чин дар Ҷумҳурии Тоҷикистон Тзи Шумин ба Маркази дӯстӣ ва ҳамкории СҲШ дар Тоҷикистон, ки дар Академияи идоракунии давлатии назди Президенти Ҷумҳурии Тоҷикистон воқеъ аст, ташриф овард, хабар доданд ба АМИТ «Ховар» дар Академияи мазкур.

Ёдовар мешавем, ки 4 январи соли 1992 дар шаҳри Душанбе маросими имзои Баёнияи муштарак дар бораи барқарор намудани муносибатҳои дипломатӣ миёни Ҷумҳурии Тоҷикистон ва Ҷумҳурии Мардумии Чин баргузор гардида буд.

Ҳукуматҳои ҳарду давлат қарор доданд, ки муносибатҳои дӯстӣ ва ҳамкории байни мамлакатҳои худро дар асоси принсипҳои эҳтироми ҳамдигар ба соҳибихтиёрӣ ва тамомияти арзӣ, ҳуҷум накардан, дахолат накардан ба корҳои дохилии якдигар, баробарҳуқуқӣ ва нафъи ҳамдигар, инчунин ҳамзистии осоишта инкишоф диҳанд.

Аз рӯзи баргузории ин воқеа 30 соли ҳамкорӣ сипарӣ шуд, ки сеяки он (аз соли 2013) шарикии стратегӣ мебошад.

Зимни ташрифи сафир Ректори Академияи идоракунии давлатии назди Президенти Ҷумҳурии Тоҷикистон, Директори Маркази дӯстӣ ва ҳамкории СҲШ дар Тоҷикистон, доктори илмҳои ҳуқуқ, профессор Абдухалил Ғафурзода меҳмонро бо фаъолияти Академия ва комёбию дастовардҳои он шинос намуд.


Тзи Шумин инчунин аз Маркази омӯзишии “Мактаби давлатдории Эмомалӣ Раҳмон”, Маркази омӯзиш ва дастгирии занони роҳбар ва лаёқатманд, Маркази солимгардонӣ, парки технологӣ ва Маркази дӯстӣ ва ҳамкории СҲШ дар Тоҷикистон дидан кард. Зимни ин боздид ҷонибҳо табодули назар карда, дурнамои ҳамкориро баррасӣ карданд.

Зимни сафари Сафири Фавқулода ва Мухтори Ҷумҳурии Мардумии Чин ба Маркази дӯстӣ ва ҳамкории СҲШ дар Тоҷикистон маросими ҷоизасупорӣ ба ғолибони номинаҳои озмуни “Сафири хурди фарҳанги СҲШ” доир гардид, ки дар он наврасони Тоҷикистон иштирок карданд.

Тзи Шумин дар қисмати ниҳоии боздид барои донишҷӯён, магистрантон ва кормандони Академия маърузаи кушод доир намуд, ки ба дастовардҳои ҳамкории Тоҷикистон ва Чин ва дурнамои ҳамкории минбаъда бахшида шуд.

АКС: Академияи идоракунии давлатӣ

Декабрь 8, 2022 16:36

Хабарҳои дигари ин бахш

Дар Сафорати Тоҷикистон дар Туркманистон бо ҳамватанони бурунмарзии муқими шаҳри Ашқобод вохӯрӣ доир шуд
Масъалаи тақвияти ҳамкории дуҷонибаи Тоҷикистон бо музофоти Бавария баррасӣ шуд
Дар доираи Форуми минтақавӣ оид ба рушди устувор таҳти унвони «Пиряхҳо сарчашмаи оби тоза» ҳамоиш баргузор гардид
Дар Ню-Йорк ҳамкории Тоҷикистон бо Кумитаи зиддитеррористии Шурои амнияти Созмони Милали Муттаҳид баррасӣ гардид
Намояндаи доимии Тоҷикистон дар Форум оид ба Ҳадафҳои Рушди Устувор иштирок намуд
Наврӯзи байналмилалӣ дар шаҳри Вена таҷлил гардид
ЭЪЛОН! Бақайдгирии намояндагони воситаҳои ахбори омма барои инъикоси Конфронси сеюми оби Душанбе оғоз шуд
Дар Олмон зарфияти фаровони манбаъҳои неруи таҷдидпазири Тоҷикистон муаррифӣ шуд
Дар Женева масъалаҳои мубрами ҳамкорӣ байни давлатҳои Осиёи Марказӣ ва Созмони Милали Муттаҳид баррасӣ шуд
Ҳамкории минтақаҳои Тоҷикистон бо Райнланд-Пфалтси Олмон баррасӣ гардид
Тоҷикистон ва Кувайт ба баргузории машварат байни ниҳодҳои сиёсати хориҷии ду давлат изҳори омодагӣ намуданд
Сафорати Тоҷикистон бо Академияи дипломатияи фарҳангӣ ҳамоиши иқтисодии Берлинро баргузор намуд