Сафири Тоҷикистон дар Форуми 15-уми демократии Балӣ иштирок намуд

ДУШАНБЕ, 10.12.2022 /АМИТ «Ховар»/. Сафири Ҷумҳурии Тоҷикистон дар Малайзия, Индонезия, Шоҳигарии Таиланд ва Намояндаи доимии ҷумҳурӣ дар ЕСКАТО Ардашер Қодирӣ 8 декабр дар Форуми 15-уми демократии Балӣ (BDF 15), ки зери шиори «Демократия дар ҷаҳони тағйирёбанда: Роҳбарӣ ва ҳамбастагӣ» баргузор гашт, иштирок намуд. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.

Форуми демократияи Балӣ (BDF), ки бо ташаббуси Индонезия баргузор мешавад, чорабинии ҳамасолаи фарогир ва кушодаи байниҳукуматӣ барои рушди демократия дар минтақаи Осиё ва Уқёнуси Ором мебошад.

Ҳадафи форум мусоидат ва рушди ҳамкории минтақавӣ ва байналмилалӣ дар самтҳои сулҳофарӣ ва демократия тавассути муколама дар асоси табодули таҷриба ва таҷрибаи пешқадам, риояи принсипи баробарӣ, эҳтироми ҳамдигар ва ҳамдигарфаҳмӣ мебошад.

Акс: ВКХ ҶТ