Сироҷиддин Муҳриддин дар мулоқоти вазирони корҳои хориҷии кишварҳои Осиёи Марказӣ ва Олмон иштирок намуд

Декабрь 1, 2022 20:50

ДУШАНБЕ, 01.01.2022 /АМИТ «Ховар»/. Дар шаҳри Лодзи Лаҳистон дар ҳошияи иҷлосияи 29-уми Шӯрои вазирони Созмони амният ва ҳамкорӣ дар Аврупо (САҲА) 1 декабр мулоқоти вазирони корҳои хориҷии кишварҳои Осиёи Марказӣ ва Олмон барпо гардид, ки дар он Сироҷиддин Муҳриддин иштирок ва суханронӣ кард. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.

Вазири корҳои хориҷии Тоҷикистон Сироҷиддин Муҳриддин ҳамчунин аз таъсири тағйирёбии иқлим ба дастрасӣ ба об ва аҳаммияти ташаббуси навбатии Пешвои миллат, Президенти кишвар муҳтарам Эмомалӣ Раҳмон оид ба эълон намудани соли 2025 ҳамчун Соли байналмилалии ҳифзи пиряхҳо ёдрас шуд.

Зимни ҷаласа иштирокчиён якчанд масъалаҳо, аз ҷумла рушди муносибатҳои ҳамаҷониба миёни Аврупо ва Осиёи Марказӣ, масъалаҳои обу иқлим, рушди иқтисод, маориф, муҳити зист ва мубориза бар зидди таҳдиду хатарҳои умумиро мавриди муҳокима қарор доданд.

Ёдовар мешавем, ки Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон 3 марти соли 2021 зимни суханронӣ дар мулоқоти якуми Панели сатҳи баланд оид ба масъалаҳои об ва иқлим дар сиғаи видеоконференсия пешниҳод намуданд, ки соли 2025-ум Соли байналмилалии ҳифзи пиряхҳо эълон гардида, санаи Рӯзи ҷаҳонии ҳифзи пиряхҳо муайян карда шавад.

Қобили зикр аст, ки бори аввал соли 2009 Президенти Тоҷикистон Эмомалӣ Раҳмон аз минбари Конфронси байналмилалӣ оид ба тағйирёбии иқлим дар Копенгаген зарурати таъсиси Хазинаи байналмилалии ҳифзи пиряхҳоро пешниҳод карда буданд.

Акс: ВКХ ҶТ

Декабрь 1, 2022 20:50

Хабарҳои дигари ин бахш

Тоҷикистон ва Олмон робитаҳои мустақим байни соҳибкорони Душанбе ва Ройтлингенро муҳим арзёбӣ намуданд
Дар Тоҷикистон Рӯзҳои фарҳанги Беларус баргузор мегардад
Сироҷиддин Муҳриддин ва Мурат Нуртлеу раванди омодагӣ ба саммитҳои сатҳи баландро баррасӣ намуданд
Сироҷиддин Муҳриддин дар Вохӯрии ҳафтуми вазирони корҳои хориҷии Осиёи Марказӣ ва Русия иштирок намуд
Сироҷиддин Муҳриддин ва Сергей Лавров масъалаҳои муҳими муносибатҳои дуҷонибаро мавриди муҳокима қарор доданд
Президенти Тоҷикистон Эмомалӣ Раҳмон барои анҷоми сафари давлатӣ ба Озарбойҷон мераванд
Дар Минск ҷаласаи Шурои вазирони корҳои хориҷии Иттиҳоди Давлатҳои Мустақил баргузор гардид
Дар Боку масъалаи баргузории ҷаласаи Комиссияи муштараки байниҳукуматӣ байни Тоҷикистон ва Озарбойҷон баррасӣ шуд
Дар Женева ҳамкории Тоҷикистон ва Созмони умумиҷаҳонии тандурустӣ баррасӣ гардид
Тоҷикистон ва Австрия ҳамкории дуҷонибаро вусъат мебахшанд
Дар Душанбе даври сеюми музокироти Тоҷикистон ва Иттиҳоди Аврупо баргузор гардид
Тоҷикистон бо Конфронси Созмони Милали Муттаҳид оид ба савдо ва рушд ҳамкориро тақвият мебахшад