«ТАЪЛИМ БИДУНИ МАРЗ». Директори мактаби шаҳри Бохтар ғолиби марҳилаи аввали Озмуни байналмилалии омӯзгорони забонҳои русии кишварҳои ИДМ гардид
ДУШАНБЕ, 22.12.2022 /АМИТ «Ховар»/. Номи ғолибони марҳилаи аввали Озмуни байналмилалии омӯзгорон «Таълим бидуни марз», ки ба забони русӣ дар хориҷа дарс мегӯянд, маълум шуд. Тавре ба АМИТ «Ховар» дар хадамоти матбуоти Кумитаи иҷроияи ИДМ иттилоъ доданд, озмун барои муаллимони забонҳои русӣ дар мактабҳо ва марказҳои таълимии кушод дар кишварҳои ИДМ, инчунин муаллимоне, ки забони русиро ҳам аз рӯи усулҳои классикӣ ва ҳам бо истифодаи технологияҳои инноватсионии таълимӣ дарс медиҳанд, ташкил карда шудааст.
Миёни ғолибон — директори МДБТМ (Муассисаи давлатии буҷавии таҳсилоти миёна) «МТМ дар шаҳри Бохтар ба номи М. В. Ломоносов» (Тоҷикистон) Евгений Ласитса, ки қаблан ба ҳайси директори мактаб дар Барнаули Россия фаъолият мекард, низ ҳаст.
Тавре АМИТ «Ховар» хабар додааст, Муассисаи давлатии таълимии буҷавии «Мактаби миёнаи таҳсилоти умумӣ бо омӯзиши амиқи фанҳои инфиродӣ дар шаҳри Бохтар ба номи M.В. Ломоносов», ки дар маркази маъмурии вилояти Хатлони Тоҷикистон ҷойгир аст, — муассисаи тобеи Вазорати маорифи Федератсияи Россия мебошад.
Ёдовар мешавем, ки Озмуни байналмилалии омӯзгорони забонҳои русии кишварҳои ИДМ «Таълим бидуни марз» дар ду марҳила баргузор мешавад. Дар марҳилаи аввал доварон, ки аз коршиносон ва таҷрибаомӯзон дар соҳаи таълими забони русӣ дар кишварҳои Иттиҳод иборат буданд, барномаҳои рақобатиро арзёбӣ карданд. 12 ғолиби марҳилаи аввал, ба истиснои Евгений Ласитса, инчунин муаллимони Россия, Беларус, Қазоқистон, Қирғизистон, Узбекистон, Арманистон ва Молдова барои иштирок ба даври дуввуми озмун роҳ дода шуданд.
Марҳилаи дуввуми озмун ба таври ҳузурӣ аз 22 то 24 декабр дар шаҳри Москва дар шакли ҳимояи лоиҳа дар назди доварон баргузор мешавад. Маҳорати суханронии оммавӣ ва қобилияти муаллим барои муколама бо шунавандагон арзёбӣ карда мешавад.
Ҳар иштирокчии озмун бо шаҳодатномаи шахсӣ сарфароз мегардад. Ба ғолибон ва ҷоизадорон диплом ва туҳфаҳои пулӣ супорида мешаванд: 4 нафари ғолиб бо 50 000 рублӣ ва 8 нафар ҷоизадорон бо маблағи 30 000 рублӣ мукофотонида мешаванд.
Азиза ДАДАБОЕВА
АМИТ «Ховар»
АКС аз манбаъҳои боз
Бахшида ба Рӯзи Президенти Ҷумҳурии Тоҷикистон ҳамоиши илмӣ-амалӣ баргузор шуд
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
ЯК РӮЗ ДАР БОҒЧА. Мураббӣ тарбиятгирандагонро бояд бо чеҳраи кушоду табассум ва суханони меҳрубонона истиқбол намояд
Дар Лондон омодагӣ ба аккредитатсияи байналмилалии муассисавию барномавӣ (International Quality Review — IQR) баррасӣ шуд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
8 нафар аз Донишгоҳи техникии Тоҷикистон ғолиби Озмуни ҷумҳуриявии «Илм–фурӯғи маърифат» гардиданд
Дар Донишгоҳи давлатии Бохтар 32-солагии қабули Конститутсияи Тоҷикистон таҷлил карда шуд
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Олими ҷавони тоҷик соҳиби патентҳои Ҷумҳурии Беларус гардид
