«ТАШАККУЛИ ТАРЗИ ҲАЁТИ СОЛИМ». Ғолибони ин озмун дар муассисаҳои таҳсилоти умумӣ муайян шуданд

Декабрь 31, 2022 11:06

ДУШАНБЕ, 31.12.2022. /АМИТ «Ховар»/. Ғолибони Озмуни «Ташаккули тарзи ҳаёти солим» дар муассисаҳои таҳсилоти умумӣ дар соли 2022 муайян гардиданд. Дар озмун 5 муассисаи таҳсилоти миёнаи умумӣ  –мактаби №38 –и ноҳияи Сино,  №12-и шаҳри Турсунзода,  №7-и  шаҳри Хоруғ,  №5-и шаҳри Хуҷанд ва муассисаи таълимии  №3-и шаҳри Норак беҳтарин дониста шуда, бо туҳфаҳои хотиравӣ ва «Ифтихорнома»-и Вазорати маориф ва илми Ҷумҳурии Точикистон  қадрдонӣ шуданд, хабар доданд ба АМИТ “Ховар”  дар маркази матбуоти Вазорати маориф ва илми кишвар.

Тибқи талаботи Низомномаи озмун,  инчунин беҳтарин омӯзгори фанни биология ва  ҳамшираи тиббӣ дар муассисаҳои таълимии зикргардида муайян гардиданд. Дар натиҷа  фаъолияти омӯзгори фанни биологияи муассисаи таҳсилоти миёнаи умумии №100-и ноҳияи Шоҳмансур Сабзалӣ Аминов ва ҳамшираи тиббии муассисаи таҳсилоти миёнаи умумии №3-и  шаҳри Норак Умеда Нуралиева беҳтарин арзёбӣ гардида,  бо «Ифтихорнома»-и Вазорати маориф ва илм сарфароз гардонида шуданд.

Дар маросими ҷамъбасти озмун  муовини Вазири маориф ва илм Зиёдулло Абдулзода,  муовини роҳбари Хазинаи нуфуси СММ (UNFPA) дар Тоҷикистон Равшан Тоҳиров, намояндагони раёсат ва шуъбаҳои маорифи шаҳру ноҳияҳо, шарикони рушд ва ғолибони озмун иштирок намуданд.Зиёдулло Абдулзода зикр кард, ки бо мақсади амалӣ намудани «Барномаи миллии ташаккули тарзи ҳаёти солим дар Ҷумҳурии Тоҷикистон барои солҳои 2022-2026» аз ҷониби Вазорати маориф ва илми мамлакат  як қатор корҳои назаррас ба анҷом расонида шудаанд, ки баргузории озмуни мазкур аз ҷумлаи ин тадбирҳо мебошад.

Озмуни «Ташаккули тарзи ҳаёти солим» дар байни муассисаҳои таҳсилоти умумӣ дар се давр гузаронида шуда, даври сеюми он моҳи декабр дар Вазорати маориф ва илми мамлакат ҷамъбаст карда шуд.

АКС: Маркази матбуоти Вазорати маориф ва илми Ҷумҳурии Тоҷикистон

 

Декабрь 31, 2022 11:06

Хабарҳои дигари ин бахш

Даврон Сафарзода: «Олимони тоҷик минбаъд низ бояд барои расидан ба ҳадафҳои стратегии давлат саҳм гузоранд»
«МАЪРИФАТИ ҲУҚУҚӢ-ОЙИНИ ХУДШИНОСӢ». Дар пойтахт даври шаҳри озмуни ҷумҳуриявӣ баргузор гардид
Олимпиадаи ҷумҳуриявӣ барои дарёфти «Ҷоми Кумита оид ба таҳсилоти ибтидоӣ ва миёнаи касбӣ» ҷамъбаст гардид
Дар Донишгоҳи байналмилалии забонҳои хориҷии Тоҷикистон оид ба «Истифодаи оқилонаи захираҳои об дар шароити тағйирёбии иқлим» ҳамоиш баргузор шуд
НАҚШИ ПЕШВОИ МИЛЛАТ ДАР ГУСТАРИШИ МАЪРИФАТИ ҲУҚУҚИИ ҶОМЕА. Доир ба он дар Донишгоҳи миллӣ конфронси ҷумҳуриявӣ баргузор шуд
«ДУРНАМОИ РУШДИ ИЛМИ ТАЪРИХИ ВАТАНӢ». Дар ҳошияи мулоқоти Президенти Тоҷикистон бо аҳли илм ва маорифи ҷумҳурӣ ҳамоиш доир шуд
Даври ниҳоии олимпиадаи ҷумҳуриявӣ барои дарёфти «Ҷоми Кумита оид ба таҳсилоти ибтидоӣ ва миёнаи касбӣ» оғоз гардид
ОҒОЗИ ДАВРИ ДУЮМИ БАҚАЙДГИРӢ. Тибқи иттилои Маркази миллии тестӣ он то 30 июн идома меёбад
«ТОҶИКОН БОЯД ДОРОИ ҶАҲОНБИНИИ ИЛМИИ ЗАМОНИ МУОСИР БОШАНД». Андешаҳо дар ҳошияи суханронии Президенти Тоҷикистон дар мулоқот бо аҳли илм ва маорифи мамлакат
ПАЙВАНДИ ИЛМ БО ИСТЕҲСОЛОТ ЗАМИНАИ ГУСТАРИШИ СОҲАҲОИ ҲАЁТИ ҶОМЕА. Андешаҳо дар ҳошияи суханронии Президенти Тоҷикистон дар мулоқот бо аҳли илм ва маорифи мамлакат
РУШДИ ИЛМ ВА АҲАМИЯТИ ОН БАРОИ ИСТИҚЛОЛИЯТИ ТОҶИКИСТОН. Дар ҳошияи мулоқоти Президенти Тоҷикистон муҳтарам Эмомалӣ Раҳмон бо аҳли илм ва маорифи мамлакат
Дар Донишгоҳи давлатии Кӯлоб оид ба раванди таълим дар синфҳои ибтидоӣ конференсияи ҷумҳуриявӣ баргузор шуд