ҲУШДОРИ АГЕНТИИ ОБУҲАВОШИНОСӢ. Ҳавои сард ва барфу борон дар қаламрави Тоҷикистон то 9 декабр дар назар аст
ДУШАНБЕ, 05.12.2022 /АМИТ «Ховар»/. Тибқи иттилои Агентии обуҳавошиносии Тоҷикистон, то 9 декабр дар қаламрави мамлакат ҳавои сарду боронӣ пешбинӣ шудааст. Дар ин рӯзҳо дар водиҳо борон ба барфи тар табдил шуда, дар навоҳии кӯҳӣ ва наздикӯҳӣ барфи шадид меборад. Ҳаво дар водиҳо ва ноҳияҳои наздикӯҳӣ рӯзона то 5 дараҷа гарм мешавад. Дар робита ба ин Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба таваҷҷуҳи сокинон ва меҳмонони кишвар мерасонад, ки ҳангоми истифодаи дастгоҳҳои барқӣ барои гарм кардани хонаҳо қоидаҳои бехатарии сӯхторро қатъиян риоя намуда, неруи барқро сарфаҷӯёна истифода баранд, хабар доданд ба АМИТ «Ховар» дар Кумитаи мазкур.
Кумитаи ҳолатҳои фавқулода ва мудофиаи гражданӣ ҳамзамон барои таъмини бехатарӣ дар роҳҳо ба ронандагон тавсия медиҳад, ки мошинро пеш аз сафар аз санҷиш гузаронанд, чархҳои тобистонаро бо зимистона иваз кунанд, системаи гармкунии мошинро бодиққат санҷанд. Инчунин пеш аз сафар бо худ қисмҳои эҳтиётии зарурӣ бигиранд, бахусус барои эҳтиёт лампаҳои равшанидиҳанда бояд дошта бошанд; дар бордони мошин бояд ҳатман сару либоси гарм, фонус, бели хурди сафарӣ, банд барои кашидани мошин, сӯзишвории эҳтиётӣ, гӯгирд дошта бошанд ва ҳангоми ҳаракат бо роҳҳои кӯҳӣ фосиларо риоя намоянд.
Дар хотир бояд дошт, ки дар фасли сармо ва бахусус ҳангоми барфу борону сардиҳо роҳҳо маъмулан душворгузар мешаванд ва дар ин гуна ҳолатҳо фосилаи байни мошинҳо аз фосилаҳои маъмулӣ бояд дарозтар бошад.
Ғайр аз ин Кумита аз шаҳрвандон хоҳиш мекунад, ки сари вақт бомҳои худро аз барф тоза намуда, мошинҳои худро зери дарахтон нагузоранд.
Бо мақсади сироят нашудан аз ҳар гуна бемориҳои мавсимӣ Кумита тавсия медиҳад, ки дар ҷойҳои серодам пӯшидани ниқобро фаромӯш насозанд.
Ҳамзамон Кумита аз шаҳрвандон даъват ба амал меорад, ки дар ин рӯзҳо сафарҳои худро дар роҳҳои кӯҳӣ бидуни зарурати таъҷилӣ маҳдуд намуда, аз корҳои кишоварзӣ, чаронидани чорво, моҳидорӣ, ғунучини ҳезум ва шикор дар манотиқи кӯҳистон худдорӣ кунанд.
Барои пешгирӣ аз эҳтимоли омадани сел ҷӯйборҳоро тоза намоянд, ҳангоми истифода аз бухориҳое, ки бо ангишт гарм мешаванд, қоидаҳои бехатариро риоя намоянд.
АКС: АМИТ «Ховар»
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
Дар фасли тирамоҳ бемориҳои сироятии мавсимӣ зиёд мешаванд
«БЕҲТАРИН ҲАМСАР». Даври якуми озмуни ҷумҳуриявӣ дар ҷамоатҳо, деҳот ва маҳаллаҳо оғоз шуд
Дар пиряхи Тоҷикистон экспедитсияи байналмилалӣ оид ба навсозии стансияи баландкӯҳи Горбунов гузаронида шуд
МАҚОМИ ЗАН ДАР ДАВРОНИ ИСТИҚЛОЛ. Давоми сеюним даҳсола мавқеъ ва мақоми зан дар ҷомеа ба куллӣ тағйир ёфт
Дар назди Коллеҷи муҳандисӣ-техникии ноҳияи Нуробод бинои нави таълимӣ ва хобгоҳ сохта мешавад
Дар Суғд масъалаи риояи талаботи санитарию эпидемиологӣ дар муассисаҳои хизматрасонӣ баррасӣ гардид
35-СОЛАГИИ ИСТИҚЛОЛИ ДАВЛАТӢ. Дар ноҳияи Тоҷикобод хати нави оби нӯшокӣ ва иншооти иҷтимоӣ мавриди истифода қарор гирифтанд
