Вазорати меҳнати Тоҷикистон бо Ассотсиатсияи миллии бинокорон (НОСТРОЙ) созишнома ба имзо расонид
ДУШАНБЕ, 13.12.2022 /АМИТ «Ховар»/. 12 декабр Вазорати меҳнат, муҳоҷират ва шуғли аҳолии Ҷумҳурии Тоҷикистон бо Ассотсиатсияи миллии бинокорон (НОСТРОЙ)-и Федератсияи Россия созишнома ба имзо расонид. Дар ин бора ба АМИТ «Ховар» дар маркази матбуоти Вазорати меҳнат, муҳоҷират ва шуғлии аҳолии мамлакат иттилоъ доданд.
Созишномаи мазкур дар Душанбе аз ҷониби муовини Вазири меҳнат, муҳоҷират ва шуғли аҳолии Ҷумҳурии Тоҷикистон Шаҳноза Нодирӣ ва роҳбари Ассотсиатсияи миллии бинокорон (НОСТРОЙ) Антон Глушков ба имзо расонида шуд.
Зимни имзои санади мазкур ҷонибҳо ба мувофиқа расиданд, ки ҳамкории шарикӣ барқарор намуда, муносибатҳои дарозмуддатро барои баланд бардоштани афзалияти захираҳои меҳнатӣ ба роҳ монанд.
Вазорати меҳнат, муҳоҷират ва шуғли аҳолии Ҷумҳурии Тоҷикистон ва Ассотсиатсияи миллии бинокорон ният доранд, ки дар самти боло бурдани тахассуси шаҳрвандони Тоҷикистон, ки дар соҳаи сохтмон дар Россия кор мекунанд, системаи махсус таъсис диҳанд.
Ёдовар мешавем, ки Вазорати меҳнат, муҳоҷират ва шуғли аҳолии Ҷумҳурии Тоҷикистон ба омода намудани мутахассисони баландпоя аз рӯи ихтисосҳои корӣ ва арзёбии тахассуси шахсони дорои малакаҳои касбии дахлдор, ки дар бозори меҳнати Тоҷикистон ва Россия талабот доранд, манфиатдор аст.
АКС: Вазорати меҳнат, муҳоҷират шуғли аҳолии ҶТ
Дар Донишгоҳи миллии Тоҷикистон дар мавзуи ташаккули низоми нави радио, телевизион ва интернет конфронси илмӣ -амалӣ баргузор шуд
РАВАНДИ ОБИ ДУШАНБЕ. Тақрибан 150 волонтёр барои баргузории Конфронси чоруми байналмилалии сатҳи баланд ҷалб шудаанд
Президенти Тоҷикистон Эмомалӣ Раҳмон ҷавононро ба ҳифзи истиқлолу арзишҳои миллӣ даъват намуданд
«ҶАВОНОН — МУАРРИФИ ФАРҲАНГИ МИЛЛӢ». Дар Бохтар бахшида ба Рӯзи ҷавонон ҳамоиши идона баргузор гардид
Дар Норак ҷавонони фаъол қадрдонӣ шуданд
Дар шаҳри Турсунзода Рӯзи ҷавонон таҷлил гардид
Сарвари давлат Эмомалӣ Раҳмон: «Танҳо давлатҳои дорои ҷавонони босаводу ватандӯст пойдор мемонанд»
ТОҶИКИСТОН КИШВАРИ ҶАВОНОН АСТ. Иқтибосҳо аз суханрониҳои Сарвари давлат бахшида ба Рӯзи ҷавонон
РӮЗИ ҶАВОНОНИ ТОҶИКИСТОН. Имрӯз дар Майдони Истиқлоли шаҳри Душанбе Шоу – барномаи консертии идона баргузор мегардад
Ҳайати Тоҷикистон дар вохӯрии аъзои Комиссияи идоракунии лоиҳаи JDS иштирок намуд
23 МАЙ — РӮЗИ ҶАВОНОНИ ТОҶИКИСТОН. Онҳо неруи асосии пешбарандаи ҷомеа ва омили муҳими суботи сиёсӣ мебошанд
