35-СОЛАГИИ ИСТИҚЛОЛИЯТИ ДАВЛАТӢ. Дар Роштқалъа корҳои сохтмонӣ дар 39 иншооти дигари ҷашнӣ ҷараён доранд
ДУШАНБЕ, 13.01.2023 /АМИТ «Ховар»/. Дар доираи таҷлили ҷашни 35 — солагии Истиқлолияти давлатии Ҷумҳурии Тоҷикистон дар ноҳияи Роштқалъаи Вилояти Мухтори Кӯҳистони Бадахшон сохтмони 205 иншоот ба нақша гирифта шуда, то ба имрӯз 47-тои он мавриди истифода қарор гирифта, дар 39 иншооти дигар корҳои сохтмонӣ ҷараён доранд. Дар ин бора АМИТ «Ховар» бо истинод ба Мақомоти иҷроияи ҳокимияти давлатии ноҳияи Роштқалъа хабар медиҳад.
Ҷиҳати шиносоӣ пайдо кардан аз раванди корҳои бунёдӣ дар биноҳои ҷашнӣ, Раиси вилоят Алишер Мирзонабот ва Котиби Шӯрои амнияти Ҷумҳурии Тоҷикисон Насрулло Маҳмудзода аз ноҳияи мазкур боздид намуданд.
Ба боду ҳавои сарди фасли зимистон нигоҳ наркарда, корҳои бетонхобонию хиштчинӣ дар ошёнаи дуюми муассисаи таҳсилоти ҳамагонӣ дар маркази ноҳия бомаром идома доранд.
Муассисаи таълимӣ барои 640 хонанда дар як баст пешбинӣ гардида, аз чор ошёна иборат буда, корҳои сохтмониро Раёсати сохтмони №2-и ноҳияи Роштқалъа ба зимма дорад.
Зикр гардид, ки корҳои сохтмонӣ моҳи март соли гузашта оғоз гардида, аллакай қабати якуми бино ба итмом расида, корҳои хиштчиниву арматурабофӣ дар ошёнаи дуюм бо суръату сифати баланд пеш мераванд.
Дар баробари бинои асосӣ, инчунин дар толорҳои маҷлис ва варзишӣ бетонрезиву хиштчинӣ идома дорад.
Бунёди муассисаи таълимии замонавӣ дар асоси дастуру ҳидоятҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон шурӯъ шуда, аз ҷониби Дирексияи сохтмонии иншооти ҳукуматии Дастгоҳи иҷроияи Президенти Ҷумҳурии Тоҷикистон маблағгузорӣ мегардад.
Ҳамзамон ҳоло дар маркази ноҳия бунёди беморхона барои 270 кати хоб мутобиқи нақша идома дорад. Фаромоишгари беморхона Дирексияи сохтмонии иншооти ҳукуматии Дастгоҳи Президенти Ҷумҳурии Тоҷикистон ба ҳисоб рафта, ба ҳолати ҳозира 9 миллион сомонӣ аз худ гардидааст.
Касалхона аз панҷ бино иборат мебошад, ки баъди ба истифода додан сатҳу сифати хизматрасонӣ ба сокинон ба маротиб беҳтар хоҳад гардид.
Роҳбарияти вилоят ва Котиби Шӯрои амнияти Ҷумҳурии Тоҷикистон ба масъулин дастур доданд, ки корҳоро дар иншоот сифатнок ва саривақт ба анҷом расонанд.
Дар маркази ноҳия бинои истиқоматии панҷошёна барои кормандони Мақомоти иҷроияи ҳокимияти давлатии ноҳияи ба итмом расида, корҳои рангуборкунӣ дар дохили бино идома доранд.
Маблағгузори иншоот Ҳукумати мамлакат буда, дар рӯзҳои ҷашни 35 -солагии Истиқлолияти давлатӣ мавриди истифода қарор дода хоҳад шуд.
Яке аз калонтарин иншооти ноҳияи Роштқалъа ин Неругоҳи барқи обии «Себзор» мебошад.
Иттилоъ дода шуд, ки бо интихоб шудани паймонкор — ширкати ватании «Тоҷикгидроэлектормантаж» корҳо дар неругоҳ вусъати тоза касб намуд.
Муҳандисону мутахассисони ширкати мазкур корҳои заминиро барои гузоштани пойдевори оҳану бетонии сарбанд идома мебахшанд.
Баландии сарбанди Неругоҳи барқи обии «Себзор» 8,5 ва паҳноии он 8 метрро ташкил медиҳад.
Роҳбарияти вилоят ва Котиби Шӯрои амния масъулинро вазифадор намуданд, ки ба сифати корҳо диққати аввалиндараҷа равона созанд.
София ШОИК,
АМИТ «Ховар»
АКС: МИҲД ноҳияи Роштқалъа
Бахшида ба Рӯзи Парчами давлатӣ дар ноҳияи Рӯдакӣ ҳамоиши тантанавӣ доир шуд
Сарвазири Тоҷикистон Қоҳир Расулзода дар ноҳияҳои Абдураҳмони Ҷомӣ ва Дӯстӣ бо корҳои ободонию созандагӣ ва саривақт ҷамъоварӣ намудани ҳосили пахта шинос шуд
35-СОЛАГИИ ИСТИҚЛОЛИ ДАВЛАТӢ. Дар Балҷувон 180 иншооти таъйиноти гуногун ба истифода дода шуд
Пешвои миллат Эмомалӣ Раҳмон дар Фурудгоҳи байналмилалии Хуҷанд бинои Маҷмааи хизматрасонии техникии парвозҳоро ба истифода доданд
Сарвари давлат Эмомалӣ Раҳмон 3 қитъаи роҳи мошингарди Деҳмой-Конибодом — Деҳмой-Бобоҷон Ғафуров, Бобоҷон Ғафуров-Хистеварз ва Кучкак-Конибодомро мавриди баҳрабардорӣ қарор доданд
Дар Кувайт ҷашнҳои давлатии Тоҷикистон таҷлил гардиданд
Пешвои миллат Эмомалӣ Раҳмон таври фосилавӣ 6 иншооти таъйиноти гуногунро дар ноҳияи Бобоҷон Ғафуров ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров коргоҳи истеҳсоли маҳсулоти пластикии ҶДММ «Чавроқ»-ро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳри Гулистон ба таври фосилавӣ як иншооти соҳаи тандурустӣ, ду корхонаи саноатӣ ва як сардхонаро ифтитоҳ намуданд
Пешвои миллат Эмомалӣ Раҳмон дар шаҳри Гулистон корхонаи истеҳсоли ранг ва хокаи хушки сохтмонии ҶДММ «Тиглат»-ро ба истифода доданд
Сарвари давлат Эмомалӣ Раҳмон ба корҳои сохтмонии ду лоиҳаи нави энергетикӣ дар ноҳияи Ашти вилояти Суғд ва ноҳияи Ҷайҳуни вилояти Хатлон оғоз бахшиданд
Президенти Ҷумҳурии Тоҷикистон Эмомалӣ Раҳмон 3 гидроагрегати неругоҳи Қайроққумро баъди навсозӣ мавриди истифода қарор доданд
