ҶДММ «ММК Агро» дар Суғд зиёда аз 83 ҳазор кг маҳсулот истеҳсол намуд

Январь 16, 2023 16:55

СУҒД, 16.01.2023 /АМИТ «Ховар»/. Соли 2022 ҳаҷми истеҳсоли маҳсулоти гармхонаи Ҷамъияти дорои масъулияти маҳдуди «ММК Агро»-и ноҳияи Бобоҷон Ғафуров ба 83503 кг баробар гардида, дар маҷмӯъ ба маблағи 850 ҳазор сомонӣ маҳсулот истеҳсол карда шуд, хабар дод роҳбари корхона Абдухолиқ ҚОБИЛОВ ба хабарнигори минтақавии АМИТ «Ховар» Саъдуло МАҲКАМ.

Маҳсулоти истеҳсолшуда асосан дар бозорҳои дохили ҷумҳурӣ ба фурӯш бароварда мешаванд.

Гармхонаи муосир дар масоҳати 5 гектар бунёд гардидааст. Дар он асосан парвариши 2 намуди помидори навъҳои голландии «Замира» ва «Дафлис» роҳандозӣ шуда, минбаъд парвариши дигар намудҳои он дар назар дошта шудааст. Дар он маҳсулоти кишоварзӣ бо сифати баланд парвариш карда мешавад.

Дар гармхона парвариши маҳсулоти кишоварзӣ бо усули гидропоникӣ ва органикӣ роҳандозӣ шуда, барои гирифтани ҳосили хуб 13 навъи маводи ғизоӣ тариқи обёрии қатрагӣ ба растанӣ расонида мешавад.

«Дар қисмати гидропоникӣ, ки 2,3 гектари гармхонаро ташкил медиҳад, нигоҳубини тухмиҳо ба таври автоматӣ ва бо истифода аз технологияи насли нав амалӣ гашта, муътадилии ҳарорати дохил тариқи системаи буғӣ дар ҳамаи мавсими сол таъмин мегардад. Қисмати органикӣ, яъне ба таври маъмулӣ парвариш кардани тухмиҳо аз ду як ҳиссаи гармхонаи мазкурро ташкил медиҳад. Дар ин ҷо низ ҳамаи амалиёти парвариш ва нигоҳубини растанӣ тариқи автоматӣ ба роҳ монда шуда, муътадилии ҳарорати ҳаво бо усули радиаторӣ, яъне гармии сунъӣ нигоҳ дошта мешавад. Барои иҷрои ин амал дар қисмати органикии гармхона дастгоҳи гармирасон насб гардидааст.

«Дар айни замон дар корхона 25 коргар фаъолият мекунанд, ки 20 нафарашон занону духтарон мебошанд. Музди маоши кормандон дар як моҳ ба ҳисоби миёна 700-800 сомониро ташкил медиҳад»,- иброз дошт Абдухолиқ Қобилов.

Ёдовар мешавем, ки гармхонаи ҶДММ «ММК Агро»-ро 13 ноябри соли 2022 аз ҷониби Президенти Ҷумҳурии Тоҷикистон муҳтарам Эмомалӣ Раҳмон мавриди баҳрабардорӣ қарор дода шуда буд.

Мавриди зикр аст, ки мардуми меҳнатдӯсту матиниродаи ноҳияи Бобоҷон Ғафуров дар самти кишоварзиву саҳродорӣ, деҳқониву заминдорӣ ҳамто надорад. Анвои зиёди маҳсулоти озуқаворӣ — меваи хушки босифат, сабзавоту меваҳои тару тоза ва дигар маҳсулоти хушлаззати кишоварзӣ маҳз дар ин ноҳия парваришу истеҳсол гардида, дастраси сокинони шаҳр ва берун аз он мегардад. Саҳми кишоварзони ноҳия дар таъмини амнияти озуқавории шаҳру вилоят ва мамлакат назаррас мебошад.

АКС: Хадамоти матбуоти Президенти ҶТ/АМИТ «Ховар

Январь 16, 2023 16:55

Хабарҳои дигари ин бахш

Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
«ТОҶИКИСТОН-2024». Дар Душанбе Намоишгоҳи байналмилалии универсалӣ доир мешавад
120 гектар замини канори деҳаи Ғӯсари шаҳри Панҷакент бо оби полезӣ таъмин мегардад
Масъалаи тезонидани корҳо оид ба тармим ва навсозии нақби «Истиқлол» дар Душанбе баррасӣ гардид