ҲАДАФ — ЭМИНИИ ПАРАНДАГОН ВА ҲАЙВОНОТ ДАР ФАСЛИ САРМО. Сарраёсати ҳифзи муҳити зисти Хатлон корҳои биотехникӣ анҷом дод
ДУШАНБЕ, 19.01.2023 /АМИТ «Ховар»/. Бо назардошти сардии ҳаво, барфпӯш будани рӯи замин ва мушкил гардидани дарёфти ғизо барои ҳайвонону парандагон аз ҷониби кормандони бахши ҳифзи муҳити зист шаҳри Бохтар корҳои биотехникӣ анҷом дода шуданд. Дар ин бора АМИТ «Ховар» бо истинод ба бахши матбуоти Сарраёсати ҳифзи муҳити зисти вилояти Хатлон хабар медиҳад.
Мутахассисони бахши ҳифзи муҳити зисти шаҳр тавассути роҳандозӣ намудани чунин тадбирҳои амалӣ дар мавзеъҳои муайяни теппаи таърихии маркази вилоят донагӣ пошиданд.
Ин иқдом имкон медиҳад, ки дар рӯзҳои сарди фасли зимистон парандагон каме ҳам бошад хӯрокӣ пайдо намуда, аз талафёбӣ эмин монанд.
Тибқи иттилои мудири шуъбаи ҳифзи муҳити зисти шаҳр Шамсиддин Халилзода, ҳамасола дар мавсими сардиҳо корҳои биотехникӣ гузаронида мешаванд. Бояд дар анҷом додани ин кор сокинон низ масъулият нишон дода, барои ҳифзи ҳайвоноту парандагон саҳм гузоранд.
Иқдоми мазкур минбаъд ҳам роҳандозӣ мегардад.
Ҳамзамон аз ҷониби кормандони бахши ҳифзи муҳити зисти ноҳияи Абдураҳмони Ҷомӣ бинобар сардии ҳаво барои ҳайвонону парандагон дар ҷойҳои муайн корҳои биотехникӣ гузаронида шуданд. Масъулони соҳа ба миқдори зарурӣ барои ҳифзи парандагону ҳайвонот дон пошиданд.
Инчунин 18 январ аз тарафи кормандони бахши ҳифзи муҳити зисти шаҳри Левакант ҷиҳати сардии ҳаво барои ҳайвонону парандагон дар ҷойҳои муайни шаҳр корҳои биотехникӣ анҷом дода шуда, дону хӯрокӣ гузошта шуданд.
Мудири бахши ҳифзи муҳити зисти шаҳри Левакант Шоҳрух Самадзода иброз дошт, ки дар рӯзҳои сарди зимистон чунин корҳои биотехникӣ аз ҷониби онҳо пайваста гузаронида мешаванд.
Дар ноҳияи Ёвон низ ҷиҳати ҳифзи олами набототу ҳайвонот дар ин фасли сард корҳои биотехникии пошидани дон анҷом дода шуданд.
АКС: Сарраёсати ҳифзи муҳити зисти в. Хатлон
Бар асари обхезӣ дар Танзания 155 нафар ба ҳалокат расид
Дар Донишкадаи исломии Тоҷикистон вобаста ба мубориза бар зидди ифротгароӣ ва хурофотпарастӣ конференсияи ҷумҳуриявӣ доир шуд
Дар Кӯлоб ҷаласаи Шурои ҳамоҳангсози мақомоти ҳифзи ҳуқуқ баргузор шуд
Дар фестивали Олмон зиёда аз 720 ҳолати сироятёбӣ ошкор гардид
Гурӯҳи кории Вилояти Мухтори Кӯҳистони Бадахшон дар Бартанг бо вазъи соҳаҳои гуногуни хоҷагии халқ шинос шуд
Фазои Либия ва Юнони ҷанубӣ бар асари ғубори биёбони Сахара ранги норанҷӣ гирифтааст
Мақомоти Чин барои минтақаҳое, ки аз селу обхезӣ зарар дидаанд, беш аз 15 миллион доллар ҷудо намуданд
Шукурҷон Зуҳуров Раиси Шурои собиқадорони ҷангу меҳнати Ҷумҳурии Тоҷикистон интихоб гардид
Имрӯз дар баъзе ноҳияҳои Тоҷикистон борони бошиддат меборад
Фаъолияти Кумитаи иҷроияи Ҳизби Халқии Демократии Тоҷикистон дар вилояти Хатлон ва сохторҳои ҳизбии он назаррас арзёбӣ гардид
Дар тамоми ноҳияҳои Тоҷикистон пойгоҳҳои базавии нави 4G насб карда мешаванд
Шумораи бар асари тӯфони «Раи» ҳалокшудагон дар Филиппин ба 169 нафар расид
