Агентии беҳдошти замин ва обрасонӣ: «Шабакаҳои обрасони Тоҷикистон ба мавсими имсола пурра омодаанд»
ДУШАНБЕ, 31.01.2023 /АМИТ «Ховар»/. Аз 1 апрел то 1 октябри соли 2023 дар ҷумҳурӣ мавсими обрасонӣ оғоз мегардад. Шабакаҳои обрасони мамлакат барои таъмин намудани заминҳои кишоварзӣ бо об ва хизматрасонӣ пурра омода мебошанд. Ин матлабро имрӯз зимни нишасти матбуотӣ Директори Агентии беҳдошти замин ва обёрии назди Ҳукумати Ҷумҳурии Тоҷикистон Зафарбек Давлатзода иброз дошт.
Ба гуфти мавсуф, вазифаҳои асосии Агентӣ дар соли равон аз худ кардани 1547 гектар замини нав, барқарорсозии 480 гектар заминҳои аз гардиши кишоварзӣ берунмонда, беҳтар намудани ҳолати ғайриқаноатбахши мелиоративии заминҳои корами обӣ дар майдони 9527 гектар ва гузаронидани корҳои соҳилмустаҳкамкунӣ ба дарозии 29 660 метр бо мақсади пешгирӣ аз офатҳои табиии марбут ба об, эмин нигоҳ доштани маҳалҳои аҳолинишин ва иншооти хоҷагии халқ мебошанд
Гуфта шуд, ки дар айни замон дар ҷумҳурӣ 362 адад ассотсиатсияҳои истифодабарандагони об (АИО) фаъолият менамоянд, ки ба 440 ҳазор гектар ё тақрибан 57,5 фоизи заминҳои обёришавандаи ҷумҳурӣ хизмат мерасонанд.
«Агентии беҳдошти замин ва обёрии назди Ҳукумати Ҷумҳурии Тоҷикистон ҳамчун мақоми ваколатдор оид ба ҳамоҳангсозии фаъолияти Ассотсиатсияҳои истифодабарандагони об (АИО) дар ҳамкорӣ бо мақомоти иҷроияи ҳокимияти давлатии шаҳру ноҳияҳои ҷумҳурӣ бо мақсади устувор намудани фаъолияти АИО корҳои фаҳмондадиҳӣ мебарад»,- гуфт Зафарбек Давлатзода.
Ҳамчунин дар нишаст иброз гардид, ки дар доираи Барномаи давлатии «Беҳтар намудани вазъи мелиоративии заминҳои обёришавандаи кишоварзии Ҷумҳурии Тоҷикистон барои солҳои 2019-2023» беҳтар гардонидани ҳолати мелиоративии 9695 гектар заминҳои обӣ ба нақша гирифта шуда буд. Давоми 4 сол дар доираи барномаи мазкур дар ҷумҳурӣ дар майдони 39 239 гектар ё ин ки 81 фоизи нақша ба маблағи 35714 ҳазор сомонӣ ё ин ки 70 фоизи нақша ҳолати ғайриқаноатбахши мелиоративии заминҳо беҳтар карда шудааст.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Раиси Бонки миллӣ дар Форуми байналмилалии «Monetary Policy Dialogue – 2026» иштирок намуд
Татбиқи лоиҳаҳои Барномаи рушди СММ ба рушди хизматрасониҳои иҷтимоӣ ва иқтисодӣ мусоидат мекунад
Дар Тоҷикистон беш аз 46 ҳазор гектар ҷуворимакка барои дон кишт карда шудааст
Шурои Гурӯҳи Бонки ҷаҳонӣ марҳилаи дуюми маблағгузории грантии НБО «Роғун»-ро тасдиқ намуд
Ҳайати Тоҷикистон дар ҷаласаи машваратии электорати Гурӯҳи кишварии узви Бонки ҷаҳонӣ ва Хазинаи байналмилалии асъор иштирок намуд
Тоҷикистон барои Эъломияи Форуми 11-уми ҷаҳонии об дар Арабистони Саудӣ самтҳои афзалиятнокро пешниҳод намуд
Соли равон аз Тоҷикистон қариб 37 ҳазор тонна меваи хушк содирот гардидааст
Самтҳои асосии сиёсати иқтисодию молиявии Тоҷикистон дар Тошканд баррасӣ гардид
Имкониятҳои сайёҳӣ ва ҳунарҳои миллии Тоҷикистон дар Ҳафтаи фарҳангии «Ҷянсу – Осиёи Марказӣ 2026» муаррифӣ карда шуд
МАСЛИҲАТИ МУТАХАССИС. Зардолу чӣ дар шакли тару тоза ва хушкаш фоидаовар мебошад
Лоиҳаи «Тақвияти иқтидори Тоҷикистон барои ҷалб ва истифодаи маблағгузории иқлимӣ» ҷамъбаст гардид
Рушди иқтисоди рақамӣ заминаи устувори пешрафти Тоҷикистон мебошад
