Агентии беҳдошти замин ва обрасонӣ: «Шабакаҳои обрасони Тоҷикистон ба мавсими имсола пурра омодаанд»
ДУШАНБЕ, 31.01.2023 /АМИТ «Ховар»/. Аз 1 апрел то 1 октябри соли 2023 дар ҷумҳурӣ мавсими обрасонӣ оғоз мегардад. Шабакаҳои обрасони мамлакат барои таъмин намудани заминҳои кишоварзӣ бо об ва хизматрасонӣ пурра омода мебошанд. Ин матлабро имрӯз зимни нишасти матбуотӣ Директори Агентии беҳдошти замин ва обёрии назди Ҳукумати Ҷумҳурии Тоҷикистон Зафарбек Давлатзода иброз дошт.
Ба гуфти мавсуф, вазифаҳои асосии Агентӣ дар соли равон аз худ кардани 1547 гектар замини нав, барқарорсозии 480 гектар заминҳои аз гардиши кишоварзӣ берунмонда, беҳтар намудани ҳолати ғайриқаноатбахши мелиоративии заминҳои корами обӣ дар майдони 9527 гектар ва гузаронидани корҳои соҳилмустаҳкамкунӣ ба дарозии 29 660 метр бо мақсади пешгирӣ аз офатҳои табиии марбут ба об, эмин нигоҳ доштани маҳалҳои аҳолинишин ва иншооти хоҷагии халқ мебошанд
Гуфта шуд, ки дар айни замон дар ҷумҳурӣ 362 адад ассотсиатсияҳои истифодабарандагони об (АИО) фаъолият менамоянд, ки ба 440 ҳазор гектар ё тақрибан 57,5 фоизи заминҳои обёришавандаи ҷумҳурӣ хизмат мерасонанд.
«Агентии беҳдошти замин ва обёрии назди Ҳукумати Ҷумҳурии Тоҷикистон ҳамчун мақоми ваколатдор оид ба ҳамоҳангсозии фаъолияти Ассотсиатсияҳои истифодабарандагони об (АИО) дар ҳамкорӣ бо мақомоти иҷроияи ҳокимияти давлатии шаҳру ноҳияҳои ҷумҳурӣ бо мақсади устувор намудани фаъолияти АИО корҳои фаҳмондадиҳӣ мебарад»,- гуфт Зафарбек Давлатзода.
Ҳамчунин дар нишаст иброз гардид, ки дар доираи Барномаи давлатии «Беҳтар намудани вазъи мелиоративии заминҳои обёришавандаи кишоварзии Ҷумҳурии Тоҷикистон барои солҳои 2019-2023» беҳтар гардонидани ҳолати мелиоративии 9695 гектар заминҳои обӣ ба нақша гирифта шуда буд. Давоми 4 сол дар доираи барномаи мазкур дар ҷумҳурӣ дар майдони 39 239 гектар ё ин ки 81 фоизи нақша ба маблағи 35714 ҳазор сомонӣ ё ин ки 70 фоизи нақша ҳолати ғайриқаноатбахши мелиоративии заминҳо беҳтар карда шудааст.
Фирӯза ДАВЛАТЗОДА,
АМИТ «Ховар»
АКС: АМИТ «Ховар»
Ҳайати Тоҷикистон дар Конфронси 4-уми сатҳи баланд оид ба маблағгузории рушди устувор дар Испания иштирок намуд
Дар Созмони ҷаҳонии гумрук намояндагии доимии Тоҷикистон таъсис дода мешавад
Байни Хадамоти гумруки Тоҷикистон ва Саридораи закот, андоз ва гумруки Арабистони Саудӣ Созишномаи ҳамкорӣ ба имзо расид
Ҳайати Тоҷикистон дар ҷаласаи Шурои Созмони ҷаҳонии гумрук дар Брюссел иштирок намуд
НАМОИШГОҲИ ҶАҲОНИИ EXPO-2025. Ҳамарӯза Гӯшаи Тоҷикистонро 25 ҳазор нафар тамошо менамояд
Рӯзи миллии Ҷумҳурии Тоҷикистон дар Намоишгоҳи ҷаҳонии EXPO-2025 дар Осакаи Ҷопон баргузор шуд
Ҳаҷми умумии маҳсулоти кишоварзии Вилояти Мухтори Кӯҳистони Бадахшон ба як миллиард сомонӣ расид
Дар ноҳияи Ёвон беш аз 22 ҳазор тонна маҳсулоти ғаладонагӣ ҷамъоварӣ гардидааст
Эмомалӣ Раҳмон: «Ҳаҷми истеҳсоли маҳсулоти саноатӣ дар Вилояти Мухтори Кӯҳистони Бадахшон соли 2024 ба беш аз 307 миллион сомонӣ расид»
Шумораи субъектҳои соҳибкорӣ дар Вилояти Мухтори Кӯҳистони Бадахшон ба 11 ҳазор расид
Эмомалӣ Раҳмон: «Ташрифи сайёҳон ба Вилояти Мухтори Кӯҳистони Бадахшон 13 баробар афзудааст»
Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
